តាចាត់អាយុ៧៥ឆ្នាំបានរំលោភកុមារីអាយុ១៤ឆ្នាំបានសម្រេចច្រើនដង ទីបញ្ចប់បែកការនៅពេលតាមទៅរំលោភនាងកំពុងឃ្វាលគោ
ខេត្តកំពង់ឆ្នាំង៖ តាចាស់ អាយុ៧៥ឆ្នាំម្នាក់ ត្រូវបានតុលាការខេត្តកំពង់ឆ្នាំង សម្រេចឃុំខ្លួនក្នុងពន្ធនាគារខេត្ត នៅព្រឹក ថ្ងៃទី១៥ ខែកុម្ភៈ ឆ្នាំ២០១៦ ដោយចោទប្រកាន់ពីបទចាប់រំលោភកុមារីអាយុ១៤ឆ្នាំ បានសម្រេចជាច្រើនដង នៅចុងឆ្នាំ២០១៥ រហូតដល់ថ្ងៃទី១២ ខែកុម្ភៈ ឆ្នាំ២០១៦ បានរំលោភនាងម្តងទៀតនៅក្រោមដើមឈើខណៈកំពុងឃ្វាលគោ អ្នកស្រុកបានឃើញទើបបែកការត្រូវបានឪពុកម្តាយកុមារីរងគ្រោះដាក់ពាក្យប្តឹង និងត្រូវសមត្ថកិច្ចចាប់ខ្លួននៅថ្ងៃទី១៤ ខែកុម្ភៈ ឆ្នាំ២០១៦ នៅក្នុងលំនៅដ្ឋានជនជាប់ចោទ ស្ថិតក្នុងភូមិតាំងក្រង ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង។
លោក ឌុច ចំរើន នាយការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកំពង់ឆ្នាំងបានអោយដឹងថា៖ បុរសចំណាស់ជាជនសង្ស័យមានឈ្មោះ អ៊ុក ជូ អាយុ៧៥ឆ្នាំ ចំណែកកុមារីរងគ្រោះ មានអាយុជាង១៤ ឆ្នាំ ( សំបុត្រកំណើតកើតថ្ងៃទី ០៨ ខែកញ្ញា ឆ្នាំ២០០១ ) ។
ករណីលួមលោមកុមារីខាងលើចាប់រំលោភបានកើតឡើងនៅក្នុងអំឡុង ខែធ្នូ ឆ្នាំ២០១៥ ដោយជនសង្ស័យក្រោយពេលចាប់រំលោភ បានគម្រាមនឹងសម្លាប់ចោល បើសិនកុមារីរូបនោះ ហ៊ានប្រាប់ឪពុកម្តាយ និងអ្នកផ្សេងទៀត ទើបរឿងនេះមិនត្រូវបានបែកការកន្លងមក ។ ប៉ុន្តែនៅរសៀលថ្ងៃទី១២ ខែកុម្ភៈ ឆ្នាំ២០១៦ ពេលកុមារីនោះទៅឃ្វាលគោនៅចុងភូមិ ពេលមានឱកាសស្ងាត់ ជនសង្ស័យចាប់កុមារីរងគ្រោះរំលោភជាថ្មីទៀតនៅក្រោមដើមឈើចុងភូមិ ក្នុងពេលនោះប្រជាពលរដ្ឋក៏បានប្រះឃើញ ហើយក៏បានប្រាប់ឪពុកម្តាយប្តឹង អោយចាប់ខ្លួនជនល្មើសតែម្តង ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានលួមលោមកុមារីរូបនោះរំលោភពិតមែន តែមិនចាំថ្ងៃខែ គ្រាន់តែដឹងថាបានរំលោភច្រើនដង តាំងពីចុងឆ្នាំ២០១៥ រហូតដល់ ថ្ងៃទី១២ ខែកុម្ភៈ ឆ្នាំ២០១៦ មានគេទាន់ទើបបែកការ ត្រូវសមត្ថកិច្ចចាប់ខ្លួន៕ រិទ្ធិ ជ័យ
http://ift.tt/1Qkpyot
