កុមារកំព្រាក្រីក្រ៣នាក់ក្នុងចំណោម៤នាក់ក្រោយពីអ្នកកាសែតចុះផ្សាយត្រូវបានអាជ្ញាធរខេត្តនាំមកអោយស្នាក់នៅក្នុងមណ្ឌលកុមារកំព្រាខេត្ត
ខេត្តកំពង់ឆ្នាំង៖ កុមារកំព្រាក្រីក្រ៣នាក់ក្នុងចំណោម៤នាក់បងប្អូន រស់នៅជាមួយជីដូនចាស់ជរា នៅភូមិ ត្រពាំងអំពិល ឃុំក្រាំងស្ការ ស្រុកទឹកផុស ត្រូវបានអាជ្ញាធរខេត្តនាំយកមកអោយស្នាក់នៅក្នុងមណ្ឌលកុ មារកំព្រាខេត្ត ដើម្បីផ្គង់ផ្គង់រៀនសូត្រអោយបានល្អ កាលពីរសៀលថ្ងៃទី១២ ខែមករា ឆ្នាំ២០១៦ បន្ទាប់ពីមានការណែនាំពីប្រធានកាកបាតក្រហមកម្ពុជា។
លោក ថោង ចំរើន ប្រធានមន្ទីរសង្គមកិច្ចខេត្តជាអ្នកទៅដឹកនាំយកកមារកំព្រាខាងលើនេះមកស្នាក់នៅ ក្នុងមណ្ឌលកុមារកំព្រាខេត្តបានអោយដឹងថា៖ កុមារកំព្រាទាំង៤នាក់ខាងលើនេះមាន ១ឈ្មោះ សា យ សុភ័ក្តត្រា អាយុ១៤ឆ្នាំ ភេទប្រុស រៀនថ្នាក់ទី៣ , ២.ឈ្មោះ សាយ ស៊ីម អាយុ១២ឆ្នាំ ភេទប្រុស រៀនថ្នាក់ទី៣ , ៣.ឈ្មោះ សាយ ធីតា អាយុ១១ឆ្នាំ ភេទស្រី រៀនថ្នាក់ទី៣ , និង៤.ឈ្មោះ សាយ រចនា អាយុ៨ឆ្នាំ ភេទស្រី រៀនថ្នាក់ទី២។ ពួកគេរស់នៅជាមួយជីដូនចាស់ជរា ឈ្មោះ មួង តៃ អាយុ៧៥ឆ្នាំ ម្តាយ របស់គេឈ្មោះ សាក់ សាវឿន ទៅធ្វើជាកម្មករនៅប្រទេសថៃ ចំណែកឪពុកគេឈ្មោះ សាន សុផល ចុះចោលកូន និងប្រពន្ធទៅមានប្រពន្ធចុងបាត់ទៅ។ ដោយឡែកនៅថ្ងៃទី២៩ ខែមិថុនា ឆ្នាំ២០១៥ គ្រួសារ នេះក៏បានរងគ្រោះដោយភ្លើងឆេះផ្ទះ និងត្រូវបានកាកបាទក្រហមខេត្តផ្តល់អំ ណោយមួយចំនួន ផងដែរ។
លោក ថោង ចំរើន បានអោយដឹងទៀតថា៖ នៅព្រឹកថ្ងៃទី១២ ខែមករា ឆ្នាំ២០១៦ លោក សៀត គឹម លៀង អភិបាលរងខេត្តនិងក្រុមការងារខេត្ត បានចុះទៅសួរសុខទុក្ខដល់លំនៅដ្ឋានកុមារក្រីក្រ ក្នុងនោះ ដែរលោកយាយ មួង តៃ បានសំណូមពរដល់អាជ្ញាធរខេត្តជួយយកចៅ៣នាក់ទៅចិញ្ចឹមផង គឺលោក យាយសុំទុកចៅប្រុសទី២ម្នាក់ នៅជាមួយគ្រាន់បានជួយមើលគាត់។
នៅព្រឹកថ្ងៃទី១២ ខែមករា នេះដែរលោកយាយនិងចៅៗក៏បានទទួលអំណោយពីថ្នាក់ដឹកនាំមួយ ចំនួន មាន៖ លោកជំទាវ ម៉ែន សំអន ឧបត្ថម្ភប្រាក់៥០ម៉ឺនរៀល កង់១គ្រឿង អង្ករ៥០គីឡូ មី៥កេះ ទឹក ត្រី និងទឹកស្អីវ៤យួរ , លោកជំទាវ ស៊ឹង ស៊ីយុទ ឧបត្ថម្ភ១០ម៉ឺនរៀល , លោក ឈួ បញ្ញា ៥ម៉ឺនរៀល ,ឯក ឧត្តម រិន វិរះ កង់១គ្រឿង អង្ករ៥០គីឡូ , និងមន្ទីរកិច្ចការនារីខេត្ត ឧបត្ថម្ភ ៨ម៉ឺនរៀល។ ដោយឡែក នៅរសៀលថ្ងៃទី១២ ខែមករា នេះកុមារកំព្រាទាំង៣នាក់ត្រូបាននាំមកអោយស្នាក់នៅរៀនសូត្រនៅ ក្នុង មណ្ឌលកុមារកំព្រាខេត្ត។
នៅក្នុងឱកាសសួរសុខទុក្ខកុមារទាំងបីនាក់នៅក្នុងមណ្ឌលកមារកំព្រាខេត្ត លោក ឈួរ ច័ន្ទឌឿន អភិបាលខេត្តបានថ្លែងអំណរគុណដល់អ្នកកាសែតដែលបានផ្តល់ព័ត៌មានអំពីភាពក្រីក្ររបស់កុមារកំព្រាខាងលើនេះ ហើយទន្ទឹមនេះដោយមានក្តីអាណិតអាសូរពីសំណាក់សម្តេចតេជោ និងសម្តេចកិត្តិព្រឹទ្ធ បណ្ឌិត បានណែនាំអោយអាជ្ញាធរខេត្តយកកុមារកំព្រាទាំង៣នាក់ខាងលើនេះ មកផ្គត់ផ្គង់ និងស្នាក់នៅ អោយរៀនសូត្រក្នុងមណ្ឌលកុមារកំព្រាខេត្ត។ ក្នុងនោះដែរអាជ្ញាធរ ខេត្តបានឧបត្ថមអំណោយរួមមាន អង្ករ ៥០គីឡូ មី២កេះ ទឹកក្រូច២កេះ ទឹកបរិសទ្ធ២កេះ ទឹកស៊ីអ៊ីវ.ទឹកត្រី២យួរ និងថវិការចំនួន៥០ម៉ឺន រៀល។
លោកអភិបាលខេត្ត ក៍បានផ្តាំផ្ញើរផងដែរដល់លោកប្រធានមណ្ឌលកុមារកំព្រាខេត្ត ត្រូវយកចិត្តទុក ដាក់ថែទាំអប់រំកុមារកំព្រាទាំងអស់ អោយពួកគេខិតខំរៀនសូត្រអោយបានល្អ ដើម្បីមានចំណេះវិជ្ជា ចិញ្ចឹម ជីវិតទៅអនាគត។ ទន្ទឹមនេះដែរ លោកក៍បានផ្តាំផ្ញើដល់អាជ្ញាធរមូលដ្ឋានគ្រប់ជាន់ថ្នាក់ ត្រូវយក ចិត្ត ទុកដាក់ពិនិត្យមើលប្រជាពលរដ្ឋក្រីក្រគ្រប់ទីកន្លែង ដូចអនុសាសន៍សម្តេចតេជោធ្លាប់លើកឡើង ថាគឺ«មិនត្រូវអោយប្រជាពលរដ្ឋណាម្នាក់ស្លាប់ដោយអត់បាយនោះឡើយ»៕ រិទ្ធិ ជ័យ
http://ift.tt/1RnGjib
