ទីបំផុត សមត្ថិកច្ចចាប់ខ្លួនជនសង្ស័យ៤នាក់ក្នុងករណីរំលោភសម្លាប់នារីខារ៉ាអូខេ កាលពី៤ខែមុន ក្នុងនោះឃាតករម្នាក់ជា….

ខេត្តព្រះសីហនុៈMC.លោកឧត្តមសេនីយ៏ត្រី កុល ផាលី ស្នងការរងទទួលបន្ទុកព្រហ្មទណ្ឌនៃស្នងការដ្ឋាននគរបាលខេត្តព្រះសីហនុ នាព្រឹកថ្ងៃទី០៧កក្កដាឆ្នាំ២០១៧នេះ បានបង្ហាញមុខជនសង្ស័យក្នុងអំពើឃាតកម្មរំលោភសម្លាប់ចំនួន០៤នាក់ ក្នុងចំណោម០៥ដែលបានធ្វើសកម្មភាពកាលពីកាលពីថ្ងៃទី១៣ខែមីនា ឆ្នាំ២០១៧ កន្លងទៅ នៅចំនុចអូត្រេះ២ ស្ថិតក្នុងភូមិ០៦ សង្កាត់លេខ៤ ក្រុងព្រះសីហនុ។

ថ្លែងក្នុងឪកាសបង្ហាញមុខជនសង្ស័យចំនួន០៤ ដែលជាឃាតកររំលោភសម្លាប់ទៅលើស្ត្រីបំរើខារ៉ាអូខេ ក្រោយមន្ទីរសុខាភិបាល លោកឧត្តមសេនីយ៏ត្រី កុល ផាលី ស្នងការរងទទួលបន្ទុកព្រហ្មទណ្ឌបានគូសបញ្ជាក់ថា បន្ទាប់ពីបានធ្វើការស្រាវជ្រាវអស់រយះពេលជិត៤ខែមក លើសំណុំរឿងពាក់ព័ន្ឋទៅនឹងករណីរំលោភសម្លាប់ ដោយមានការចង្អុលបង្ហាញពីលោក ជួន ណារិន្ឋ ស្នងការនគរបាលខេត្តព្រះសីហនុ និងពីប្រព័ន្ឋតុលាកាមក នៅថ្ងៃទី០៦ ខែកក្កដា ឆ្នាំ២០១៧ វេលាម៉ោង០៨ និង០០នាទីព្រឹក កម្លាំងការិយាល័យកណ្តាលនគរបាលព្រហ្មទណ្ឌ សហការជាមួយនគរបាលមូលដ្ឋាន បានស្រាវជ្រាវ និងអនុវត្តដីការនាំខ្លួនលេខ ៩៥តព/១៧ ចុះថ្ងៃទី០៦ ខែកក្កដា ឆ្នាំ២០១៧ របស់ចៅក្រមស៊ើបសួរសាលាដំបូងខេត្តព្រះសីហនុ (គួន ចន្ថា) បានអោយនាំខ្លួនជនសង្ស័យឈ្មោះ ទៀន ខ្លុញ ហៅទៀន ប៊ុន ឡូ ភេទប្រុស អាយុ៣០ឆ្នាំ មុខរបរកម្មករសំណង់ មានទីលំនៅក្រុម២០ ភូមិ២ សង្កាត់១ ក្រុង/ខេត្តព្រះសីហនុ ពីបទឃាតកម្ម កាលពីថ្ងៃទី១០ ខែមីនា ឆ្នាំ២០១៧នៅក្រុមទី៤ ភូមិ៦ សង្កាត់៤ ក្រុង/ខេត្តព្រះសីហនុ។ ក្រោយពេលឃាត់ខ្លួនបាន យើងបានធ្វើការសាកសួរបន្ថែមជននោះបានសារភាព ហើយកម្លាំងយើងបានឈានទៅធ្វើការឃាត់ខ្លួនបក្សពួកបានចំនួន ៣នាក់ទៀតតាមដីការនាំខ្លួនលេខ១០២តព/១៧ ចុះថ្ងៃទី០៧ ខែកក្កដា ឆ្នាំ២០១៧ របស់ចៅក្រមស៊ើបសួរសាលាដំបូងខេត្តព្រះសីហនុ (គួន ចន្ថា) ក្នុងនោះទី១. ឈ្មោះ សៅ បូរ៉ា ហៅយ៉ា ភេទប្រុស អាយុ៣២ឆ្នាំ មុខរបរកម្មករសំណង់ មានទីលំនៅភូមិ៤ សង្កាត់១ ក្រុង/ខេត្តព្រះសីហនុ។ ២. ឈ្មោះ ផុន សុភ័ណ្ឌ ហៅភ័ណ្ឌ ភេទប្រុស អាយុ៣០ឆ្នាំ មុខរបរ កម្មករសំណង់ មានទីលំនៅភូមិ៣ សង្កាត់២ ក្រុង/ខេត្តព្រះសីហនុ។ ៣. ឈ្មោះ ស៊ុន ណារិទ្ធិ ហៅជាតិ ភេទប្រុស អាយុ៣០ឆ្នាំ មុខរបរកម្មករសំណង់ មានទីលំនៅភូមិ១ សង្កាត់១ ក្រុង/ខេត្តព្រះសីហនុ។ លោកឧត្តមសេនីយ៏បន្តថា ជនសង្ស័យទាំង ៤នាក់បានសារភាពថា នៅថ្ងៃទី១០ ខែមីនា ឆ្នាំ២០១៧ វេលាម៉ោង០៥ទាបភ្លឺ ពួកខ្លួនបាលហៅនារីខារ៉ាអូខេ នៅក្រោយពេទ្យចំការចេកយកទៅរំលោភសេពសន្ថវៈនៅអូរត្រេះ រួចបានសម្លាប់នារីនោះ ហើយយកទៅបោះចោលនៅផ្លូវថ្នល់(អាឡាំងដឺឡុង) បន្ទាប់ពីពួកគេបានទៅផឹកស៊ីនៅហាងរបស់ស្ត្រីរងគ្រោះតាំងពីព្រលប់រហូតដល់ម៉ោង៣ទៀបភ្លឺ ហើយបានដឹកស្ត្រីរងគ្រោះទៅកន្លែងស្ងាត់ ត្រង់ចំនុច អូត្រេះ២ និងបានចាប់រំលោភបានម្នាក់ម្តង ចំនួន០៤នាក់ នឹងក្រោយមកស្ត្រីនោះបានស្រែកអោយគេជួយទើបពួកគេយកក្រម៉ារឹតករនិងចាក់ស្លាប់តែម្តង។

ជនសង្ស័យទាំងបួននាក់ កម្លាំងជំនាញកំពុងកសាងតាមនីតិវិធីទៅសាលាដំបូងខេត្ត រីឯជនសង្ស័យម្នាក់ទៀតឈ្មោះ ទួច ដែលបានរត់គេចខ្លួន សមត្ថកិច្ចបានដឹងអំពីសាវតាអស់ហើយ និងកំពុងតាមចាប់ខ្លួន។

សូមបញ្ជាក់ផងដែរថា ចំពោះមូលហេតុតំបូងនៃការឈានដល់ការសម្លាប់ស្ត្រីជនរងគ្រោះឈ្មោះប្រាក់សុធី ភេទស្រី អាយុ២៤ឆ្នាំ មានទីលំនៅឃុំអូឧកញ្ញ៉ា ហេង ស្រុកព្រៃនប់ ខេត្តព្រះសីហនុ ពព្រោះតែខឹងស្ត្រីរងគ្រោះដែលជាអតីតប្រពន្ឋមិនព្រមជានាវិញ ទើបធ្វើអោយឈ្មោះទៀន ខ្លុញ ហៅទៀន ប៊ុន ឡូ ភេទប្រុស អាយុ៣០ឆ្នាំ ដែលជាអតីតប្តីស្ត្រីរងគ្រោះ រៀបចំគម្រោងធ្វើបាបលើអតីតប្រពន្ឋ ដោយល្មួងស្ត្រីរងគ្រោះទៅកន្លែងស្ងាត់ ហើយអោយមិត្តភក្តិរបស់ខ្លួនចាប់រំលោភ តែនៅពេលរំលោភស្ត្រីស្រែកខ្លាំងពេក ទើបធ្វើអោយក្រុមជនសង្ស័យខឹង យកកន្សែងពោះគោរឹតក និងយកកូនកាំបិទចាក់ស្លាប់តែម្តង៕