ជិះម៉ូតូឆ្លងថ្នល់ត្រូវរថយន្តបុកចំពេញទំហឹងដួលបោកផ្ទប់នឹងថ្នល់របួសធ្ងន់២នាក់
បាត់ដំបង៖ បុរស២នាក់ជិះម៉ូតូម៉ាកវេវ ឌុបគ្នាឆ្លងផ្លូវត្រូវរថយន្តម៉ាកកាមរីបុកចំពរញទំហឹង បណ្តាលឲ្យ របួសធ្ងន់ទាំង២នាក់ កាលពីវេលាម៉ោង១៥ និង២០នាទី រសៀលថ្ងៃទី៨ ខែឧសភា ឆ្នាំ២០១៥ នៅលើ ផ្លូវជាតិលេខ៥ ត្រង់ចំណុចភូមិពោធិ៍១ ឃុំគារ ស្រុកមោងឫស្សី ខេត្តបាត់ដំបង។ ក្រោយពីបង្កហេតុអ្នកបើកបររថយន្តបានរត់គេចខ្លួនបាត់។
ប្រភពព័ត៌មានបានឲ្យដឹងថា រថយន្តបង្កហេតុម៉ាកកាមរី ស៊េរីឆ្នាំ១៩៩៥ ពណ៌ស្លែរ ពាក់ស្លាកលេខភ្នំពេញ ២A-១០៧១ អ្នកបើកបរមិនស្គាល់ឈ្មោះ ទិសដៅពីកើតទៅលិច ពេលមកដល់ចំណុចខាងលើ បានបុកម៉ូតូ០១គ្រឿង ម៉ាកវេវ ពណ៌ខ្មៅ គ្មានស្លាកលេខ បើកបរឈ្មោះ ទេព ឌីណា ភេទប្រុស អាយុ២៣ឆ្នាំជាអ្នកឌុប មុខរបរ ធ្វើស្រែ រស់នៅភូមិ ចុងសំណាយ ឃុំជ្រៃ ស្រុកមោងឫស្សី បណ្តាយឲ្យមនុស្សរបួសធ្ងន់ និងអ្នករួមដំណើរ ឈ្មោះ ស៊ឹម ដុល ភេទប្រុស អាយុ៣៣ឆ្នាំ មុខរបរធ្វើស្រែ រស់នៅភូមិជ្រៃ២ ឃុំជ្រៃស្រុកមោងឫស្សី បណ្តាលឲ្យរបួសធ្ងន់។
បន្ទាប់ពីកើតហេតុរងគ្រោះត្រូវក្រុមគ្រួសារបញ្ជូនទៅសម្រាកព្យាបាល នៅមន្ទីរពេទ្យបង្អែកស្រុក មោងឫស្សី រីឯ រថយន្ត និងម៉ូតូត្រូវបាននគរបាលចរាចរណ៍ ស្រុកយកទៅរក្សាទុកនៅអធិការដ្ឋានស្រុកមោងឫស្សី រងចាំដោះស្រាយតាមច្បាប់៕ ម.អ
http://ift.tt/1Erh4j5