ឡានក្រុងបុកឡានស្ទួចចំពីមុខពេញទំហឹងហើយក្រឡាប់ស្លាប់មនុស្ស១៥នាក់ របួសរបួសធ្ងន់ស្រាល២៣នាក់
ខេត្តបាត់ដំបង៖ គ្រោះថ្នាក់ចរាចរណ៍ដ៏រន្ធត់បណ្តាលមកពីរថយន្តក្រុង PS ដឹកអ្នកដំណើរពាក់ស្លាកលេខភ្នំពេញ3D-3906 បានបុកគ្នា ជាមួយឡាន ស្ទូច ចំពេញទំហឹងរួញកាប៊ីកំពិតចូលគ្នាទាំងពីរហើយក្រឡាប់ ខណៈបើកបរបញ្ច្រាសទិសគ្នា នៅលើបណ្ដោយផ្លូវជាតិលេខ៥ ស្ថិតក្នុងភូមិព្រៃដំរី ឃុំព្រៃតូច ស្រុកម៉ោងឫស្សី ខេត្តបាត់ដំបង កាលពីវេលាម៉ោង៣ និង៤០នាទីរសៀល ថ្ងៃទី២៣ ខែមេសា ឆ្នាំ២០១៦នេះ។
នៅពេលបឋមនេះសមត្ថកិច្ចបានបញ្ជាក់ថា តៃកុងឡានទាំងពីរបានស្លាប់កៀបជាប់ក្នុងកាប៊ីនឡានកំពិតជាប់ សរុបជាមួយអ្នកធ្វើដំណើរស្លាប់១៥នាក់ ហើយស្ថានភាពសាកសពភាគច្រើន ដាច់ដៃដាច់ជើង និងបែកក្បាលខ្ទេចលើមលែងយល់ក្នុងនោះមានព្រះសង្ឃ១អង្គសុគតផងដែរ។ ដោយឡែក អ្នករបួសធ្ងន់ស្រាល២៣នាក់ ។ ខណៈពេលនេះមានសមត្ថកិច្ច និងប្រជាពលរដ្ឋកំពុងជួយគាស់យកអ្នករងរបួសចេញពីក្នុងឡានជាបន្តបន្ទាប់ ដើម្បីលើកដាក់លើឡានពេទ្យយកទៅសង្គ្រោះបន្ទាន់៕
http://ift.tt/1SAZraN
