ទឹកភ្នែកជូតក្បាលជង្គង់ ! ទិញផ្ទះថ្មី មានជញ្ជាំង និង ជ្រី ធ្វើពីស្នោ !
ចាត់ទុកជារឿងអស់សំណើចមួយក៏ថាបាន និង ក៏ចាត់ទុកជារឿងចុកឈាមមួយក៏ថាបាន ដែលបណ្តាម្ចាស់ផ្ទះជនជាតិចិនរាប់រយនាក់ ខកចិត្តនៅពេលទិញផ្ទះថ្មី បែរជាមានជញ្ជាំង និង ក្បាច់ក្បូរធ្វើពីស្នោទៅវិញ ។
ថ្ងៃទី ៦ ខែសីហា ឆ្នាំ ២០១៥ វេបសាយ «សៀងហៃអ៊ីស» របស់ចិន បានផ្សាយថា បុរីប្រណីតមួយកន្លែងក្នុងមណ្ឌលសានហ្ស៊ី ប្រទេសចិន ដែលមើលពីចម្ងាយទៅ ស្អាតអើយសែនស្អាត គ្មានទាស់ត្រង់ណា ប៉ុន្តែមិនអ៊ីចឹងឯណាលោកអើយ! វាបែរជាធ្វើឱ្យអ្នកទិញស្រងាកចិត្ត នៅពេលពួកគេចូលត្រួតពិនិត្យផ្ទះថ្មី មុនទទួលកម្មសិទ្ធិ ស្រាប់តែក្បាច់ក្បូរ (ជ្រី) ផ្នែកខាងក្រៅផ្ទះ ធ្វើពីស្នោទៅវិញ ដែលតាមធម្មតាគេរៀបឥដ្ឋ ឬ បូកស៊ីម៉ង់ត៍ សម្រាប់ធ្វើជ្រី មិនតែប៉ុណ្ណោះ ជាតិស្នោ វាងាយនឹងឆេះទៅទៀត ។
ជួបបញ្ហាបែបនេះ ក្រុមម្ចាស់ផ្ទះបានរួមគ្នាតវ៉ា បដិសេធមិនទទួលយកគម្រោងផ្ទះនេះ ដោយសារការប្រមាថមើលងាយ និង មិនស្មោះត្រង់របស់ម្ចាស់គម្រោង ដែលបោកប្រាស់លក់ផ្ទះមិនតាមស្តង់ដារ ៕
មើលពីចំងាយ ល្អគន់ តែបើចាប់បោច បានដឹងថាស្នោសោះ !
ឃើញសភាពបែបនេះ អ្នកទិញខកចិត្តធំ
ស្នោក្បាច់ត្រូវគេដុតសាក
http://ift.tt/1LfBCBi
