ចេញពីវង់ផឹកស៊ីជិះម៉ូតូត្រូវគេស្ទាក់កាប់ជាច្រើនកាំបិត
ខេត្តមណ្ឌលគិរី៖ បុរសម្នាក់ជិះម៉ូតូចេញពីវង់ផឹកស៊ីត្រឡប់ទៅផ្ទះត្រូវគេស្ទាក់កាប់ជាច្រើនកាំបិតបណ្តាលឲ្យរងរបួសធ្ងន់ កាលពីវេលាម៉ោង៣ជិតភ្លឺថ្ងៃទី២ ខែមករា ឆ្នាំ២០១៦ នៅចណុចអូរខ្ល ភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។
លោក ឡេវ វិបុល នាយប៉ុស្គិ៍រដ្ឋាបាលចុងផ្លាស់បាននិយាយថា ជនរងគ្រោះផឹកស៊ីស្រវឹងជិះម៉ូតូតាមផ្លូវត្រូវបានជនបង្កកាប់ជាច្រើនកាំបិតមិនដឹងមូលហេតុ ហើយគេចខ្លួនបាត់ សមត្ថកិច្ចកំពុងធ្វើការស្រាវជ្រាវតាមចាប់ខ្លួន។ ហើយជនរងគ្រោះខាងលើឈ្មោះ ឈិន សុខនី ភេទប្រុស អាយុ២៨ឆ្នាំ ជាកម្មកររបស់ លោក អ៊ុន ឈានលឹម ប្រធានសហគមន៍រ៉ែចុងផ្លាស់ បច្ចុប្បន្នលោក អ៊ុន ឈនលឹម គាត់អះអាងប្រាប់មេប៉ុស្គិ៍ថាកូនចៅគាត់រងរបួសមិនធ្ងន់អីទេ។
ដោយឡែកខាងមន្ត្រីជំនាញនៅមន្ទីរពេទ្យបង្អែកខេត្តមណ្ឌលគិរីបានបញ្ជាក់ថា ជនរងគ្រោះត្រូវបានក្រុមគ្រូពេទ្យរៀបចំបញ្ជូនទៅពេទ្យក្រុងភ្នំពេញ ពីព្រោះស្ថានភាពអ្នករបួបធ្ងន់ធ្ងរពេក គ្រូពេទ្យបញ្ជាក់ថា អ្នករបួស ចំក្បាលចំនួន៣កាំបិតជ្រៅៗ ហើយហូរ ឈាមឃាត់មិនឈ្នះ៕ ឦសានថ្មី
http://ift.tt/1Oze8Ga
