មនុស្សពីនាក់ស្លាប់បែកខ្ទេចសាកសព បន្ទាប់ពីជិះម៉ូតូឆ្លងផ្លូវត្រូវរថយន្តធុនធំដឹកហ្គាសបុកហើយកិន
ខេត្តពោធិ៍សាត់ ៖ រថយន្តធុនធំដឹកហ្គាសបានបើកបុកម៉ូតូ ពេលកំពុងបើកឆ្លងផ្លូវ ហើយកិនមនុស្ស២នាក់ស្លាប់ បែកខ្ទេច កាលពីវេលាម៉ោង ២១និង៣០ នាទីថ្ងៃទី៤ ខែមករា ឆ្នាំ២០១៦ នៅលើកំណាត់ផ្លូវជាតិលេខ៥ ត្រង់ចន្លោះបង្គោល គីឡូម៉ែត្រលេខ១៥៥ និងលេខ១៥៦ ស្ថិតក្នុងភូមិប៉ប៉ិត ឃុំអន្លង់ត្នោត ស្រុកក្រគរ ខេត្តពោធិ៍សាត់។
សមត្ថកិច្ចបានឲ្យដឹងថា គ្រោះថ្នាក់នេះបង្កឡើង ដោយរថយន្តធុនធំដឹកហ្គាស ម៉ាក VIVO ពណ៌ស គ្មានផ្លាកលេខ បានបុកជាមួយ ម៉ូតូម៉ាកវ៉េវ ពណ៌ក្រហម គ្មានផ្លាកលេខ បណ្ដាលឲ្យ ម្ចាស់ម៉ូតូ និងអ្នករួមដំណើរទាំង២នាក់ ស្លាប់ភ្លាមៗ ដោយរថយន្តកិនពីលើ បែកខ្លួនប្រាណខ្ទេចតែម្តង ពេលកំពុងបើកម៉ូតូឆ្លង ផ្លូវបន្ទាប់ពីបង្កហេតុអ្នកបើកបររថយន្តបានរត់គេចខ្លួនបាត់ស្រមោល។
សមត្ថកិច្ចបានឲ្យដឹងទៀតថា ជនរងគ្រោះមានឈ្មោះ ខន រតនា ភេទប្រុស អាយុ ២២ឆ្នាំ និងឈ្មោះ ជុំ រ័ត្ន ភេទប្រុស អាយុ ២១ឆ្នាំ អ្នកទាំង២ រស់នៅភូមិ.ឃុំ កើតហេតុខាងលើ ហើយក្រោយពេលពិនិត្យ សមត្ថកិច្ចបានប្រគល់សាកសពឲ្យសាច់ញាតិ យកទៅធ្វើបុណ្យតាមប្រពៃណី។សមត្ថកិច្ចចុះមកពិនិត្យ និងយករថយន្តបង្កទៅរក្សាទុក៕
http://ift.tt/1mxQKDc
