សមត្ថកិច្ចចាប់បានជនសង្ស័យម្នាក់ដែលសកម្មខាងលូចទូកនៅតាមដងទន្លេ
ខេត្តកំពង់ឆ្នាំង៖ ជនសង្ស័យម្នាក់ដែលសកម្មខាងលួចទូកម៉ាស៊ីនរបស់ប្រជាពលរដ្ឋតាមដងទន្លេកន្លងមក ត្រូវបានសមត្ថកិច្ចចាប់ឃាត់ខ្លួននៅពេលរូបគេកំពុងបើកការណូតដែលជនរងគ្រោះបានបាត់។ ករណីចាប់ខ្លួនជនសង្ស័យនេះបាននៅថ្ងៃទី០៣ ខែមិនា ឆ្នាំ២០១៥ ចំណុចភូមិក្រម៉ាល់ ឃុំប្រឡាយមាស ស្រុកកំពង់លែង បន្ទាប់ពីប្រជាពលរដ្ឋបានបាត់ទូកម៉ាស៊ីននេះនៅយប់ថ្ងៃទី២ ខែមិនា ឆ្នាំ២០១៥ នៅចំណុចកោះពស់ស្ថិតក្នុងភូមិកំពង់បឹង ឃុំកំពង់ហៅ ស្រុកកំពង់លែង។
សមត្ថកិច្ចនគរបាលស្រុកកំពង់លែងបាននិយាយអោយដឹងថា៖ ជនសង្ស័យខាងលើមានឈ្មោះ ចាន់ សុវណ្ណ អាយុ៤៥ឆ្នាំ រស់នៅក្នុងភូមិចំបក់ខ្ពស់ ឃុំកំពង់ហៅ ស្រុកំពង់លែង មានមុខរបរមិនពិតប្រាកដឡើយ ដោយឡែកម្ចាស់ទូកម៉ាស៊ីនដែលត្រូវបានចោរលួចមានឈ្មោះ ជិន ហេង អាយុ៤៧ឆ្នាំ មុខរបរធ្វើចំការនៅ ចំណុចកើតហេតុខាងលើ។
សមត្ថកិច្ចបានអោយដឹងទៀតថា៖ មុនពេលឈានដល់ការចាប់ខ្លួនមុខសញ្ញាលួចទូកម៉ាស៊ីនខាងលើនេះ សមត្ថកិច្ចបានទទួលបណ្តឺងពីប្រជាពលរដ្ឋម្ចាស់ទូកម៉ាស៊ីន ខណះដែលបានចតទុកនៅក្បែរមាត់កំពង់ ទឹកចំការពេលព្រឹកឡើងស្រាប់តែបាត់ទូកម៉ាស៊ីនតែម្តង។ លុះដល់ព្រឹកថ្ងៃទី២ ខែមិនា ឆ្នាំ២០១៥សមត្ថកិច្ចឃាត់ខ្លួនបានមុខសញ្ញាលួចទូកម៉ាស៊ីនដ៍សកម្មនេះតាមដងទន្លេ គឺជនសង្សយ័កំពុងបើកកាណូតជនរងគ្រោះដែលបាត់នោះ។
នៅចំពោះមុខសមត្ថកិច្ចជនសង្ស័យខាងលើបានសារភាពថា៖ ខ្លួនគេពិតជាបានលួចទូកម៉ាស៊ីនរបស់គេ មែនដោយបំរ៉ុងយកទៅលក់បន្ត ហើយក៏ត្រូវបានសមត្ថកិច្ចចាប់ឃាត់ខ្លួន នៅចំណុចភូមិក្រម៉ាល់ ឃុំ ប្រឡាយមាស ស្រុកកំពង់លែង តែម្តងនៅថ្ងៃទី០៣ ខែមិនា ឆ្នាំ២០១៥។ជនសង្សយ័ជាចោរលួចទូកម៉ាស៊ីនរូបនេះ ត្រូវបាននាយការិយាល័យនគរបាលព្រហ្មទណ្ឌកម្រិតស្រាល នៃស្នងការនគរបាលខេត្ត កសាងសំណុំរឿងបញ្ជូនខ្លួនទៅកាន់សាលាដំបូងខេត្តដើម្បីចោទប្រកាន់ និងផ្តន្ទាទោសតាមផ្លូវច្បាប់៕ ដោយ រិទ្ធិ ជ័យ
http://ift.tt/1B1dmPV
