សាលាអាយដៀ ស៊ស ខេត្តព្រះសីហនុបង្ហាញពីជោគជ័យរបស់ខ្លួនក្នុងរយៈពេល៣ឆ្នាំ
ខេត្តព្រះសីហនុ៖សាលារៀនអាដៀស៊ស បង្ហាញពីផែនការយុទ្ធសាស្ត្រ ដើម្បីចូលសមាហរណកម្មអាស៊ាន នាចុងឆ្នាំ២០១៥ តាមរយៈការផ្តល់នូវចំណេះដឹងពិតប្រាកដមួយដល់កុលបុត្រខ្មែរ ស្របតាមការរៀបចំការកំណត់អទិភាព និង វឌ្ឍនភាព នៃការអនុវត្ត គោលនយោបាយអភិវឌ្ឍន៍វិស័យឧស្សាហកម្ម កម្ពុជាឆ្នាំ២០១៥ -២០២៥។
ថ្លែងនៅក្នុងពិធីបិទបវេសនកាល ចែកប័ណ្ណសរសើរ និងការតាំងបង្ហាញពិព័រណ៍ស្នាដៃសិស្សក្នុងឆ្នាំ២០១៤-២០១៥។ លោកអគ្គនាយក វណ្ណ សុខហេង និងលោក បណ្ឌិត ចាន់ សំអាន នាយកសាលាអាយដៀ ស៊ស បានថ្លែងថា សាលាអាយដៀ ស៊ស បានទទួលស្គាល់ដោយក្រសួងអប់រំយុវជន និងកីឡា ដោយប្រកាសលេខ ២៣៦៥ អយក.ប្រក បានអនុញ្ញាតអោយបណ្ដុះបណ្ដាលចាប់តាំងពី មតេយ្យសិក្សា ដល់មធ្យមសិក្សា ។សាលាមានកម្មវិធីសិក្សា ៣ប្រភេទ 1. កម្មវីធីសិក្សាភាសាខ្មែរ តាមស្ដង់ដារក្រសួងអប់រំ 2. កម្មវិធីសិក្សាភាសាអង់គ្លេសតាមស្ដង់ដា អាមេរិកាំង 3. កម្មវិធីសិក្សាភាសាចិន បែនជំនួញ។
លោកអគ្គនាយក វណ្ណ សុខហេង បានថ្លែងទៀតថា គោលបំណងដែលបង្កើតសាលាឡើងគឺដើម្បី បណ្តុះនូវសីលធ៌ម មានសីលធ៌មល្អ ចេះគោរពចាស់ទុំ មានចរិកល្អក្នុងសង្គម គុណភាពអប់រំ សិស្សទទួលបានគុណភាពល្អពិត ធានាថាអាចប្រឡងបាក់ឌុបជាប់១០០% ជាមួយគ្នានេះគឺមានសុវត្ថិភាព (ទាំងផ្លូវ កាយ និងចិត្ត) មិនពាក់ព័ន្ធបងតូចបងធំ រួចផុតពីគ្រឿងញៀន មិនគេចសាលាទៅលេងហ្គេម មិនប្រឈមអាហារដែលគ្មានអនាម័យ។ សេវាកម្មល្អ ទំនាក់ទំនងល្អជាអាណាព្យាបាល ផ្ដល់សៀវភៅតាមដានសិស្សរាងរាល់ខែ ផ្ដល់អោយថ្នាក់បំប៉នបន្ថែមដោយមិនគិតថ្លៃ អនាម័យ និងបរិស្ថានល្អ បំណិនជីវិត កីឡា តន្ដ្រី ជាដើម។ល។
លោកអគ្គនាយក វណ្ណ សុខហេង បានរំលឹកឡើងថា សាលាអាយដៀ ស៊ស ត្រូវបានបង្កើតឡើងក្នុងឆ្នាំ២០១៣ ដែលមានសិស្សត្រឹមតែ១០០នាក់ប៉ុណ្ណោះ ប៉ុន្តែបើគិតមកដល់ឆ្នាំ២០១៥នេះសាលាអាយដៀស៊សមានសិស្សកើនឡើងដល់ជាង២០០នាក់៕ សមុទ្រខៀវ
http://ift.tt/1Q6bmeL
