បេក្ខជនប្រឡងចម្រៀង៣៦នាក់ បានជាប់វគ្គពាក់កណ្តាលផ្តាច់ព្រ័ត្ត នៅស្ថានីយ៍ វិទ្យុឫទ្ធិសែនFM 99.75 ខេត្តកំពង់ឆ្នាំង
ខេត្តកំពង់ឆ្នាំង៖ បេក្ខជនបេក្ខនារី ដែលបានប្រឡងចំរៀងជាប់វគ្គទី១ ចំនួន៣៦នាក់(ស្រី៧នាក់) នៅព្រឹក ថ្ងៃទី១៧ ខែមករា ឆ្នាំ២០១៥នេះ បានមកកាន់ស្ថានីយ៏វិទ្យុឬទ្ឋិសែនFM 99.75 មានទីតាំងនៅភូមិឃ្លាំង ប្រាក់ សង្កាត់ប្អេរក្រុងកំពង់ឆ្នាំងជាថ្មីម្តងទៀត ដើម្បីចូលរួមប្រឡងចំរៀងជម្រុះវគ្គកណ្តាលផ្តាច់ព្រ័ត្ត សម្រាប់ឈានដល់ប្រឡងក្នុងផ្តាច់ព្រ័ត្តនៅដើមខែកុម្ភះឆ្នាំ២០១៥ខាងមុខនេះទៀត។
លោក សុខ ឧត្តម ប្រធានស្ថានីយវិទ្យុ ឫទ្ធិសែន ដែលជាអ្នករៀបចំកម្មវីធីប្រឡងចំរៀងនេះបាន អោយដឹងថា៖ នេះជាការប្រឡបវគ្គពាក់កណ្តាលផ្តាច់ព្រ័ត្ត ដោយគណៈកម្មការបានសម្រេច យកអ្នក ដែល មានសមត្ថភាពទៅប្រឡងផ្តាច់ព្រត្ត័នៅដើមខែកុម្ភះខាងមុខនេះក្នុងកម្មវិធី“សម្លេងខ្ញុំសំនៀងខ្ញុំ” ក្នុងស្ទីតយោវិទ្យុតែម្តង។
លោកបានបញ្ជាក់ថាៈ ការរៀបចំអោយមានការប្រឡងចំរៀងសម័យ និងចំរៀងបុរាណ នៅពេលនេះ គឺមានគោលបំណងជួយលើកស្ទួយវិស័យសិល្បៈផ្នែកចំរៀងរបស់ខ្មែរយើងនិងប្អូនៗយុវជន យុវនារីដែល មានបំណងចាប់យកអាជីពចម្រៀង មានសេចក្តីក្លាហាននិងហ៊ានឡើងប្រឡងចោល រួមក្នុងការ ប្រកួតបញ្ចាញសមត្ថភាព ដើម្បីក្លាយជាអ្នកចំរៀងមានប្រជាប្រិយភាពក្នុងអនាគត។ កាលពីវគ្គទី១មាន បេក្ខជន១០១នាក់ ក្នុងពេលប្រឡងគណៈកម្មការបានសម្រចជម្រុះសល់តែ៣៦នាក់ ដែលត្រូវប្រឡងនៅ វគ្គកណ្តាលផ្តាច់ព្រ័ត្តនៅព្រឹកថ្ងៃទី១៧ ខែមករានេះ ។
ចំពោះបេក្ខជនដែលទទួលបានចំណាត់ថ្នាក់លេខ១ទទួលបានពាន្ត១និងថវិកាចំនួន១លានរៀលលេខ២ទទួលបានថវិការចំនួន៧០ម៉ឺនរៀល និងលេខ៣ទទួលបានថវិការ៥០ម៉ឺនរៀល។ អ្នកទទួលបាន ជ័យលាភីលេខ១លេខ២និងលេខ៣ត្រូវបានទទួលការអញ្ជើញទៅដើរកំសាន្តនៅក្រុងព្រះសីហនុរយៈពេល២ថ្ងៃ២យប់ ដែលរាល់ការចំណាយទាំងអស់ជារបស់ស្ថានីយ៍វិទ្យុឬទ្ឋិសែនFM 99.75 និងមួយផ្នែកទៀតមានការឧបត្ថមពីដៃគូពាណិជ្ជកម្មស្ថានីយ៍របស់លោក៕ ដោយ រិទ្ធិ ជ័យ
