ជិះម៉ូតូឌុបគ្នាចេញពីកន្លែងផឹកស៊ី រវល់ចុចទូរស័ព្ទបានរេចង្កូតចូលរថយន្តកុងតៃនឺបុកស្លាប់ទាំង២នាក់យ៉ាងសង្វេគ
ខេត្តព្រះសីហនុ៖ បុរសពីរនាក់បានស្លាប់ភ្លាមៗខណៈជិះម៉ូតូ ចេញពីវង់ផឹកស៊ីបានតែបន្តិចត្រូវរថយន្តកុងតៃនឺបើកបញ្ចាសទិសគ្នាបុកចំពីមុខពេញទំហឹងបណ្តាលឲ្យខ្ទាតបោកផ្ទប់នឹងថ្នលបែកក្បាលស្លាប់យ៉ាងសង្វេគ កាលពីវេលាម៉ោង២១ និង១៥នាទីយប់ថ្ងៃទី២៨ ខែធ្នូ ឆ្នាំ២០១៥ នៅចំណុចមុខសាលាបឋមសិក្សា ហ៊ុន សែន ឃ្លាំងលើ ស្ថិតក្នុងភូមិ១ សង្កាត់លេខ១ ក្រុងព្រះសីហនុ។
នគរបាលចរាចរណ៍ខេត្តបានឲ្យដឹងថា៖ ជនរងគ្រោះទាំងពីរមានឈ្មោះអ៊ុយ គាឡាយ ភេទប្រុស អាយុ៥០ឆ្នាំ ជាអ្នកបើកបរម៉ូតូ ម៉ាកហុងដា សេ១២៥ ពណ៌ខ្មៅ ពាក់ស្លាកលេខព្រះសីហនុ 1D-0778 (ស្លាប់ភ្លាមៗនៅនឹង កន្លែង) និងអ្នករួមដំណើរម្នាក់ឈ្មោះ ស៊ូ សាវឿន ភេទប្រុស ងាយុ២៧ឆ្នាំ បានស្លាប់ ភ្លាមៗ នៅនឹងកន្លែងដូចគ្នា។ អ្នកទាំងពីរជាកម្មករនៅក្រុមហ៊ុនឡាយស៊ីម៉ង់នៅក្បែរកន្លែងកើតហេតុ។ ចំណែកតៃកុងរថយន្តក្រោយកើតហេតុភ្លាមបានរត់គេចខ្លួនបាត់ស្រមោល បន្សល់តែរថ យន្ត មួយម៉ាក ហ្វុយស្សូ ពណ៌ផ្ទៃមេឃពាក់ស្លាកលេខភ្នំពេញ 3C -9080។
លោកវរសេនីយឯក អ៊ី សុខា បានធ្វើការសន្និដ្ឋានជាជំហានដំបូងដោយផ្អែកតាមទីតាំងកើតហេតុវត្ថុតាងនៅកន្លែងកើតហេតុដោយជនរងគ្រោះមានកាន់ទូរស័ព្ទនៅនឹងដៃថា៖ មុនកើតហេតុជនរងគ្រោះអាចជនរងគ្រោះរវល់ចុចទូរស័ព្ទ ហើយក៏បានរេចង្កូតមកខាងចំណែកផ្លូវរថយន្តបុកចំពេញទំហឹងតែម្តង។ លោកបន្តថាចំពោះគ្រោះថ្នាក់នេះគឺជនរងគ្រោះពុំបានពាក់មួកសុវត្តិភាពទេ ដែលជាហេតុធ្វើជនរងគ្រោះបុកក្បាលជាមួយក្បាលរថយន្តនិងបោកផ្ទប់ថ្នល់បែកស្លាប់ភ្លាមៗតែម្តង។
យោងតាមប្រភពមិត្តភ័ត្រជនរងគ្រោះដែលបាននិយាយនៅនឹងកន្លែងបានបង្ហើបថាមុនកើតហេតុជនរងគ្រោះទាំងពីរបានផឹកស៊ីជាមួយពួកម៉ាកខ្លួនមានគ្នាប្រមាណ៤ទៅ៥នាក់ នៅក្នុងក្រុមហ៊ុនលាយស៊ីម៉ង់កក្បែរនោះ ប៉ុន្តែមិនដឹងមានរឿងអីទើបជនរងគ្រោះទាំងពីរ ទាញម៉ូតូជិះចេញមកក្រៅ ក៏បានជួបគ្រោះថ្នាក់នេះតែម្តង៕ សមុទ្រខៀវ
http://ift.tt/1Oiniex
