ជេរប្រមាថ វាយដុំមិនសូវលោះពេល ប្រពន្ធទ្រាំមិនបានប្តឹង PM ឲ្យចាប់ដាក់ទ្រុង
ខេត្តបន្ទាយមានជ័យ៖ កម្លាំងកងរាជអាវុធហត្ថស្នាក់ការសន្តិសុខ៩៩៩ ខ្លាងាប់ ស្រុកម៉ាឡៃ បានឃាត់ខ្លួនបុរសជាប្តី បន្ទាប់ពីប្រព្រឹត្តអំពើហិង្សាលើភរិយាខ្លួនរាល់ថ្ងៃ ដោយទ្រាំមិនបានមកប្តឹងសមត្ថកិច្ចជួយអន្តរាគមន៍។ ករណីហិង្សានោះត្រូវ កម្លាំងកងរាជអាវុធហត្ថធ្វើការឃាត់ខ្លួនជនសង្ស័យនៅវេលាម៉ោង១០ព្រឹក កាលពីថ្ងៃទី១២ ខែឧសភា ឆ្នាំ ២០១៥ ។
បើតាមអោយដឹងពីកម្លាំង កម្លាំងកងរាជអាវុធហត្ថស្នាក់ការសន្តិសុខ៩៩៩បានឲ្យដឹងនៅព្រឹកថ្ងៃទី១៣ ខែឧសភានេះថា៖ ការឃាត់ខ្លួនបុរសជាប្តីបានប្រើអំពើហិង្សាខាងលើនេះ គឺ យោងតាមបណ្ដឹងប្រពន្ធ ឈ្មោះ ជេវ សុឃេន អាយុ ២៧ឆ្នាំ មកបានប្ដឹងថា ប្ដីរបស់គាត់បានវាយធ្វើបាប អោយរបួសស្នាមជាំពេញខ្លួន ហើយជេរប្រមាថគាត់ជារៀងរាល់ថ្ងៃ។ កន្លងមកធ្លាប់វាយគាត់រហូតទាស់សរសៃទៀតផង ទើបសមត្ថកិច្ចធ្វើការឃាត់ខ្លួនបញ្ជូនមកការិយាល័យជំនាយកងរាជអាវុធហត្ថខេត្តតែម្តង។
លោក ឱ ប៊ុនណេ មេស្នាក់ការសន្តិសុខ999 ខ្លាងាប់ ស្រុកម៉ាឡៃ បានប្រាប់ឱ្យដឹងថា ការ ចុះប្រត្តិបត្តការឃាត់ខ្លួនជនសង្ស័យម្នាក់ឈ្មោះ ឡុង ឡេម ភេទប្រុស អាយុ ៣១ឆ្នាំ ជា (ប្ដី) រស់ភូមិកោះស្នួល ឃុំ ទួលពង្រ ស្រុក ម៉ាឡៃ ខេត្ត បន្ទាយមានជ័យ។ ក្រោយពីឃាត់ខ្លួនជនបង្កខាងលើនេះបានឆ្លើយសារភាពចំពោះមុខសមត្ថកិច្ចថា ខ្លូនពិតជាបានបង្ករបួសស្នាមលើប្រពន្ធរបស់ខ្លួនពិតមែន។ ជនសង្ស័យត្រូវបានកសាងសំណុំរឿង បញ្ជូនទៅសាលាដំបូងខេត្តចាត់ការតាមនិតិវិធីច្បាប់៕ ដោយ វ៉ាន់ វត្ថា
http://ift.tt/1PIEVBd
