លោក ស្រី លីសុខងី ម្ចាស់ដីរងគ្រោះអំពាវនាវរកយុត្តិធម៍ ខណៈពេលបណ្តឹងរបស់គាត់ត្រូវបានខុទ្ឋកាល័យចេញដីការបញ្ជូនទៅស្ថាប័នជំនាញដោះស្រាយ តែត្រូវបានស្ងាត់ឈឹងដូចចោរលួចសេះ
ខេត្តព្រះសីហនុៈ MC.ភាពស្រពិចស្រពិលនៅតែអូសបន្លាយ ខណៈពេលរឿងរ៉ាវទំនាស់ដីធ្លីរវាងលោកស្រី លី សុខងីម និង ក្រុមហ៊ុនចិន នៅតែពុំទាន់ទទួលបានលទ្ឋផលជាផ្លែផ្ កាបើទោះបីជាក្រុមការងាររបស់ស្ថាប័នតុលាការដឹកនាំដោយលោកចៅក្រម ឃួន ចន្ថា រួមជាមួយក្រុមការងារមន្ត្រីជំនាញ ចុះមកដល់ទីតាំងដីទំនាស់ នាព្រឹកថ្ងៃទី០៦កក្កដានេះយ៉ាងណាក្តី។
ជុំវិញបញ្ហានេះ លោក ស្រី លី សុខងីម ជាដើមបណ្តឹង បានសម្តែងអារម្មណ៏សោកស្តាយ និងហាក់អស់ជំនឿពាក្យថាយុត្តិធម៏សម្រាប់គាត់ហាក់បីដូចជាពុំមានពន្លឺបន្តិចសោះ ខណៈពេលដីរបស់គាត់ ត្រូវបានក្រុមហ៊ុនចិនចាក់ដីលប់ស្ទើរអស់យ៉ាងណាក្តី ។ លោកស្រីបន្តថា ចំពោះសំណុំរឿងវិវាទរវាងក្រុមហ៊ុនចិន ជាមួយលោក ស្រី នេះ លោកស្រីបានដាក់ពាក្យបណ្តឹងទៅគ្រប់ស្ថាប័ន រហូតដល់ទីស្តីការគណៈរដ្ឋមន្ត្រី ខុទ្ឋកាល័យសម្តេចអគ្គមហាសេនាបតីតេជោ ហ៊ុន សែន ហើយខុទ្ឋកាល័យសម្តេចអគ្គមហាសេនាបតីតេជោ ហ៊ុន សែន បានចេញដីការបញ្ជូនទៅក្រសួងពាក់ព័ន្ឋ រួមមានក្រសួងរៀបចំដែនដីនគររូបនីយកម្ម និងសំណង់ រដ្ឋបាលសាលាខេត្តព្រះសីហនុ តាំងពីកំឡុងខែឧសភាមកម្លេះ ប៉ុន្តែ រហូតមកដល់ពេលនេះ នៅតែពុំមានចំណាត់ការណាមួយក្នុងការដោះស្រាយជូនលោកស្រីដដែល សូម្បីការចុះមកលើដីទំនាស់នាព្រឹកថ្ងៃទី០៦ ខែកក្កដា ឆ្នាំ២០១៧នេះ ក៏នៅតែពុំមានលទ្ឋផលដដែល បានត្រឹមតែធ្វើកំណត់ហេតុបង្គ្រប់កិច្ច ដោយសំអាងថា កាកំណត់ព្រំ រឺទីតាំងទំនាស់ មិនអាចធ្វើបានឡើយ ព្រោះខ្វះសម្ភារៈតាមលក្ខណៈបច្ចេកទេស និងឯកសារមិនគ្រប់លក្ខណៈច្បាស់លាស់(ពុំមានបង្គោលកំណត់ព្រុំលើដីទំនាស់) បើទោះបីជាម្ចាស់ដីដើមដែលបានលក់មកអោយគាត់ រួមជាមួយអតីតៈមេភូមិចេញមកបំភ្លឺ យ៉ាងជាក់ច្បាស់ក៏ដោយ។
ក្នុងឱកាសនោះដែរ លោក ស្រី លី សុខ ងីម ក៏បានបន្ថែមទៀតថា ភាពអយុត្តិធម៏ ដែលក្រុមហ៊ុនចិនបានធ្វើ មិនមែនតែរូបលោកស្រីតែម្នាក់ប៉ុណ្ណោះទេ សូម្បីតែប្រជាពលរដ្ឋចំនួន០៣ភូមិនៅក្បែរនោះ ក៏កំពុងរងភាពអយុត្តិធម៏ដែរ ព្រោះផ្លូវដែលពួកគាត់ធ្លាប់ដើរ តាំងពីនៅព្រៃស្តុក ក៏ត្រូវក្រុមហ៊ុនចិនមួយនេះ រំលោភដោយបិតផ្លូវមិនអោយប្រជាពលរដ្ឋឆ្លងកាត់ដែរ ហើយក៏ត្រូវបានលោកស្រី និង ប្រជាពលរដ្ឋដាក់ពាក្យបណ្តឹងខុទ្ឋកាល័យសម្តេចអគ្គមហាសេនាបតីតេជោ ហ៊ុន សែន ហើយខុទ្ឋកាល័យសម្តេចអគ្គមហាសេនាបតីតេជោ ហ៊ុន សែន បានចេញដីការបញ្ជូនទៅក្រសួងពាក់ព័ន្ឋ រួមមានក្រសួងរៀបចំដែនដីនគររូបនីយកម្ម និងសំណង់ រដ្ឋបាលសាលាខេត្តព្រះសីហនុ ចុះធ្វើការដោះស្រាយដូចគ្នា ប៉ុន្តែបែជាអាជ្ញាធរ ធ្វើជាពុំដឹងពុំឮទៅវិញ ធ្វើអោយប្រជាពលរដ្ឋនៅតែបន្តការជួបលំបាករហូតដល់ពេលនេះ។
ដោយឡែក លោក លី សុវណ្ណបញ្ញា មេធាវី តំណាងអាណត្តិអោយក្រុមហ៊ុនចិន បានបង្ហាញជំហរ ជុំវិញបញ្ហាទំនាស់ដីធ្លីនេះថា សម្រាប់ការចុះមកលើដីទំនាស់ នាព្រឹកថ្ងៃទី០៦កក្កដាឆ្នាំ២០១៧នេះ មិនអាចដំណើរទៅបាននោះទេ ព្រោះលើដីទំនាស់ពុំមានការបោះបង្គោលច្បាស់លាស់ ថាតើដីចំនុចណាជាដីទំនាស់ ម្យ៉ាងវិញទៀតមន្ត្រីជំនាញ ពុំមានម៉ាស៊ិនស្តង់ដា(ម៉ាស៊ិនធំ) ក្នុងការវាស់វែងរកចំនុចពង់នៃប្លង់និមួយៗ។
ឆ្លើយតបទៅនឹងបញ្ហាវិវាទនេះដែរ តំណាងក្រុមហ៊ុនចិន ក៏បានអះអាងដែរថា ជុំវិញទំនាស់នេះ ខាងក្រុមហ៊ុនមិនទាន់អាចបកស្រាយអោយបានច្បាស់ជាងនេះបានទេ ព្រោះអ្វីៗកំពុងស្ថិតក្នុងការស្រាវជ្រាវ និងធ្វើការដោះស្រាយតាមនិតិវិធី កំណត់ទីតាំងអោយបានច្បាស់ជាមុនសិន៕
http://ift.tt/2ssRc8X
