ជិះម៉ូតូពេលយប់លឿនពេក ពីរនាក់ឪពុកកូន ដូលបោកក្បាលនឹងថ្នល់ស្លាប់ម្នាក់ របួសធ្ងន់ម្នាក់
ខេត្តកណ្តាល ៖ ក្នុងករណីគ្រោះថ្នាក់ចរាចរណ៍មួយ បុរសម្នាក់ជាឪពុកបានស្លាប់ភ្លាមៗ នៅនឹងកន្លែងកើតហេតុ និងម្នាក់ទៀតជាកូនរបួសធ្ងន់ ខណៈ ពួកគេ ជិះម៉ូតូទិសដៅពីអ្នកលឿង មកភ្នំពេញ មកដល់ចំណូងកើតហេតុបានរេចង្កូតដួល បោកទៅនឹងថ្នល់ ជាតិលេខ១ ចន្លោះគីឡូម៉ែត្រលេខ២៧ -២៨ ស្ថិតនៅភូមិខ្សុំ ឃុំបន្ទាយដែកស្រុកកៀនស្វាយ កាលពីវេលាម៉ោង ១៩និង៥០ នាទីយប់ ថ្ងៃទី១៣ ខែមករា ឆ្នាំ២០១៥ ដោយគ្រោះថ្នាកនេះបង្កដោយខ្លួនឯង។
សមត្ថកិច្ចឲ្យដឹងថា ជនរងគ្រោះ ជិះម៉ូតូម៉ាកសេ១០០ ស៊េរី១៩៩៩ ពាក់ស្លាកលេខ ឃ១០៧០ កច១ ពណ៌ក្រហម ធើ្វដំណើរពីអ្នកលឿង ទិសដៅទៅភ្នំពេញ ពេលមកដល់ត្រង់ចំណុចកើតហេតុ រេចង្កូតដួលបោកនឹងថ្នល់ បណ្តាលឲ្យជនរងគ្រោះមានឈ្មោះ លឹម សាមិត្ត ភេទប្រុស អាយុ ៥២ឆ្នាំ ត្រូវជាឪពុកបានស្លាប់ និងម្នាក់ទៀតជាកូន មានឈ្មោះ លឹម វាសនា ភេទប្រុស អាយុ ២៦ឆ្នាំ រងរបួសត្រូវបានបញ្ជូនទៅទៅសង្គ្រោះនៅមន្ទីពេទ្យភ្នំពេញ។ ជនរងគ្រោះមានទីលំនៅ ភូមិកំពង់ចំលង ឃុំព្រែកទម្លាប់ ស្រុកលើកដែក ខេត្តកណ្តាល៕
