សម្តេចតេជោបញ្ជាឲ្យលោក ប្រាជ្ញ ចន្ទ ចាប់ខ្លួន ឧកញ៉ាបំផ្លាញព្រៃឈើពីររូប លឹម ប៊ុណ្ណា ហៅ(ខ្នា) និង សឹង្ហ សំអុល និងបញ្ជាឲ្យបិទគ្រប់ច្រករត់ពន្ធឈើទៅប្រទេសវៀតណាម
ភ្នំពេញ៖ យោងតាមការផ្សព្វផ្សាយលើទំព័រ Facebook ខៀវ កាញារីទ្ធ រដ្ឋមន្ត្រីក្រសួងព័ត៌មាន បានឲ្យដឹងថា នៅក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃទី១៥ ខែមករា ឆ្នាំ២០១៦សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានព្រមានធ្ងន់ទៅលើឈ្មួញ និងអ្នកឃុបឃិតបើកដៃឲ្យមានការរត់ពន្ធឈើទៅប្រទេសវៀតណាម ហើយបានចេញបញ្ជាឲ្យបិទគ្រប់ច្រករត់ពន្ធឈើទៅប្រទេសវៀតណាម។
សម្តេចអគ្គមហាសេនាបតីតេជោ ហ៊ុន សែន បានចុចចំពោះក្រុមឧកញ៉ា ដែលរកស៊ីកាងឈើរួមមាន៖ ឧកញ៉ា លឹម ប៊ុណ្ណា ហៅ ខ្នា និង សឹង្ហ សំអុល។ សម្តេចតេជោ បញ្ជាឲ្យអភិបាលខេត្តត្បូងឃ្មុំ ប្រាជ្ញ ចន្ទ និង អភិបាលស្រុកមេមត់ ចាត់ការទៅលើឧកញ៉ាកាងឈើទាំងពីរនាក់នេះ ប្រសិនបើមិនចង់អស់បុណ្យស័ក្តិ។
ជាមួយនឹងដំណឹងដ៏សែនត្រេកអេនេះប្រជាពលរដ្ឋគ្រប់មជ្ឈដ្ឋានបានគាំទ្រវិធានការរបស់ សម្តេចតេជោយ៉ាងពេញទំហឹង ក្នុងការបិទគ្រប់ច្រករត់ពន្ធឈើទៅប្រទេសវៀតណាម និងចាប់ខ្លួនឧកញ៉ាបំផ្លាញព្រៃឈើ និងរត់ពន្ធឈើពីររូបគឺ លឹម ប៊ុណ្ណា ហៅ(ខ្នា) និង សឹង្ហ សំអុល យកមកកាត់ទោទៅតាមច្បាប់ ។
មតិមហាជនបានលើកឡើងថា រដ្ឋាភិបាលត្រូវតែធ្វើបទស៊ើបអង្គេតករណីនេះឲ្យបានស៊ីជម្រៅ ព្រោះមួយរយៈចុងក្រោយនេះ ឧកញ៉ាថ្លើមធំពីរូបនេះបានពួតដៃគ្នាយ៉ាងកម្រោលលួចកាប់ និងប្រមូលទិញឈើពីព្រៃសហគមន៍ ពីឧទ្យានជីវៈចំរុះកែវសីមា និងដែនជម្រកសត្វព្រៃភ្នំព្រេចដឹកចូលក្រុមហ៊ុនរៀងៗខ្លួន ហើយមួយថ្ងៃៗដឹកចេញទៅវៀតណាមមិនដែល លស់ពេលរាប់រយឡានយីឌុបតាមច្រករបៀងនានាក្នុងខេត្តត្បូងឃ្មុំ ហើយឈើសេះហោះទាំងនេះពួកគេប្រើប្រាស់លុយរត់ការបើកផ្លូវ។
ប្រភពពីប្រជាសហគមន៍ការពារព្រៃឈើតែងតែលើកឡើងថា ឧកញ៉ាទាំងពីររូបខាងលើនេះមានលទ្ធភាពកាប់ឈើ និងប្រមូលទិញឈើល្មើសច្បាប់បានតាមចិត្តដោយសារមានការឃុបឃិតពីនាយកឧទ្យានព្រៃការពារជីវៈចំរុះកែវសីមា និងដែនជម្រកសត្វព្រៃភ្នំព្រេច មានការឃុបឃិតពីជំនាញរដ្ឋបាលព្រៃឈើ និងអាជ្ញធរមូលដ្ឋាន។ ចំណែកការដឹកជញ្ជូនឈើសេះហោះ និងគេចពន្ធកាត់ខេត្តត្បូងឃ្មុំ និងចេញតាមច្រករបៀងបានតាមអំពើចិត្តនោះ គេសង្ស័យថា លោក ប្រជ្ញ ចន្ទ ក៏ជាមេក្លោងផ្សំគំនិតធំជាងគេ។
សូមរំលឹកថាឧកញ៉ា លឹម ប៊ុណ្ណា ហៅ(ខ្នា) និង សឹង្ហ សំអុល កាលពីប៉ុន្មានឆ្នាំមុននោះ ក្នុងនាមជាអ្នកជំនួញឈើ សេះហោះ ធ្លាប់បានធ្វើឲ្យ លោក ទីសុគន្ធ ប្រធានរដ្ឋបាលព្រៃឈើត្រូវសម្តេចតេជោដកចេញពីតំណែង ហើយ ឧកញ៉ា លឹម ប៊ុណ្ណា ហៅ(ខ្នា) និង សឹង្ហ សំអុល បានរត់គេចខ្លួនពីការតាមចាប់ទៅសម្ងំនៅវៀតណាម ហើយរយៈពេលខ្លីបំផុតឧកញ៉ាពីររូបនេះវិលមកធ្វើមុខរបរឈើវិញថែមទាំងឡើងងារ «ឧកញ៉ា» ជាន់ផ្អៀងនៅភូមិភាគឦសានកាប់កម្ទេចព្រៃឈើស្រោងដឹកយកទៅលក់នៅវៀតណាម។ កន្លងទៅសូម្បីតែ សម្តេតេជោ ក៏ឧកញ៉ាថ្លើមធំទាំងពីរដួងនេះមិនដែលក្រែងផង ព្រោះពូកគេមានមមន្ត្រីគ្រាក់ៗកាងពីក្រោយ។
ពាក់ព័ន្ធនឹងបញ្ហានេះដែរ លោក ឆេង គឹមស៊ុន ខណៈឡើងកាន់តំណែងប្រធានរដ្ឋបាលព្រៃឈើ ជំនួស លោក ទី សុគន្ធ សម្តេចតេជោធ្លាប់ព្រមានទុកជាមុនថា អាចបាត់តំណែងវិញនៅពេល មិនចេះ ធ្វើការ ហើយនៅពេលនេះទៀត សម្តេចតែជោ បានប្រកាស នៅក្នុងកិច្ចប្រជុំគណៈរដ្ឋមន្ត្រី នាព្រឹក ថ្ងៃទី១៥ ខែមករា ឆ្នាំ២០១៦ ឲ្យមានការចាប់ខ្លួនឧកញ៉ា លឹម ប៊ុណ្ណា ហៅ(ខ្នា) និង សឹង្ហ សំអុល ក្នុង កំហុសកាប់ឈើ និងរត់ពន្ធឈើទៅវៀតណាម ដែលនេះក៏ជាចំណែកទទួលខុសត្រូវមួយ ចំណែក របស់ លោក ឆេង គឹមស៊ុន ហើយអាចលោក ឆេង គឹមស៊ុន ឡើងបុណ្យ និងធ្លាកបុណ្យវិញដោយ សារ បណ្តូលចិត្តឧកញ៉ា លឹម ប៊ុណ្ណា ហៅ(ខ្នា) និង សឹង្ហ សំអុល៕ កញ្ញា សុភាព
http://ift.tt/1Rpj8nv
