ស្ត្រីមេតុងទីនម្នាក់ប្រគល់ខ្លួនឲ្យសមត្ថកិច្ច និងសុខចិត្តជាប់ពន្ធនាគារ ព្រោះតែគ្មានលុយសងកូនៗ
ខេត្តបន្ទាយមានជ័យ៖ ស្ត្រីមេតុងទីនម្នាក់នៅក្រុងប៉ោយប៉ែត ត្រូវបានកូនៗអ្នកលេងតុងទីន ចោទប្រកាន់ថាបោកលុយកាក់របស់ពួកគេជាច្រើនម៉ឺនបាត ដោយសារតែបង្ខំឲ្យមានដំណោះស្រាយទើបកាលពីវេលាម៉ោងវេលាម៉ោង១១ព្រឹក ថ្ងៃទី៧ ខែមិថុនា ឆ្នាំ២០១៥ ស្ត្រីមេតុងទីនបានចូលខ្លួនមកក្នុងប៉ុស្តិ៍រដ្ឋបាលសង្កាត់ប៉ោយប៉ែត ដើម្បីសម្រួលបញ្ហា តែដោយសារតែមេតុងទីនគ្មានលុយសងឲ្យកូនៗ បានសារភាពថា «សុខចិត្តចូលពន្ធនាគារ» ។
បើតាមការអះអាងមេតុងទីនឈ្មោះ តាំង ម៉េងគាង ភេទស្រី អាយុ៥៥ រស់នៅភូមិក្បាលស្ពាន២ សង្កាត់-ក្រុងប៉ោយប៉ែត បានរៀបរាប់ថា៖ ព្រោះតែកូនតុងទីនគាត់ជាច្រើននាក់ ងាប់ និងបោក លុយបន្តដូច្នេះហើយទើបគាត់គ្មានលុយអោយកូនតុងទីនខាងលើនេះតាមលំដាប់លំដោយ។ គាត់បន្តថា រហូតមកដល់ពេលនេះគាត់បានសង់កូនតុងទីនបានមួយចំនួនហើយ តែមិនដឹងមានលុយឯណាសង់ពួកគាត់ទៀតទេ ហើយយកគាត់ធ្វើអ្វីក៏ធ្វើចុះ ឬសុខចិត្តដេកក្នុងគុក ។
គាត់បានបញ្ជាក់ថា កូនតុងទីនគាត់មានចំនួន១២៨នាក់ ក្នុងមួយថ្ងៃខ្លះត្រូវបង់១០០០បាត (លុយថៃ) ខ្លះទៀតបង់ក្នុងមួយថ្ងៃក្បាល៥០០បាត(លុយថៃ) ។ បើតាមការអះអាងពីកូនតុងទីន ជាច្រើនាក់បានរៀបរាប់ថា ពួកគាត់បានបង់លុយជាមេតុងទីនខាងលើនេះ អស់ច្រើនឆ្នាំ ខ្លះលេង១ក្បាល លេង៣ក្បាល ក្នុងមួយក្បាលបង់លុយ១០០០បាតក្នុង១ក្បាល ខ្លះ៥០០បាតក្នុង១ក្បាល បង់រាល់ថ្ងៃ ។ បើកភ្នែកមិនទាន់ទេមកទារលុយហើយ តែប្រសិនជាមេតុងទីនគ្មានលុយអោយទេ គឺតម្រូវអោយមេលក់ផ្ទះសង់ ឬសងតាមដំណើរ ឬបង់តែថ្លៃដើមក៏បានដែរ អោយតែបានលុយ។
លោកអ៊ឹម សុភារះ នាយប៉ុស្តិ៍រដ្ឋបាលសង្កាត់ប៉ោយប៉ែតបានប្រាប់តា រយៈទូស័ព្ទថា មេតុងទីន និងកូនតុងទីនជាច្រើននាក់បាននាំគ្នាមកប៉ុស្តិ៍ ដើម្បីអោយកម្លាំងយើងជួយរកវិធានការ ។ លោកបន្តថា មិនថាធ្វើយ៉ាងណាទេ ព្រោះតាមច្បាប់គេមិនអោយលេងល្បែងតុងទីនជាដាច់ខាត់ ហើយមិនដឹងមានវិធានការយ៉ាងណា ព្រោះពួកលេងដោយខ្លួនឯង ដោយឯកភាពគ្នា ដូច្នេះលោកមិនដឹងធ្វើយ៉ាងណា រហូតមកដល់ពេលនេះទាំងមេតុងទីន និងកូនតុងទីនកំពុងនិយាយគ្នា រកដំណោះស្រាយ តើត្រូវបង់របៀបណា ៕ ដោយ វ៉ាន់ សត្ថា
http://ift.tt/1GtSzqV
