ម៉ូតូ១គ្រឿងកំពុងតែបើកបរក្នុងល្បឿនយ៉ាងជក់ខ្យល់ បានបុកម៉ូតូ១គ្រឿងដែលបត់ទទឺងពីមុខ ចំពេញទំហឹង បណ្តាលឲ្យបុរសជនជាតខ្មែររបួសហូរឈាមស្រោចខ្លួន និងបុរសជនបរទេសបែកភ្នែកខាងស្តាំ សង្ឃឹមរស់តិច
ខេត្តព្រះសីហនុ៖ ម៉ូតូពីរគ្រឿងបើកក្នុងល្បឿនលឿន បញ្ជ្រាសទិសគ្នាក្នុងពេលរាត្រី ហើយម៉ូតូ១គ្រឿងបើកបរដោយជនបរទេស បានបត់ឆ្វេងកាត់ទទឹងផ្លូវ បណ្តាលឲ្យម៉ូតូ១គ្រឿងទៀតបើកបរដោយជនជាតិខ្មែរ ដែលកំពុងតែមានល្បឿនជក់ខ្យល់នោះបុកចំពេញទំហឹងលាន់ស្នូរដូចរន្ទះបាញ់ បណ្តាលឲ្យអ្នកបើកបរម៉ូតូទាំងពីរនាក់ខ្ទាតហោះចេញពីម៉ូតូរៀងៗខ្លួនដួលបោកអូសលើថ្នល់បណ្តាលឲ្យរបួសធ្ងន់ទាំងពីរនាក់។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២១ និង៤០នាទីយប់ថ្ងៃទី២៩ខែមេសា ឆ្នាំ២០១៥ នៅចំណុចផ្លូវបំបែកស្តុបតូតាល់ស្ថិតក្នុងភូមិ២ សង្កាត់លេខ២ ក្រុងព្រះសីហនុ។
មន្ត្រីប៉ូលិសចរាចរណ៍ក្រុងព្រះសីហនុបានឲ្យដឹងថា៖ ជនរងរបួសទី១មានឈ្មោះ ឈៀវ ប៊ុនី ភេទប្រុស អាយុ២៥ ជនជាតិខ្មែរ បានបើកបរម៉ាកហុងដាដ្រីមពណ៌ខ្មៅ សេរី២០១១ ពាក់ស្លាកលេខព្រះសីហនុ 1D-0147 ក្នុងទិសដៅពីតាមផ្លូវឯករាជ្រ ពីជើងទៅត្បូងក្នុងល្បឿនលឿន ប្រញាប់ទៅទទួលយកប្រពន្ធនៅធ្វើការក្បែរតោពីរ។ នៅពេលកំពុងតែជិះក្នុងល្បឿនយ៉ាងជក់ខ្យល់មកដល់ចំណុចកើត ក៏មានម៉ូតូមួយគ្រឿងទៀត បើកបរដោយជនបរទេសមិនស្គាលអត្តសញ្ញាណដែលបើកបញ្ជ្រាសទិសគ្នា (ពីត្បូងទៅជើង) ហើយបានបត់ឆ្វេងកាត់ទទឹងផ្លូវ ទើបបណ្តាលអោយភាគីម៉ូតូជនជាតិខ្មែរបុកពេញទំហឹងលាន់ដូចរន្ទះបាញ់ បណ្តាលឲ្យបុរសអ្នកបើកបរម៉ូតូទាំងពីរនាក់ ផ្លោងខ្ទាតចេញពីម៉ូតូបោកអូសលើផ្លូវម្នាក់ៗ រងរបួសធ្ងន់ ហើយភាគីជនបរទេសបានបែកភ្នែកខាងស្តាំរងរបួសធ្ងន់សង្ឃឹមរស់តិចតួចណាស់។
ដោយឡែកយោងតាមសាក្សីនៅកន្លែងកើតហេតុបានបញ្ជាក់ថា នៅមុនកើតហេតុគេបានឃើញជនបរទេសនេះបានជិះម៉ូតូធំមកពីតោពីរ (ពីត្បូងទៅជើង) ក្នុងល្បឿនយ៉ាងលឿនវ៉ាម៉ូតូជាច្រើន ហើយមកដល់ចំណុចកើតហេតុក៏បានបត់ឆ្វេងដោយពុំបានស៊ីញ៉ូ ទើបធ្វើអោយម៉ូតូមួយគ្រឿងទៀតដែលបើកបរដោយជនជាតិខ្មែរបុកពេញទំហឹងដួលខ្ចាត់ខ្ចាយឃើញមនុស្សផ្លោងទៅលើវិលជាច្រើនត្រឡប់ហើយធ្លាក់មកលើថ្នល់វិញ។
ក្រោយកើតហេតុជនរងគ្រោះទាំងពីរត្រូវបានរថយន្តសង្គ្រោះរបស់គ្លីនិករស្មីកំពង់សោម ដឹកយកទៅសង្គ្រោះបឋមតែដោយស្ថានភាពជនបរទេសធ្ងន់ធ្ងរពេកបានដឹកបន្តមកកាន់មន្ទីបង្អែកចំការចេក។ ដោយឡែក ម៉ូតូទាំងពីរគ្រឿងត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ផ្លូវគោកខេត្តរងចាំការដោះស្រាយនៅពេលក្រោយ៕ ដោយ សមុទ្រខៀវ
http://ift.tt/1OHMmNM
