សមត្ថកិច្ចចម្រុះបង្ក្រាបបទស្មើសជលផលបាន១៤៦ករណីនៅក្នុងខែសីហា
ខេត្តកំពង់ឆ្នាំង៖ នៅក្នុងខែសីហា ឆ្នាំ២០១៥នេះ សមត្ថកិច្ចជលផលបានសហការណ៍ជាមួយ សមត្ថកិច្ចចម្រុះបង្ក្រាបបទល្មើសនេសាទនៅក្នុងភូមិសាស្ត្រស្រុក៥ជាប់ដងទន្លេក្នុងខេត្តបាន ១៤៦ករណី ចាប់ជនល្មើសបាន១១នាក់កសាងសំណុំរឿងបញ្ជូនទៅតុលាការខេត្ត ផាកពិន័យបទល្មើសនេសាទបាន៩៥.៦០០.០០០រៀល និងចាក់លែងត្រីឆ្តោរបាន៣ស្រះចូលក្នុងទន្លេ។ #លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំងបានអោយឹងថា៖ នៅក្នុងរដូវបិទនេសាទឆ្នាំ២០១៥នេះ សភាពទឹកទន្លេមិនបានឡើងខ្ពស់ទេ បើប្រៀបធៀបរយៈពេលដូចគ្នាក្នុងឆ្នាំ២០១៤ គឺទាបជាងឆ្នាំ២០១៤ ចំនួន២ម៉ែត្រ ដូច្នេះបទស្មើសនេសាទនេសាទក៏មិនបានកើតច្រើនដូចឆ្នាំមុនដែរ ព្រោះនៅតាមខ្នងកោះមួយចំនួនធំមិនបានលិចទឹក។
នៅក្នុងរបាយការណ៍បូកសរុបការងារបង្ក្រាបបទល្មើស ខែសីហា ឆ្នាំ២០១៥ សមត្ថកិច្ចរដ្ឋ បាលជលផល គ្រប់សង្កាត់ គ្រប់ផ្នែក ក្នុងក្នុង និងស្រុកទាំង៥ បានសហការគ្នាជាមួយសម ត្ថកិច្ចចម្រុះ មាននគរបាលមូលដ្ឋាន នគរបាលស្រុក អាវុធហត្ថស្រុក អាជ្ញាធរស្រុក និងសហគមន៍នសេសាទតាមមូលដ្ឋាន បង្ក្រាបនិងរុះរើកំទេច បទល្មើសនេសាទសរុបចំនួន ១៤៦ ករណី។ក្នុងនោះមាន របាំងសាច់អួន៧៤កន្លែង មានប្រវែងសរុប៦.០៧០ម កំទេចលបលូសាច់អួន៨៨លប និងលបឬស្សី៦៥លប ។ បង្ក្រាបរបាំងស្បៃមុងចាប់កូនត្រី ៤៤កន្លែង មានប្រវែង៧៦០ម កំទេចលបលូស្បៃមុង ៤៤លប ។
បង្ក្រាបរាំងផ្ចឹតព្រែកមិនអោយត្រីចូលពងកូនបានចំនួន ២៨កន្លែង មានប្រវែង៣៨៤ម ចាក់ លែង ត្រីចំរុះពីក្នុងលបចូលក្នុងទន្លេវិញបាន ៥៩៥គីឡូ កំទេចបង្គោលបោះរបាំង ចំនួន ៤.២៥០ បង្គោល ចាក់លែងត្រីឆ្តោរចិញ្ចឹមក្នុងស្រះបាន៣ស្រះ មានកូនត្រីចំនួន ១.២០០ក្បាល ចូលក្នុង ទន្លេវិញ។ ចាប់បានជនល្មើសនេសាទ១១នាក់ ក សាងសំណុំរឿងបញ្ជូនទៅតុលាការខេត្ត។ ផាកពិន័យបទល្មើសដឹកជញ្ជូនត្រី នៅក្នុងរដូវបិតនេសាទ គ្មានលិខិតស្នាម បានថវិកា ៩៥.៦០០.០០០រៀល បង់ចូលថវិការជាតិ។
លោក សោម ភិរុណ បានបញ្ជាក់អោយដឹងទៀតថា៖ ទោះបីលទ្ធផលនៃការខិត ខំបង្ក្រាបបទ ល្មើសបានដូចខាងលើនេះហើយក៏ដោយ ក៏បទល្មើសនេសាទមិនបានអស់ទាំងស្រុងដែរ គឺបង្ក្រាបថ្ងៃនេះកើតថ្ងៃស្អែកដូចវែកចក ដែលករណីនេះតម្រូវអោយ សមត្ថកិច្ចចម្រុះសហការ ណ៍គ្នាជាបន្តបន្ទាប់ទៀតជារៀងរាល់ថ្ងៃ។ តាមគោលការណ៍ឯកភាពរបស់គណៈបញ្ជាការឯក ភាពខេត្ត ការចុះបង្ក្រាបបទស្មើសនេសាទគ្រប់ទីកន្លែងត្រូវចុះជាក្រុមចម្រុះសមត្ថកិច្ចចម្រុះ ដោយមានការដឹកនាំពីគណៈបញ្ជាការឯកភាពស្រុក។ ការចុះបង្ក្រាបបទល្មើសនេសាទមិនអនុញ្ញាតអោយសមត្ថកិច្ចស្ថាប័នណាមួយចុះបង្ក្រាបតែម្នាក់ឯងឡើយ ព្រោះកន្លងមកមានជនខិលខូចក្នុងស្ថាប័នមួយចំនួនឈ្លាតយកតួនាទីសិទ្ធអំណាចទៅយកលុយពីបទល្មើសខុសច្បាប់។
ទន្ទឹមនេះដែរ សមត្ថកិច្ចរដ្ឋបាលជលផល ស្នើសុំប្រជាពលរដ្ឋចូលរួមសហការណ៍ចង្អុល បង្ហាញ បទល្មើសនេសាទនៅគ្រប់ទីកន្លែងអោយបានច្បាស់លាស់ ដើម្បីរួមគ្នា បង្ក្រាបការ ពារធនធានមច្ឆាជាតិអោយបានគង់វង្សសម្រាប់កូនចៅជំនាន់ក្រោយរបស់យើង ៕ រិទ្ធិ ជ័យ
http://ift.tt/1Q8zhKj
