ស្រី្តម្នាក់ជិះម៉ូតូឌុបក្មួយប្រុសត្រូវរថយន្តបែនដឹកដីបើកបុកហើយកិនចំក្បាលទាំង២នាក់ធ្លាយខួរស្លាប់យ៉ាងអាណោចអាធ័ម
ខេត្តបន្ទាយមានជ័យ ៖ ស្រី្តម្នាក់ត្រូវជាអ៊ំកំពុងជិះម៉ូតូម៉ាកវីវ៉ាឌុបក្មួយប្រុសតូចម្នាក់ ត្រូវរថយន្តបែនដឹកដី១គ្រឿង បើកបុកហើយកិនចំក្បាលទាំង ២នាក់បែកក្បាលធ្លាយខួរ ស្លាប់យ៉ាងអាណោចអាធ័មនៅនឹងកន្លែង កើតហេតុកាលពីវេលាម៉ោង ១០ព្រឹក ថ្ងៃទី៤ ខែមករា ឆ្នាំ២០១៥ ស្ថិតនៅតាមបណ្តោយ ផ្លូវជាតិលេខ៥ ទល់មុខធនាគាអេស៊ីលីដា ក្នុងភូមិបាលិលេយ្យ១ ក្រុងប៉ោយប៉ែត ។
ជនរងគ្រោះមានឈ្មោះ វី (ជាអ៊ំស្រី) អាយុ៣៥ឆ្នាំ និងក្មួយប្រុសឈ្មោះ ខ្វៃ មានអាយុ ១០ឆ្នាំ រស់នៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត។ ដោយឡែក អ្នកបើករថយន្តបង្ក ឈ្មោះ ខេន សុភឿន អាយុ ២៤ឆ្នាំ បើកឡានអោយក្រុមហ៊ុនដឹកដី ឈ្មោះ តាំង តេងភៀវ។
បន្ទាប់ពីបង្កឲ្យមានមនុស្សស្លាប់តៃកុងរថយន្តបានបើករត់តែត្រូវសមត្ថកិច្ច តាមប្រមាញ់ ចាប់បានទាំងជាមួយនឹងរថយន្ត ព្រមទាំងរៀបចំកសាងសំណុំរឿងចាត់ការតាមច្បាប់។ ចំណែកសព្វជនរងគ្រោះសមត្ថ កិច្ចបានប្រគល់ឲ្យគ្រួសារសព៕
http://ift.tt/1OGgkvG
