ចាប់បញ្ជូនមនុស្ស៤នាក់ឡើងតុលាការ បន្ទាប់ពីពួកគេធ្វើសកម្មភាពទារលុយពីប្រជាពលរដ្ឋអារឈើក្នុងព្រៃ
ខេត្តមណ្ឌលគិរី៖ ស្នងការដ្ឋាននគរបាលខេត្តមណ្ឌលគិរីបានបញ្ជូនខ្លួនជនសង្ស័យបួននាក់ទៅតុលាការ ហើយកាលពីវេលាម៉ោង ៣ និង០០រសៀលថ្ងៃទី៣១ ខែសីហា២០១៥។បន្ទាប់ពីជនទាំង០៤នាក់នោះត្រូវបានមន្ត្រីយោធាខេត្តមណ្ឌលគិរី ឃាត់ខ្លួនពីបទក្លែងបន្លំឈ្មោះអង្គភាព និងទារប្រាក់ពីប្រជាពលរដ្ឋអាឈើនៅចំណុចរយោង ភូមិចក់ចារ ឃុំស្រែឈូក ស្រុកកែវសីមា កាលពីថ្ងៃទី៣០សីហា២០១៥។
លោក ហេង ម៉ារ៉ា នាយរងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបានដឹងថា ជនសង្ស័យទាំង បួននាក់ត្រូវបានឃាត់ខ្លួនក្រោយពេលពួកគេបានធ្វើសកម្មភាពទារលុយពីប្រជាពលរដ្ឋអារឈើក្នុងព្រៃចំនួន២០០.០០០រៀល (ម្ភៃម៉ឺនរៀល) ហើយក្នុងចំណោមមនុស្សទាំងពួននាក់នោះគឺមានមនុស្សម្នាក់ឈ្មោះជិន គា បានអះអាងថាខ្លួនគេជាមន្ត្រីយោធា ខេត្ត និងជាកូនចៅលោកឃិន ម៉េងស្រេង មេបញ្ជាការយោធាខេត្តមណ្ឌលគិរី។
លោកហេង ម៉ារ៉ា បានឲ្យដឹងទៀតថា ជនសង្ស័យទាំងបួននាក់ទី១ឈ្មោះ ប៉ិន ស៊ីណូ ភេទប្រុស អាយុ៤៧ឆ្នាំ ជនជាតិខ្មែរមុខរបរជាមន្ត្រីអង្គការអភិរក្សធនធានធម្មជាតិ ទី២ឈ្មោះ ថាន កុសល់ ភេទប្រុសអាយុ៣០ឆ្នាំ ជនជាតិខ្មែរ មុខរបរមន្ត្រីអង្គការ អភិរក្សធនធានធម្មជាតិ ទី៣ឈ្មោះ ស៊ីម ទូច ភេទប្រុស អាយុ៤៦ឆ្នាំ ជនជាតិខ្មែរ មុខរបរកសិករមានទីលំនៅក្នុងភូមិឆ្នែង ឃុំស្រែខ្ទុម ស្រុកកែវសីមា ទី៤ឈ្មោះ ជិន គាភេទប្រុស អាយុ៥២ឆ្នាំមុខរបរកសិករ មានទីលំនៅក្នុងភូមិឆ្នែងឃុំស្រែខ្ទុម ស្រុកកែវសីមា ជាអ្នកនាំផ្លូវ និងជាអ្នកអះអាងថាខ្លួនជាមន្ត្រីយោធាខេត្ត ។
ពាក់ព័ន្ធ និងករណីនេះដែរ លោក ឃិន ម៉េងស្រេង មេបញ្ជាការយោធាខេត្តមណ្ឌលគិរីបានឲ្យដឹងថា លោកត្រូវតែមានចំណាត់ ការលើរឿងនេះដើម្បីឃាត់ខ្លួនមនុស្សទាំង០៤នាក់នេះប្រគល់ឲ្យសមត្ថកិច្ចធ្វើការអប់រំនិងណែនាំពាក់ព័ន្ធនិងការក្លែងបន្លំយក ឈ្មោះអង្គភាពយោធាមកប្រើ ។ មេបញ្ជាការបានធ្វើការសំណូមពរដល់ប្រជាពលរដ្ឋទាំងឡាយសូមកុំយកឈ្មោះអង្គភាព ផ្សេងៗមកប្រើប្រាស់ដើម្បីប្រយោជន៍ខ្លួន៕ ឦសាន២
http://ift.tt/1JykZON
