ប្រជាពលរដ្ឋសហការជាមួយកងទ័ពជើងទឹក ចាប់បានជនល្មើស៧នាក់ និងកាណូតអូសអួន ខុសច្បាប់២គ្រឿងនៅពេលយប់ប្រគល់អោយជំនាញជលផល
ខេត្តកំពង់ឆ្នាំង៖ ជនល្មើសម្នាក់ និងកម្មករ៦នាក់ ព្រមទាំងកាណូតអូសអួនខុសច្បាប់ ២គ្រឿងកំពុងប្រព្រឹត្តបទល្មើសនេសាទ ត្រូវបានប្រជាពលរដ្ឋសហការជាមួយកងទ័ព ជើង ទឹក ព័ទ្ធចាប់បានប្រគល់ជូនរដ្ឋបាលជលផលផ្នែកកំពង់ប្រាសាទ ក្រោយពីមានបញ្ជា ពីលោកព្រះរាជអាជ្ញាសាលាដំបួងខេត្ត។ ករណីបង្ក្រាបបានធ្វើឡើងនៅវេលា ម៉ោង ៩ និង៤៥ នាទីយប់ថ្ងៃទី៣០ ខែមេសា ឆ្នាំ២០១៥ នៅចំណុចព្រែកសេះ ស្ថិតក្នុងភូមិពាមឆ្កោក ឃុំពាមឆ្កោក ស្រុកជលគីរី ខេត្តកំពង់ឆ្នាំង។
មន្ត្រីរដ្ឋបាលជលផលផ្នែកកំពង់ប្រសាទបានអោយដឹងថា៖ ជនល្មើសដែលបានចាប់ខ្លួន ខាងលើមានឈ្មោះ ច្រឹង យាំងងិន អាយុ៥៦ឆ្នាំ រស់នៅភូមិពាមឆ្កោក ឃុំពាមឆ្កោក ស្រុ ក ជលគីរី ជាម្ចាស់ឧករណ៍ខុសច្បាប់ និងមនុស្សប្រុស ស្រី៦នាក់គឺជាកម្មករ។ វត្ថុតាងដែល ដក ហូតបានមាន៖ កាណូត២គ្រឿង សាច់អួនប្រវែង២៩ម៉ែត្រ និងត្រីមួយចំនួន។
ប្រជាពលរដ្ឋដែលបានសហការជាមួយកងទ័ពជើងទឹកក្នុងមូលដ្ឋាន ចាប់បទល្មើសខាង លើនេះ បាននិយាយអោយដឹងថា៖ ពេលជនល្មើសកំពុងធ្វើសកម្មភាពអួសអួនខុសច្បាប់ ពួកគាត់បានទទួលបញ្ជារពីលោក យូ ទិត្យវឌ្ឍនៈ ព្រះរាជអាជ្ញាសាលាដំបូងខេត្ត អោយ ព័ទ្ធចាប់អោយបាន ហើយបញ្ជូនខ្លួនទៅអោយផ្នែករដ្ឋបាលជលផលកំពង់ប្រសាទ ចាត់ការបន្តតាមផ្លូវច្បាប់។ម្យ៉ាងទៀតលោកព្រះរាជអាជ្ញាបានអោយពួកគាត់ដឹងថា៖ អ្នកកាងជនល្មើសបាន និយាយបរិហារកេរ្តិ៍ថា ពួកគេហ៊ានរកបែបនេះគឺគេបានបង់លុយអោយ លោកព្រៈរាជអាជ្ញាខេត្តរួចហើយ។ ព្រោះតែហេតុនេះហើយ ទើបលោកព្រះរាជអាជ្ញាអោយចាប់ជនល្មើសអោយបានដើម្បីស្រាវជ្រាវរកអ្នកនៅពីក្រោយខ្នង ដើម្បីកុំអោយស្វាស៊ីបាយឆ្អែតហើយបែរជាយកបាយមកលាបមាត់ពពែទៅវិញ។
នៅចំពោះមុខសមត្ថកិច្ចជនល្មើសឈ្មោះ ច្រឹង យាំងងិន បាននិយាយថា៖ ពួកខ្លួនទើប តែលួចនេសាទបែបនេះបានតែ២ថ្ងៃប៉ុណ្ណោះ ព្រោះតែមានជីវភាពខ្វះខាតខ្លាំងពេកប៉ុន្តែ ពួកខ្លួន មិនបានបង់លុយអោយអ្នកណាឡើយ។ ប៉ុន្តែការឆ្លើយបែបនេះគឺគ្រាន់តែជា ការដោះសារមិនអោយអ្នកកាងរូបគេពាក់ព័ន្ធតែប៉ុណ្ណោះ អ្នកកាងរូបនោះគេដឹងហើយ។
លោក អ៊ូ សោភ័ណ នាយផ្នែករដ្ឋបាលជលផលកំពុងប្រសាទបានអោយដឹងថា៖ ជន ល្មើសឈ្មោះ ច្រឹង យាំងងិន រួមទាំងកម្មករទាំង៦នាក់ និងវត្ថុតាងទាំងអស់ត្រូវ បាន កសាងសំណុំរឿងតាមនិតិវិធីបញ្ជូនខ្លួនទៅកាន់ខណ្ឌ័រដ្ឋបាលជលផលកំពង់ឆ្នាំងនៅថ្ងៃនេះ ដើម្បីចាត់ការបន្តតាមផ្លូវច្បាប់ដែលពួកគេអាចនិង ធ្វើការផាកពិន័យ អន្តការតាម បញ្ញត្តិច្បាប់ស្តីពីជលផល៕ ដោយ រិទ្ធិ ជ័យ
http://ift.tt/1bJXesL