ប្រធានមន្ទីរសាធារណៈការខេត្តចែកអំណោយជូនមន្ត្រីរាជការនិងនិវត្តន៍ជនជាង ៤០០នាក់នៅក្នុងរដូវកាន់បិណ្ឌនៃបុណ្យភ្ជុំបិណ្ឌប្រពៃណីជាតិ
ខេត្តកំពង់ឆ្នាំង៖ លោក កែវ ពៅ ប្រធានមន្ទីរសាធារណៈការ និងដឹកជញ្ជូនខេត្តកំពង់ឆ្នាំង នៅព្រឹកថ្ងៃទី១៤ ខែកញ្ញា ឆ្នាំ២០១៧ នេះបានថ្លែងទៅកាន់មន្ត្រីរាជការ និងនិវត្តន៍ជនជាង៤០០នាក់ នៅក្នុងពិធីចែកអំណោយ ជូនមន្ត្រីរាជការ និងនិវត្តន៍ជនទាំងអស់នោះ នៅក្នុងរដូវកាន់បិណ្ឌនេះថា៖ ក្រោមការដឹកនាំដ៏ត្រឹមត្រូវរបស់សម្តេចតេជោ ហ៊ុន សែន នាយករដ្ឋមន្ត្រី និងឯកឧត្តមអភិបាលខេត្តកំពង់ឆ្នាំងមិនភ្លេចទេនូវការខិតខំបំពេញការងាររបស់មន្ត្រីរាជការយើងគ្រប់កាលៈទេសៈ ជាពិសេសមន្ត្រីរាជការចូលនិវត្តន៍ដែលមានគុណបំណាច់ធ្វើការងារកសាងជាតិមាតុភូមិគឺមិនបែងចែកវណ្ណៈអ្វីឡើយ ។ ហេតុនេះហើយទើបថ្ងៃនេះថ្នាក់ដឹកនាំមន្ទីរសាធារណៈការខេត្ត បានឯកភាពគ្នាអញ្ជើញមន្ត្រីរាជការ និងនិវត្តន៍ជនទាំងអស់ ក្នុងមន្ទីរមកជួបជុំគ្នា ដើម្បីចែកជូននូវអំណោយមួយចំនួនសំរាប់លើកទឹកចិត្ត និងដើម្បីបានធ្វើបុណ្យកាន់បិណ្ឌប្រពៃណីជាតិបានទាំងអស់គ្នា ។
លោក កែវ ពៅ បានបញ្ជាក់ទៀតថា៖ ជារៀងរាល់ឆ្នាំលោក និងថ្នាក់ដឹកនាំមន្ទីរ តែងធ្វើពិធីចែកអំណោយដូចគ្នានេះចំនួន២ដងក្នុង១ឆ្នាំ គឺមុនបុណ្យចូលឆ្នាំខ្មែរ និងមុនថ្ងៃបុណ្យភ្ជុំបិណ្ឌ បើទោះបីជាថវិ កានិងអំណោយនេះតិចតួចក៏ពិតមែន តែពិធីនេះគឺបញ្ជាក់បានពីសាមគ្គីភាព និងការដឹងគុណដល់មន្ត្រីរបស់យើងដែលលោកបានខិតខំធ្វើការងារបំរើជាតិកន្លងមក និងក៏បានថវិកានេះយកទៅធ្វើបុណ្យទានយ៉ាងសប្បាយរីករាយផងដែរ ។
ដោយឡែក នៅក្នុងពិធីនេះដែរ លោក កែវ ពៅ ក៏បានផ្តាំផ្ញើដល់មន្ត្រីរាជការ និងនិវត្តន៍ជនទាំងអស់សូមជួយណែនាំដល់កូនចៅ ញាតិមិត្ត អោយចូលរួមគោរពច្បាប់ចរាចរណ៍ផ្លូវគោកអោយបានទាំងអស់គ្នា ដោយត្រូវតែពាក់មួកសុវត្តិភាពគ្រប់ពេលក្នុងពេលជិះម៉ូតូ ព្រោះមួកសុវត្តិភាពមួយជួយបានតែមនុស្សម្នាក់ឡើយ និងមិនត្រូវបើកបរក្នុងពេលស្រវឹង ត្រូវចេះយោគយល់អធ្យាស្រ័យគ្នាក្នុងពេលបើកបរ និងត្រូវគោរផ្លាកសញ្ញា និងគំនូសសញ្ញាចរាចរណ៍អោយបានម៉ឺងម៉ាត់ ទើបរួចផុតពីគ្រោះថ្នាក់។
សូមបញ្ជាក់ថា៖ នៅក្នុងឱកាសនេះដែរលោកប្រធានមន្ទីរសាធារណៈការ និងដឹកជញ្ជូនខេត្តកំពង់ឆ្នាំងនិងថ្នាក់ដឹកនាំមន្ទីរ ក៏បានចូលរួមក្នុងពិធីសូត្រមន្ត រាប់បាត បង្ស័កូល ក្នុងបិណ្ឌវេណទី៩តាមប្រពៃ ណីនៅក្នុងមន្ទីរ និងបានចែកអំណោយដល់មន្ត្រីរាជការ និងនិវត្តន៍ទាំងជាង៤០០នាក់ ដោយក្នុងម្នាក់ៗទទួលបានថវិកាចំនួន៥ម៉ឺនរៀល សារ៉ុង១ និងក្រម៉ា១ គ្រប់ៗគ្នា និងបានរៀបចំម្ហូបបាញ់ហយនិងភេសជ្ជៈ ចែកជូនមន្ត្រីទាំងអស់ទទួលទានបានឆ្ងាញ់ និងឆ្អែតទាំងគ្នាផងដែរ ។
លោក សយ សារី អតីតៈមន្ត្រីរាជការបានចូលនិវត្តន៍ បានមានមតិថា៖ លោកក៏ដូចជាមន្ត្រីចូលនិវត្តន៍ទាំងអស់ពិតជាស្បាយចិត្តណាស់ ពេលឃើញលោកប្រធានមន្ទីរបានកោះអញ្ជើញមន្ត្រីចូលនិវត្តន៍ទាំងអស់មកចែកអំណោយ និងបានរៀបចំម្ហូបអាហារអោយទទួលទានបានឆ្ងាញ់និងបានឆ្អែតដូច្នេះ។ចំ ពោះទង្វើដ៏ល្អទាំងនេះក៏ស្ថិតក្រោមការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជា ដែលមានសម្តេច ហ៊ុន សែន ជាប្រមុខ ផងដែរ ។ លោកនិងមន្ត្រីចូលនិវត្តន៍ទាំងអស់សូម ចែកជូននូវបុណ្យកុសលដែលបានធ្វើនៅក្នុងពេលនេះ សូមអោយបានដល់សម្តេចនិងបុត្រាបុត្រី និងថ្នាក់ដឹកនាំទាំងអស់អោយបានបុណ្យស្មើៗគ្នា ដើម្បីរួនគ្នាដឹកនាំកសាងប្រទេសកម្ពុជាអោយមានសុខសន្តិភាព និងសប្បាយរុងរឿងគ្រប់វិស័យទៅអនាគត ៕
http://ift.tt/2wYeZTz
