នៅតែប៉ុន្មានម៉ោងទៀតចូលរោងការ ឆ្លៀតទៅឌុបមិត្តភត្តិជាកូនកំដររបស់ខ្លួនត្រូវរថយន្តបុកស្លាប់ចោលកូនក្រមុំដែលកំពុងអង្គុយចាំនៅឯរោការ
ខេត្តព្រះសីហនុ៖ កូនកម្លោះម្នាក់ដល់ថ្ងៃចូលរោងការទៅហើយត្រូវរថយន្តបុកស្លាប់ចោលកូនក្រមុំដែលកំពុងអង្គុយចាំនៅឯរោរោងការ ខណៈកំពុងជិះម៉ូតូដឹកមិត្តភក្តិជាអ្នកកំដរ ដើម្បីរៀបចំពិធីសូត្រមន្តចូលរោងការនាល្ងាចថ្ងៃទី១៧នេះ។ហេតុការណ៍គ្រោះថ្នាក់ចរាចរណ៍ដ៏តក់ស្លុតនោះបានកើតឡើងនៅរសៀលថ្ងៃទី១៧ ខែមករា ឆ្នាំ២០១៦ នៅលើដងផ្លូវជាតិលេខ៤ នៅភូមិតានៃ ឃុំជើងគោ ស្រុកព្រៃនប់ ខេត្តព្រះសីហនុ។ អាជ្ញាធរមូលដ្ឋានបានឲ្យដឹងថា រងគ្រោះដល់ជីវិតមានឈ្មោះ ស្វាយ រឿន អាយុ២៤ឆ្នាំ ។
ប្រភពបន្តថា មង្គលការដែលគ្រោងធ្វើផ្លូវការនៅថ្ងៃ១៨ ខែមករានោះ នៅភូមិតានៃ ឃុំជើងគោ ស្រុកព្រៃនប់ ខេត្តព្រះសីហនុ ក៍ត្រូវបានលប់ចោលបន្ទាប់ពីគ្រោះអកុសលនោះកើតឡើងលើរូបកូនកម្លោះ ហើយ កូនក្រមុំ មានឈ្មោះអ៊ីត ចាន់ អាយុ២៤ឆ្នាំ ដូចគ្នា។ ខាងកូនក្រមុំបានកែប្រែរោងអាពាហ៍ពិពាហ៍ ត្រឡប់ទៅជារោងបុណ្យសពស្នូរភ្លេងខ្លងខែកបានបន្លឺយ៉ាងគ្រលួច អមនឹងព្រះធម៌ ឧទ្ទិសកុសលជូនទៅវិញ្ញាណក្ខ័ន្ធកូនកម្លោះយ៉ាងសោកសង្រេង ។
អាជ្ញាធរមូលដ្ឋានបានឲ្យដឹងទៀតថា ថាសពបុរសជាកូនកម្លោះត្រូវគេបានបញ្ជូនទៅធ្វើបុណ្យនៅស្រុកកំណើតក្នុងខេត្តកំពត ហើយកូនក្រមុំ និងសាច់ញាតិក៍បានធ្វើដំណើរទៅចូលរួមក្នុងពិធីបូជាសពកូនកម្លោះនៅឯខេត្តកំពតដើម្បីជូនដំណើរជានាទីចុងក្រោយយ៉ាងអាឡោះអាល័យជាទីបំផុត៕ សមុទ្រខៀវ
http://ift.tt/1Owects
