ស្ត្រីមេម៉ាយកូន៥នាក់ សូមថ្លែងអំណរគុណដល់សម្តេចកិតិ្តព្រឹទ្ឋបណ្ឌិត និងមន្ត្រីគ្រិៈស្ថានមេក្រួហិរញវត្ថុ វីសុនហ្វាន់ ដែលបានផ្តល់ប្រាក់កម្ចីយកទៅលោះប្លង់ដីត្រឡប់មករស់នៅវិញ
ខេត្តកំពង់ឆ្នាំង៖ ដោយមានការសម្របសម្រួល ពីលោកជំទាវ មែន នារីសោភ័គ តំណាងដ៍ខ្ពង់ខ្ពស់របស់សម្តេចកិតិ្តព្រឹទ្ឋបណ្ឌិត ប៊ុនរ៉ានី ហ៊ុនសែន ក៍ដូចមន្ត្រីតំណាងធានាគារជាតិ នៃកម្ពុជា នៅព្រឹកថ្ងៃទី៣១ ខែកក្កដា ឆ្នាំ២០ ១៧ មន្ត្រីគ្រិៈស្ថានមេក្រួហិរញវត្ថុ វីសុនហ្វាន់ ( Visionfund) បានប្រគល់ប្រាក់កម្ចីរយៈពេលវែង និងអត្រាការប្រាក់ថោកបំផុត ដល់ស្រី្តមេម៉ាយក្រីក្រមានកូន៥នាក់ យកទៅសងបំណុលអ្នកចងការប្រាក់ឯកជន ដើម្បីយកប្លង់ដីដែលកំពុងរស់នៅត្រឡប់មកវិញ ។
អាជ្ញាធរមូលដ្ឋានបានអោយដឹងថាៈ ស្ត្រីមេម៉ាយ ឈ្មោះ នង គឹមអេង អាយុ៣៨ឆ្នាំ ក្រីក្រចិញ្ចឹមកូន៥នាក់ និងម្តាយអាយុ៦៦ឆ្នាំម្នាក់ទៀត រស់នៅភូមិត្រពាំអញ្ចាញ ឃុំស្វាយជ្រុំ ស្រុករលាប្អៀរ បានចងការប្រាក់ពីស្ត្រីម្នាក់ឈ្មោះ តូច វណ្ណា ជាអ្នករកស៊ីចងការប្រាក់ឯកជន ចំនួន២.១៣០ដុល្លា ប៉ុន្តែក្នុងលិខិតខ្ចីប្រាក់គឺដាក់ថាៈ បានលក់ដីដែលកំពុងរស់នៅ លក់ក្នុងតម្លៃ២១៣០ដុល្លា និងដាក់ថ្ងៃកំណត់ត្រូវរុះរើផ្ទះចេញពីដីដែលកំពុងរស់នៅទៀតផង។ លុះដល់ថ្ងៃកំណត់ស្ត្រី នង គឹមអេង គ្មានលទ្ឋភាពរកប្រាក់សងទៅអ្នកចងការប្រាក់វិញបានម្យ៉ាងវិញទៀត ប្រាក់ដើមនិងការប្រាក់ជាង២ខែ បានឡើងដល់ចំនួនដល់ទៅ៣៥០០ដុល្លា ផងនោះ ត្រូវប្រឈមនឹងការរឹបអូសយកដីពីម្ចាស់បំណុល ។
ក្រោយពីមានការចុះផ្សាយពីទុក្ខលំបាករបស់ស្ត្រីខាងលើ កាលពីចុងសប្តាហ៍មុននេះ លោកជំទាវមែន នារីសោភ័គ តំណាងដ៍ខ្ពង់ខ្ពស់សម្តេច កិតិព្រឹទ្ឋបណ្ឌិត ប៊ុន រ៉ានី ហ៊ុន សែន បាននាំយកនូវអំណោយជាសម្ភារៈនិងថវិការ ផ្តល់ជូនស្ត្រីមេម៉ាយកូន៥ខាងលើ និងបានសម្របសម្រួលជាមួយមន្ត្រីតំណាងធានាគារជាតិ នៃកម្ពុជា ជាមួយគ្រិៈស្ថានមេក្រូហិរញ្ញវត្ថុ ដើម្បីយកប្រាក់កម្ចីអោយស្ត្រីខាងលើ យកទៅសងបំណុលអ្នកចង ការប្រាកឯកជន ដើម្បីបានដីមករស់នៅបន្តវិញ ហេតុនេះហើយទើបនៅព្រឹកថ្ងៃទី ៣១ ខែកក្កដានេះមន្ត្រីគ្រិៈ ស្ថានមេក្រួហិរញវត្ថុ វីសុនហ្វាន់ ( Visionfund) បានផ្តល់ប្រាក់កម្ចីចំនួន៣៥០០ដុល្លា ដោយគិតអាត្រាប្រាក់ទាបបំផុតត្រឹមតែ ១.៥ភាគរយប៉ុណ្ណោះ និងមានរយៈពេលវែងដល់ទៅ៥ឆ្នាំទៀតផង ទៅស្ត្រីមេម៉ា យក្រីក្រកូន៥ ឈ្មោះនង គឹមអេង ជាមួយគ្នានេះដែរ ស្ត្រីឈ្មោះ នង គឹមអេង ក៍បានប្រគល់ប្រាក់ទាំងនោះ បន្តទៅស្ត្រីអ្នករកស៊ីចងការប្រាក់ ឈ្មោះ តូច វណ្ណា ដើម្បីបានប្លង់ដី និងលិខិតទិញលក់ត្រឡប់មកវិញ ។
បន្ទាប់ពីបំពេញឯកសារ ប្រគល់ប្រាក់ ប្រគល់ប្លង់ដីវិញ ស្ត្រីឈ្មោះ នង គឹមអេង បានលើកដៃសំពះថ្លែងអំណរគុណ យ៉ាងជ្រាលជ្រៅដល់សម្តេចកិតិព្រិទ្ឋបណ្ឌិត ប៊ុន រ៉ានីហ៊ុន សែន និងលោកជំទាវម៉ែន នារីសោភ័គ ដែលតែងជួយដល់ការលំបាករបស់ប្រជាពលរដ្ឋក្រីក្រជានិច្ច ជាមួយគ្នានោះ ក៍បានថ្លែងអំណរគុណដល់ គ្រិៈស្ថានមេក្រួហិរញ្ញវត្ថុ វីសុនហ្វាន់ ដែលបានផ្តល់កម្ចីប្រាក់ដល់រូបគាត់ដែលមានការប្រាក់ទាប បានយកទៅសងបំណុលគេ សម្រាប់បានដីដែលកំពុងរស់នៅត្រឡប់មកវិញ ៕ រឹទ្ធិ ជ័យ
http://ift.tt/2uOZL1i
