បើកម៉ូតូសង់កូរ៉េក្នុងល្បឿនលឿនបានជ្រុលទៅបុកម៉ូតូរឺម៉កកង់បី១គ្រឿងបណ្ដាលឲ្យស្លាប់ខ្លូនឯង
ខេត្តកណ្តាល៖ ឧប្បត្តិហេតុគ្រោះថ្នាក់ចរាចរណ៍មួយបង្កឡើងដោយអ្នកបើកម៉ូតូសង់កូរ៉េ ក្នុងល្បឿនលឿនបានជ្រុលទៅបុកម៉ូតូ រឺម៉កកង់បីមួយគ្រឿងបណ្ដាល ឲ្យស្លាប់ដោយខ្លូនឯងនៅកន្លែងកើតហេតុ ចំណែកម្ចាស់ម៉ូតូរឺម៉កកង់បីរបួសធ្ងន់បានបញ្ជួនទៅកាន់មន្ទីរពេទ្យភ្នំពេញ ។ ហេតុការណ៍គ្រោះថ្នាក់ចរាចរណ៍ដ៍រន្ធត់នេះបានកើតឡើងកាលពីវេលាម៉ោង១៩ និង១០នាទីយប់ថ្ងៃទី២៧ ខែធ្នូ ឆ្នាំ២០១៥ ចំណុចចន្លោះគីឡូម៉ែត្រលេខ៣៤ និង៣៥ នៅភូមិជ័យឧត្តម ឃុំសំរោងធំ ស្រុកកៀនស្វាយខេត្តកណ្តាល។
សមត្ថកិច្ចបានឲ្យដឹងថា ម៉ូតូមាកសង់កូរ៉េពណ៌ក្រហមស្លាកលេខ កណ្តាល1M-5673 បើកបរដោយឈ្មោះ យឹម រឹទ្ធ ភេទប្រុស អាយុ៣៨ឆ្នាំ មានទីលំនៅក្នុងភូមិពោង ឃុំសំបួរមាស ស្រុកមុខកំពូល ខេត្តកណ្ដាល ។ មុនពេលកើតហេតុខាងលើ ម៉ូតូបង្ក បើកបរក្នុង ទិសដៅអ្នកលឿង -ភ្នំពេញ លុះមកដល់ចំណុចខាងលើបាន រ៉េចង្កូតទៅបុកម៉ូតូរ៉ឺម៉កកង់បីពាក់ស្លាកលេខសៀមរាប 1F-8518 ម៉ាកវីវ៉ា ពណ៌ខ្មៅ ដែលបើកបញ្ច្រាសទិសគ្នាមានដឹកមនុស្ស២នាក់មិនមានរងរបួសឡើយ ប៉ុន្តែម្ចាស់ម៉ូតូវីវ៉ាបានស្លាប់នៅក្នុងហេតុការណ៍គ្រោះថ្នាក់នោះ ចំណែកម្ចាស់រ៉ឺម៉កកង៉បី រងរបួសធ្ងន់មានឈ្មោះ ឈឹម ធា ភេទប្រុស អាយុ៣៩ឆ្នាំ មានទីលំភូមិរ៉ាក់ជ័យ ឃុំតាពេចខាងត្បូង ស្រុកបាភ្នំ ខេត្តព្រៃវែង។
ក្រោយពេលកើតហេតុសមត្ថកិច្ចប៉ុស្ដិ៍ និងសមត្ថកិច្ចជំនាញ បានចុះដល់កន្លែងកើតហេតុបញ្ជូនជនរងគ្រោះទៅកាន់មន្ទីរពេទ្យ ចំណែកមធ្យោបាម៉ូតូរឺម៉កកង់បី និងម៉ូតូសង់កូរ៉េ សមត្ថកិច្ចយកទៅរក្សាទុកនៅ អធិការដ្ឋាននគរបាលស្រុក ចំណែកសាកសព ចាត់ចែងប្រគល់សពជូនដល់ក្រុមគ្រួសារយកទៅធ្វើបុណ្យតាមប្រពៃណី៕
http://ift.tt/1SiXrF0
