ឃាត់ខ្លួនមន្ដ្រីសាធារណការខេត្ត រតនគិរីម្នាក់ ពាក់ព័ន្ធស្នេហាត្រីកោណ
(ខេត្តរតនគិរី)៖ ប៉ូលិសក្រុងបានលុងបានឃាត់ខ្លួនមន្ដ្រីសាធារណការ ខេត្ដរតនគិរីម្នាក់ កាលពីថ្ងៃទី១៣ ខែកក្ដដាឆ្នាំ២០១៩នេះ ពាក់ព័ន្ធករណីលួចមានស្នេហាត្រីកោណខណ:ខ្លួនមានប្រពន្ធ និងកូនពីរនាក់ នៅក្នុងបន្ទុករួចទៅហើយ។ មន្ដ្រីសាធារណការរូបនោះ មានឈ្មោះ ទុន ដារ៉ា ជាប្រធានការិយាល័យគណ:នេយ្យ នៃមន្ទីរសាធរណការ និងដឹកជញ្ជូនខេត្ដរតនគិរី និងជាអតីតមន្ដ្រីបម្រើការនៅមន្ទីរសាកាសាធារណការខេត្ដស្ទឹងត្រែង។
លោកស្រី ពួយ ចាន់សុគុណ បានឱ្យដឹងថា ប្ដីរបស់គាត់ឈ្មោះទុន ដារ៉ា តែងតែចូលចិត្ដទៅរកស្រីនៅក្រៅផ្ទះភ្លេចប្រពន្ធ និងកូនជាយូរឆ្នាំកន្លងមកហើយ គឺចាប់ពីអំឡុងឆ្នាំ២០១១ កាលនៅឯខេត្ដស្ទឹងត្រែងមកម៉្លេះ។ កាលណោះគាត់បានសន្យានៅចំពោះមុខសមត្ថកិច្ចថា នឹងកែខ្លួនធ្វើជាប្ដីល្អព្រមមករួមរស់កសាងអនាគតជាមួយប្រពន្ធ និងកូនវិញ។
លោកស្រីបានបន្ដឱ្យដឹងទៀតថា លោក ទុន ដារ៉ា ថាកែខ្លួនគាត់ឱ្យខ្ញុំបោះបង់ការងារជាគ្រូបង្រៀន រួចនាំខ្ញុំ និងកូនទៅរួមរស់នៅខេត្ដរតនគិរី។ ក្រោយមកគាត់បានផិតក្បត់ដដែលគឺទៅមានស្រីលួចលាក់នៅភូមិថ្មដាសង្កាត់បឹងកន្សែ ក្រុងបានលុង លែងខ្វល់ជាមួយក្រុមគ្រួសារ។ លុយកាក់ដែលរកបានរួម និងប្រាក់ខែគាត់មិនបានយកមកចិញ្ចឹមប្រពន្ធកូនជាងបីឆ្នាំមកហើយ។ ពេលសួរនាំពីរឿងនេះលោក ទុនដារ៉ា តែងតែគំរាមប្រើអំពើហិង្សាមកលើខ្ញុំជាប្រពន្ធ។
លោកស្រីបានបញ្ជាក់ថា ក្នុងនាមជាប្រពន្្រពន្ធដើមស៊ូទ្រាំខាំមាត់សង្កត់ចិត្ដឱបទុក្ខជាច្រើនឆ្នាំមិនបានលែងលះ ឬតតាំងនឹងប្ដីឡើយ ព្រោះដើម្បីអនាគតកូនទាំងពីរនាក់។ក៏ប៉ុន្ដែដោយសារអត់ទ្រាំលែងបាននៅព្រឹកថ្ងៃទី១៣ ខែកក្ដដាឆ្នាំ២០១៩ ក៏បានសម្រេចប្ដឹងទៅប៉ូលីសក្រុងបានលុងឱ្យចាប់ប្ដីកំហូចនោះរួមនេងសហាយឈ្មោះ ទន់ សុគន្ធផានីកំពុងដេកលើគ្រែរួចបញ្ជូនទៅអធិកាក្រុងបានលុងដើម្បីសួរនាំតាមច្បាប់។
លោក ស៊ុន ប៉ូលីន ប្រធានមន្ទីរសារណការារណការ និងដឹកជញ្ជូនខេត្ដរតនគិរី បានបញ្ជាក់ប្រាប់អ្នកយកព័ត៌មានថាដោយខ្លីថាករណីលោកទុនដារ៉ាប្រធានការិយាល័យគណនេយ្យ នៃមន្ទីរសារណការខេត្ដដែលប៉ូលិសបានឃាត់នោះគឺជារឿងផ្ទាល់ខ្លួនមិនជាប់ពាក់ព័ន្ធជាមួយអង្គភាពឡើយ។
លោកតេងសាវុធអធិការរងក្រុងបានលុងបានបញ្ជាក់ប្រាប់រស្មីកម្ពុជាឱ្យដឹងនៅថ្ងៃទី១៤ខែកក្ដដានេះដោយដកស្រងសំដីភាគីទាំងពីរមកបញ្ជាក់ថាជនសង្ស័យឈ្មោះទុនដារ៉ាបានទទួលស្គាល់ថាខ្លួនពិតជាមានស្រីថ្មីឈ្មោះទន់សុគន្ធផានីមែនដោយសាតែខ្លួនមិនអាចនៅរួមរស់ជាមួយប្រពន្ធដើមឈ្មោះពួយចាន់សុគុណនោះបានតទៅទៀត។
លោកអធិការក្រុងបានបន្ដឱ្យដឹងទៀតថាឯភាគីខាងស្រីដែលគេអះអាងសាហាយស្មន់នោះបានសារភាពថា ខ្លួនបានស្រឡាញ់ លោក ទុន ដារ៉ា មែនដោយសារបុរស់រូបនោះប្រាប់ថា ខ្លួនជាបុរស់ពោះម៉ាយ និងមានលិខិតបញ្ជាក់ពីចៅសង្កាត់បឹងកន្សែងទើបខ្លួនជឿ ហើយទទួលយកធ្វើជាប្ដីរស់នៅជា មួយគ្នាតែម្ដង។
ក្រោយពីប៉ូលិសក្រុងបានលុងបានឃាត់ខ្លួនបុរសខាងលើ និងដៃគូ ស្នហាលួចលាក់នោះរួចមកលោកស្រី ពួច ចាន់សុគុណ បានសំណូមពរយ៉ាទទូចសុំឱ្យសមត្ថកិច្ច និងតុលាការខេត្ដរតនគិរី ជាពិសេសថ្នាក់ជាតិ និងក្រសួងសាធារណការសូមជួយចាត់ការទៅលើសំណុំរឿងមួយនេះទៅតាមផ្លូវច្បាប់ឯកព័ន្ធភាព និងសូមឱ្យសម្ដេចហ៊ុនសែនជួយវះកាត់តាមច្បាប់អភិក្រមទី៥ដែលជានិច្ចជាកាលសម្ដេចតែងតែណែនាំដល់ថ្នាក់ក្រោមប្រព្រឹត្តល្អ កុំឱ្យបំពានច្បាប់មានប្រពន្ធហើយទៅបង្កើតរឿងស្នេហាបំផ្លាញសេចក្តីសុខគ្រួសារដែលជាគំរូអាក្រក់៕ rk
https://ift.tt/2M233aP
