មន្ត្រីខេត្តរៀបចំសណ្តាប់ធ្នាប់ លក់ដូរតាមចិញ្ចើមផ្លូវក្នុងសង្កាត់ផ្សារឆ្នាំង ចញ្ចៀសការកកស្ទះ ចរាចរណ៍ និងរក្សាសណ្តាប់ធ្នាប់ក្នុងក្រុង
ខេត្តកំពង់ឆ្នាំង ៖ អនុវត្តតាមផែនការណ៍របស់គណៈ បញ្ជាការឯកភាពខេត្តនិងដោយការបញ្ជារផ្ទាល់ពីលោកស្នងការនគរបាលខេត្តនៅព្រឹកថៃ្ងទី២៩និង៣០ ខែមេសាឆ្នាំ២០១៥លោកនាយការិយាល័យសណ្តាប់ធ្នាប់នៃស្នងការដ្ឋាននគរបាលខេត្តកំពង់ឆ្នាំងបានដឹកនាំកំលាំងចុះរៀបចំសណ្តាប់ធ្នាប់ និងធ្វើការណែនាំដល់ប្រជាពលរដ្ឋឍាអាជីវករលក់ដែលបានតាំងទំនិញលក់ដូររំលោភលើចិញ្ចើមផ្លូវសាធារណៈ និងរៀបចំការចតយានយន្តអោយមានសណ្តាប់ធ្នាប់ឡើងវិញចាប់ពីផ្លូវមុខផ្សារលើដល់ចុងកោះ ក្នុងសង្កាត់ផ្សារឆ្នាំក្រុងកំពង់ឆ្នាំង។
លោកមាស ម៉េងហួតនាយការិយាល័យសណ្តាប់ធ្នាប់នៃស្នងការដ្ឋាននគរបាលខេត្តកំពង់ឆ្នាំងបានអោយដឹងថា៖ តាមផែនការណ៍ខាងលើនេះ ការចុះរៀបចំសណ្តាប់ធ្នាប់ គឺជាក្តាសំខាន់ដើម្បីបញ្ចៀសគ្រោះថ្នាក់ចរាចរណ៍ ការកកស្ទះចរាចរណ៍និងរៀបចំសណ្តាប់ធ្នាប់លក់ដូរអោយបានល្អ មានរបៀបរៀប រយជូនប្រជាពលរដ្ឋដើម្បីធ្វើអោយសោភណ្ឌ័ភាពទីក្រុងស្អាតទាក់ទាញភ្ញៀវទេសចរណ៍មកកំសាន្ត។
លោកមាសម៉េងហួត បានបញ្ជាក់អោយដឹងទៀតថា៖ លទ្ធផលនៃការប្រតិបត្តិការក្នុងផែនការណ៍ខាង លើនេះគឺទទួលបានលទ្ធផលល្អ ដោយអាជីវករបានទទួលយកការណែនាំ និងបានរៀបចំទំនិញនិងរោងលក់ឈើដែលធ្លាប់លក់រំលោភលើចិញ្ចើមផ្លូវសាធារណៈ បានរៀបចូលទៅលើដីលំនៅដ្ឋានរបស់គាត់វិញ។ចំណែកការចតយានយន្តគ្រប់ប្រភេទ ក៏មានសណ្តាប់ធ្នាប់ល្អ មិនមានការកកស្ទះប៉ះពាល់ដល់អ្នកធ្វើចរាចរណ៍នោះឡើយ។
ប៉ុន្តែទោះបីមានកិច្ចប្រតិបត្តិការខាលើនេះក៏ដោយ នៅពេលសមត្ថកិច្ចឈប់បំពេញបេសកកម្ម ក៏នៅអ្នក លក់ដូរមានមួយចំនួនតូច មិនបានគោរពការណែនាំរបស់សមត្ថកិច្ចឡើយ គឺនៅតែរំលោភលក់ដូរលើចំណី ផ្លូវសាធារណៈដដែល និងនៅមានអ្នកចតយានយន្តគ្មានសណ្តាប់ធ្នាប់មួយចំនួននៅតែរឹងរុះ គឺពេលមាន សមត្ថកិច្ចពួកគេគោរព តែពេលអត់សមត្ថកិច្ចពួកគេធ្វើចតយានយន្ត និងលក់ដូរតាមទំនើងចិត្តដដែល ដូចវែកចកក្នុងទន្លេ។
ករណីរឹងរុះខាងលើនេះគេយល់ថា៖សមត្ថកិច្ចគួតែចេញប័ណ្ណផាកវិន័យអោយបានម៉ឺងម៉ាត់ចំពោះអ្នករឹងរុះមួយចំនួនតូចនោះ ទើបមានការរាងចាល និងជាការព្រមាលកុំអោយអ្នកផ្សេងទៀតយកគំរូ តាមចនិដើម្បី ធ្វើអោយទីក្រុងស្អាត មានសណ្តាប់ធ្នាប់ល្អ មិនកកស្ទះនិងមានគ្រោះថ្នាក់ចរាចរណ៍។
សមត្ថកិច្ចសូមអំពាវនាវដល់ប្រជាពលរដ្ឋនិងអាជីវករទាំងអស់កុំដាក់តាំងទំនិញនិង តាំងឈើលក់រំលោភលើចិញ្ចើមផ្លូវបន្តទៀតនិងត្រូវចតយានយន្តកុំអោយប៉ះពាល់អ្នកធ្វើចរាចរណ៍ បើពុំនោះទេច្បាស់ជា ប្រឈម នឹងការផាកពិន័យពីសមត្ថកិច្ចក្នុងថ្ងៃណាមួយមិនខានឡើយ៕ ដោយ រិទ្ធិ ជ័យ
http://ift.tt/1Apq6wn