ឃាតកជាកូនប្រុសស្រីរបស់ស្ត្រីរងគ្រោះ រួមដៃជាមួយសង្សារ និងអ្នកក្បែរខាងសម្លាប់ម្តាយខ្លួនឯងយកទ្រព្យ ហើយខណៈកំពុងហែសពម្តាយត្រូវសមត្ថកិច្ចចាប់ខ្លួន
ខេត្តកោះកុង ៖ បន្ទាប់ពីសមត្ថកិច្ចធ្វើការស៊ើបអង្កេតយ៉ាងយកចិត្តទុកដាក់លើ ឃាតកម្មសម្លាប់ស្ដ្រីវ័យ ៥៣ឆ្នាំម្នាក់ នៅក្រុងខេមរភូមិន្ទ ខេត្ដកោះ កុង ប្លន់យកទ្រព្យសម្បត្ដិអស់មាសចំនួនជាង ១០តម្លឹងនិងលុយខ្មែរមួយចំនួន ដោយប្រើ ពូថៅកាប់ចំក្បាលនោះសម្លាប់ស្ត្រីជនរងគ្រោះស្លាប់ក្នុងថ្លុកឈាមមក ជនសង្ស័យចំនួន៤ នាក់ ត្រូវបានកម្លាំងនគរបាលចាប់ខ្លួនជាបន្ដ បន្ទាប់ ដែលជនសង្ស័យពីរនាក់ គឺជាកូនស្រី និងកូនប្រុសបង្កើត ហើយប្រុសម្នាក់ទៀតជាសង្សាររបស់កូនស្រី និងស្ត្រីម្នាក់រស់នៅក្បែរខាងចូលរួម។
ជាបឋមនគរបាល ព្រហ្មទណ្ឌខេត្ដកោះកុងបាន ឃាត់ខ្លួនស្ដ្រីវ័យ ៤៥ឆ្នាំម្នាក់ឈ្មោះជា ម៉ុម ជាអ្នកជិតខាងផ្ទះ ហើយស្ដ្រីអ្នកជិតខាងរូបនេះ បានសារភាពពីទង្វើរបស់ខ្លួន ដែល បានរួមធ្វើសកម្មភាពជាមួយកូនស្រីយកពូថៅ កាប់សម្លាប់ម្ដាយ ដើម្បីប្លន់យកទ្រព្យសម្បត្ដិ ពិតប្រាកដមែន ក្នុងនោះស្ដ្រីសង្ស័យក៏បាន ប្រាប់សមត្ថកិច្ចថា កូនប្រុសបង្កើតម្នាក់ ទៀតនិងសង្សាររបស់កូនស្រីបង ក៏បានចូល រួមធ្វើអំពើឃាតកម្ម នេះផងដែរ ។ បន្ទាប់ពីធ្វើសកម្មភាពរួចកូនស្រីស្ត្រីរងគ្រោះបានយកពូថៅដែលធ្វើសកម្មភាពនោះយកទៅចោលនៅមាត់សមុទ្រ។
ក្រោយពីស្ត្រីសង្ស័យឈ្មោះ ជា ម៉ុម ភេទស្រី អាយុ៤៥ឆ្នាំ ជាអ្នកជិតខាងបានសារភាពប្រាប់សមត្ថកិច្ចថា ខ្លួនគេ រួមជាមួយនឹងកូនស្រីប្រុសរបស់ជនរងគ្រោះជាអ្នកប្រព្រឹត្តអំពើប្លន់នោះ សមត្ថកិច្ចបានតាមចាប់ឃាត់ខ្លួនមនុស្ស៣នាក់ទៀត មានកូនស្រីនិងកូនប្រុសជនរងគ្រោះ និងសង្សាររបស់កូនស្រី ដែលកំពុងហែរសពម្តាយយកទៅស្រុកកំណើតនៅខេត្តកំពតនៅចំណុចនៅស្រុកតាតៃ ខេត្ដកោះកុង រួចនាំមកសាកសួរនៅស្នងការដ្ឋាននគរបាលខេត្តកោះកុង ។
នគរបាលព្រហ្មទណ្ឌខេត្តកោះកុងបានឲ្យដឹងថា ជនសង្ស័យរួមដៃគ្នាក្នុងអំពើប្លន់ធ្វើការឃាត់នោះមាន ១-ឈ្មោះ ប៉ាន់ នៃស៊ីង ភេទស្រី អាយុ៣១ឆ្នាំ (កូនស្រីបង្កើតរបស់ជនរងគ្រោះ) ២-ឈ្មោះ កុសល អេងភិវឌ្ឍន៍ ភេទប្រុស អាយុ២៤ឆ្នាំ (សង្សារកូនស្រី) ៣-ឈ្មោះ ជា មុំ ភេទស្រី អាយុ៤៥ឆ្នាំ(អ្នករួមគំនិតជាអ្នកជិតខា) និងទី៤-ឈ្មោះ ប៉ាន់ សុថេង ភេទប្រុស អាយុ២៥ឆ្នាំ (កូនប្រុសបង្កើត របស់ជនរងគ្រោះ)។
សូមបញ្ជាក់ថា កាលពីវេលាម៉ោងជាង ១០និង៣០ នាទី ព្រឹកថ្ងៃទី២៨ ខែឧសភា ឆ្នាំ២០១៥ ស្ថិតនៅភូមិ៤ សង្កាត់ដងទុង ក្រុងខេមរភូមិន្ទ ខេត្ដកោះកុង ស្ត្រីចំណាស់ម្នាក់ឈ្មោះ ម៉េង សៃ អាយុ៥៣ឆ្នាំ រស់នៅស្រុកដងទង់ ក្រុងខេមរភូមិន្ទ ត្រូវឃាតកកាប់នឹងពូថៅបណ្តាលឲ្យស្លាប់នៅក្នុងផ្ទះ រួចប្លន់យកទ្រព្យសម្បត្តិអស់ប្រមាណ១០តម្លឹងដែលអំពើប្លន់នេះ បានកើតឡើង ខណៈដែលមេឃកំពុងភ្លៀង ផងដែរ ។ តែបើតាមជនដៃដល់ថា ទ្រព្យសម្បត្តិដែលពួកគេប្លន់ហើយគ្រឿងអលង្កា និងទ្រព្យសម្បត្ដិត្រូវបាន កូនប្រុសប្អូន ជាអ្នកកាន់កាប់ ។
ក្រៅតែពីពួកគេកាប់សម្លាប់ម្តាយយកទញរព្យសម្បត្តិ ពូកគេពូកែបំភាន់ភ្នែកមហាជនតែមិនអាចបំភាន់ភ្នែសមត្ថកិច្ចបានយូរឡើយ ហើយគេនៅចាំបានថា ក្រោយធ្វើសកម្មភាពរួចហើយ គេបាន ឃើញកូនស្រីរបស់ស្ដ្រីរងគ្រោះ ទ្រហោយំលុតជង្គង់នៅមុខផ្ទះ ដែលមាន ឈាមប្រឡាក់លើដងខ្លួន ដែលមើលទៅគួរឲ្យអាណិត អាសូរយ៉ាងខ្លាំង ចំពោះការបាត់បង់ម្ដាយក្នុង តែតាមពិតគេគ្រាន់តែបំភាន់សាច់រឿងសោះ គេជាឃាតកសម្លាប់ម្ដាយខ្លួនឯង រួមដៃជាមួយអ្នកក្រៅប្រព្រឹត្ដរឿងដ៏មហាសែនឃោរឃៅ ក្នុងជាតិជាមនុស្សជាកូនរបស់ម្តាយបង្កើត៕
http://ift.tt/1co0Mkd
