លោកយាយក្រីក្រទទួលគ្រោះថា្នក់ចរាចរណ៍ទទួលអំណោយ ពីសប្បុរសជន
ខេត្តកំពង់ឆ្នាំង៖ លោកសោមសុជាតានិងលោកលៀងជុំសុបិន្តអនុប្រធានសហភាពសហព័ន្ធយុវជនខេត្តកំពង់ឆ្នាំងរួម និងសហការីនៅល្ងាចថៃ្ងទី២៩ ខែមេសា ឆ្នាំ២០១៥ បានចុះ សាក សួរសុខទុក្ខលោយយាយ តូច សារ៉ន អាយុ៧៨ឆ្នាំ កំពុងសំរាកព្យាលរបួសនៅក្នុង មន្ទីរពេទ្យខេត្តកំពង់ឆ្នាំង ដែលបានជួបគ្រោះថ្នាក់ចរាចរណ៍ កាលពីថៃ្ងទី២៣ ខែមេសា ឆ្នាំ២០១៥ កន្លងទៅនេះលោកយាយ រស់នៅក្នុងភូមិគោកបន្ទាយ ឃុំគោកបន្ទាយ ស្រុករលាប្អៀរ មានមុខរបរធ្វើកន្ត្រងប្រហុកលក់ចិញ្ចឹមជីវិត តែលោកយាយគ្មានដីធ្លីជាកម្មសិទ្ធិទេ សព្វថ្ងៃសុំដីអ្នកស្រុកក្នុងភូមិសង់កូនខ្ទមរស់នៅ ជាមួយចៅ២នាក់ និងកូនស្រី ម្នាក់ដែលមានជម្ងឺមិនអាចធ្វើការកើត។
លោកលៀងជុំសុបិន្ត បានអោយដឹងថា៖ ថវិកាដែលលោកបាននាំយកមកជូនលោក យាយតូចសារ៉ន ក្នុងពេលនេះមានចំនួន២០ម៉ឺនរៀលនិងទឹកដោះគោឆៅចំនួន១២កំប៉ុង គឺជាថវិការបស់លោកម៉ក់ចំណានប្រធានត្រួតពិនិត្យបច្ចេកទេសយានយន្តនៃអគ្គនាយកដ្ឋានដឹកជញ្ជូនក្រសួងសាធារណៈការ រួមនិងថវិការបស់សហភាពសហព័ន្ធយុវជនកម្ពុជា ខេត្តកំពង់ឆ្នាំងចំនួន១០ម៉ឺនរៀល ទឹកដោះគោឆៅ១២កំប៉ុងផងដែរ។
មានប្រសាសន៍នៅក្នុងឱកាសនោះលោកសោមសុជាតា បានពាំនាំប្រសាសន៍ផ្តាំផ្ញើសាកសួរសុខទុក្ខ ពីសំណាក់ឯកឧត្តមហ៊ុនម៉ានីប្រធានសហភាពសហព័ន្ធយុវជនកម្ពុជានិងឯកឧត្តមហេងពិទូប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំងដល់លោកយាយតូចសារ៉នអាយុ៧៨ឆ្នាំមានជីវភាពក្រីក្រត្រូវចិញ្ចឹមចៅចំនួន២នាក់និងកូនមានជំងឺម្នាក់ដែលកំពុងសំរាកព្យាបាលជំងឺនៅមន្ទីរបង្អែកខេត្តកំពង់ឆ្នាំង។
លោកសោម សុជាតា បានសំណូមពរដល់លោកយាយ ត្រូវចេះថែរក្សាសុខភាពខ្លួនឯង អោយ បានល្អហើយត្រូវគោរពអោយបានតាមវេជ្ជបញ្ជារបស់គ្រូពេទ្យ ទើបឆាប់ជាបាន ជាវិលត្រឡប់ទៅផ្ទះវិញដើម្បីប្រកបមុខរបបចិញ្ចឹមជីវិតនិងបន្តថែទាំចៅៗអោយបានល្អ និងចូលរួមរកចំណូលប្រចាំថៃ្ងចិញ្ចឹមគ្រួសារអោយបានធូរធា។
លោកយាយ តូច សារ៉ន បានថ្លែងអំណរគុណយ៉ាងជ្រាវជ្រៅ ដល់លោកសោម សុជាតា លោក លៀងជុំសុបិន្តព្រមទាំងសហការី និងលោកម៉ក់ចំណានដែលបានជួយឧបត្ថម្ភថវិកាជូនលោកយាយពេលដែលលោកយាយកំពុងជួបការលំបាក លោកយាយសូមជូនពរអោយសប្បុរសជនទាំងអស់អោយជួបតែនិងសេចក្តីសុខ និងទទួលបានជ័យជំនះនូវគ្រប់តួនាទីភារកិច្ចរបស់ខ្លួន និងចូលរួមកសាងប្រទេសជាតិអោយសម្បូរ សប្បាយរុងរឿងរហូតតទៅ៕ ដោយ រិទ្ធិ ជ័យ
http://ift.tt/1zg5taM