ម៉ូតូគ្លីកបុកម៉ូតូហុងដាឌ្រីម០១២ឆ្លងផ្លូវមនុស្ស២នាក់របួសធ្ងន់ និងស្រាល
ខេត្តកំពង់ឆ្នាំង៖ មនុស្សប្រុស២នាក់ បានរងរបួសធ្ងន់ និងស្រាលនៅក្នុងករណីគ្រោះថ្នាក់ ចរាចរណ៍មួយ ដោយអ្នកបើកម៉ូតូម៉ាកក្លិកបើកយ៉ាងលឿនទៅបុកម៉ូតូម៉ាកហុងដាឌ្រីមបើ កឆ្លងផ្លូវជាតិក្នុងទិសដៅស្របគ្នាពេញទំហឹង។ ហេតុការណ៍នេះបានកើតឡើងនៅវេលាម៉ោង១១ និង៣០នាទី នៅព្រឹកថ្ងៃទី០៧ ខែមករា ឆ្នាំ២០១៦ នៅលើផ្លូវជាតិលេខ៥ក្បែរ វិទ្យាល័យព្រះបាទសុរាម្រឹត ស្ថិតនៅក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំង បានអោយដឹងថា៖ អ្នករបួសទី១ឈ្មោះ សឿង សឿ អាយុ៤៦ឆ្នាំ រងរបួសស្រាល រស់នៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង បើកម៉ូតូម៉ាកហុងដាឌ្រីម សេរី០១២ពណ៌ខ្មៅពាក់ស្លាកលេខអង្គការក្រៅរដ្ឋាភិបាល ONG 200 1-1745បើកបរពីជើងទៅត្បូង លុះដល់ចំណុចកើតហេតុបានបង់ទៅឆ្វេងឆ្លងចូលផ្លូវលំ ក៏ត្រូវឈ្មោះ អ៊ុំ ដាលី អាយុ២៨ឆ្នាំ រស់នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង បើកបរម៉ូតូម៉ាកក្លិចសេរី០១៥ ព៌ណសពាក់ស្លាកលេខភ្នំពេញ1FD- 9184 បើកមកស្របទិសគ្នាយ៉ាងលឿនបុកចំទទឹងម៉ូតូនៅចំកណ្តាលទ្រូងផ្លូវដួលទាំងអស់គ្នាជាច្រើនត្រឡប់ បណ្តាលអោយឈ្មោះ អ៊ុំ ដាលី រងរបួសបែក្បាលធ្ងន់ដេរជាច្រើនថ្នេរ ដោយសារមិនពាក់មួកសុវត្តិភាព។
ក្រោយពេលកើតហេតុ អ្នករងគ្រោះទាំង២ ត្រូវបានគេដឹកតាមម៉ូតូបញ្ជូនទៅកាន់ មន្ទីរពេទ្យបង្អែកខេត្តកំពង់ឆ្នាំង ដើម្បីសង្គ្រោះព្យាបាល។ ចំណែកម៉ូតូទាំង២គ្រឿង ម៉ូតូ គ្លីកបានខូតខាតធ្ងន់ ម៉ូតូហុងដាឌ្រីមខូចខាតស្រាល ហើយត្រូវបានសមត្ថកិច្ចដឹកយកទៅ រក្សាទុក និងវាស់វែងប្លង់កើតហេតុ និងកសាងសំណុំរឿងតាមនិតិវិធី។
នៅក្នុងមន្ទីរពេទ្យខេត្ត គេឃើញក្រុមគ្រួសារភាគីទាំង២បានចចារសម្របសម្រួលគ្នា ដោយភាគីខាងម៉ូតូគ្លីច ដឹងកំហុសសុំសម្រួលសងការខូចខាតទៅភាគីម៉ូតូហុងដាឌ្រីម ប៉ុន្តែគេមិនបានអោយដឹងពីតម្លៃត្រូវរ៉ូវគ្នាប៉ុន្មាននោះឡើយ។
ករណីគ្រោះថ្នាក់ខាងលើនេះត្រូវបានសមត្ថកិច្ចសន្និដ្ឋានថា៖ ភាគីទាំង២មានកំហុសដូចគ្នា គឺភាគីម៉ូតូហុងដាឌ្រីម០១២បត់ឆ្លងផ្លូវមិនមើលក្រោយទោះបីបានកាច់ ភ្លើងស៊ីញ៉ូហើយក្តី ចំណែកភាគីម៉ូតូគ្លីកអ្នកបានឃើញហេតុការណ៍ ថាបានបើកលឿនណាស់ ទើបគេចមិនផុតបុកម៉ូតូហុងដាឌ្រីនៅចំកណ្តាលទ្រូងផ្លូវជាតិតែម្តង ប្រសិនបើគេបើកត្រឹមតែល្បឿនច្បាប់កំណត់៤០គីឡូម៉ោងគឺពិតអាចចាប់ហ្វ្រាំងជាប់ មិនមានគ្រោះថ្នាក់ឡើយ៕ រិទ្ធិ ជ័យ
http://ift.tt/1THgOGj
