កំពុងតែបើករថយន្តក្នុងល្បឿនជក់ខ្យល់ស្រាប់តែផ្ទុះកង់មុខរេធ្លាក់ផ្លូវក្រឡាប់ជាច្រើនត្រឡប់ស្លាប់ស្ត្រីម្នាក់របួសធ្ងន់ស្រាល៨នាក់
ខេត្តក្រចេះ ៖ ថយន្តម៉ាកណាវារ៉ាពីរបាំង១គ្រឿងកំពុងបានបោះពួយលឿនឆ្វាចត្រូវផ្ទុះ កង់មុខខាងឆ្វេង ក្រឡាប់ជាច្រើនត្រឡប់ធ្លាក់ចេញពីផ្លូវ ហើយបណ្តាលឲ្យ ស្ត្រីម្នាក់បានស្លាប់ភ្លាមៗ និងមនុស្សក្នុងរថយន្តចំនួន៨នាក់ផ្សេងទៀតរងរបួសធ្ងន់ និងស្រាល កាលពីវេលាម៉ោង១២ និង៤០នាទីថ្ងៃទី១៦ ខែមេសា ឆ្នាំ២០១៦ លើផ្លូវជាតិលេខ៧ ចន្លោះ គីឡូតិ៍ម៉ែត្រលេខ២៦៨-២៦៩ ស្ថិតនៅឃុំឃ្សឹម ស្រុកស្នួល ខេត្តក្រចេះ។
សមត្ថកិច្ច នៅកន្លែងកើតហេតុបានអោយដឹងថា រថយន្តដែលជួបគ្រោះថ្នាក់ចរាចរណ៍នោះម៉ាកនីសាន់ ពណ៌ខ្មៅ ពាក់ស្លាកលេខភ្នំពេញ 2Y-1341 បើកពីទិស ខាងកើតឆ្ពោះទៅលិចទៅខេត្តក្រចេះ។ លុះពេលមកដល់កន្លែងកើតហេតុក៏ជួបគ្រោះថ្នាក់ បែកកង់ខាងមុខ ធ្វើឲ្យរថយន្តអូសជិត១០០ម៉ែត រេធ្លាក់ផ្លូវក្រឡាប់ជាច្រើនត្រឡប់ ចេញពីថ្នល់តែម្ដង។ ក្រោយពីទទួលព័ត៌មានភ្លាមខាង សមត្ថកិច្ចក៏បានហៅឡានសង្គ្រោះបន្ទាន់បញ្ជូនអ្នករងគ្រោះទៅសង្គ្រោះនៅមន្ទីពេទ្យខេត្តភ្លាមៗ៕
http://ift.tt/1MDoJpE
