រឿងក្តីចៅសង្កាត់ផ្សារឆ្នាំង ប្តឹងទាមទារដី២០ម៉ែត្រគុណនឹង២៥ម៉ត្រ ពីឈ្មោះសុខ សោភា ម្ចាស់ដេប៉ូលក់ឈើដែលខ្ចីដីសង្កាត់មិនព្រមអោយវិញ
ខេត្តកំពង់ឆ្នាំង៖ មុនពេលតុលាការខេត្តកោះហៅលោកស្រីចៅសង្កាត់ផ្សារឆ្នាំង និងសាក្សីមកសវនាការជុំនំជំរះនៅព្រឹកថ្ងៃទី២៩ ខែមេសា ឆ្នាំ២០១៥ ក្នុងរឿងក្តីលោកស្រីចៅសង្កាត់ប្តឹងទាមទារដីឯកជនរបស់សង្កាត់ ពីម្ចាស់ដេប៉ូឈ្មោះ សុខ សុភា ខ្ចីដីពីសង្កាត់ធ្វើស្តង់លក់ឈើតាំងពីឆ្នាំ២០០០ ជាង១៥ឆ្នាំមិនព្រមអោយវិញនោះ កាលពីល្ងាចថ្ងៃទី២៨ ខែមេសា ឆ្នាំ២០១៥ ប្រជាពលរដ្ឋក្នុងសង្កាត់ផ្សារឆ្នាំង លោកមេភូមិ អនុភូមិ និងអ្នកធ្វើការក្នុងសាលាសង្កាត់ប្រមាណជិត១០០នាក់ បាននាំគ្នាមកសាលាសង្កាត់ដើរលើកបដាតវ៉ា ដើម្បីសុំអោយតុលាការខេត្តផ្តល់យុត្តិធម៌ ទាមយកដីឯកជនរបស់សង្កាត់ទំហំ២០មគុណនឹង២៥ម ពីឈ្មោះសុខ សោភា ប្រគល់អោយសង្កាត់វិញ ដែលពេលនេះសង្កាត់ផ្សារឆ្នាំងត្រូវការអភិវឌ្ឍន៍ធ្វើសាលាសង្កាត់ថ្មីដើម្បីបម្រើការងារជូនប្រជាពលរដ្ឋ។
ប្រជាពលរដ្ឋទាំងនោះបាននិយាយថា៖ ការតវ៉ាទាមទារនេះគឺពគកគាត់បានដឹងថា៖ ឈ្មោះ សុខ សោភា បានខ្ចីដីខាងជើងជាប់សាលាសង្កាត់តាំងពីឆ្នាំ២០០០ ដោយមានលិខិតខ្ចីដី លិខិតកិច្ចសន្យាព្រមរុះរើស្តង់ឈើប្រគល់ដីមកសាលាសង្កាត់វិញ និងមានឯកសារពាក់ព័ន្ធមួយចំនួនទៀត តែមកដល់ពេលនេះជាង១៥ឆ្នាំហើយ លោក សុខ សោភា មិនព្រមប្រគល់ដីមកសាលាសង្កាត់វិញទេរំលោភលើកិច្ចសន្យា ហេតុនេះទើបពួកគាត់ស្នើសុំតុលាការខេត្ត ជយយរកយុតិធម៌អោយសាលាសង្កាត់វិញផង។
លោកស្រីភួនឈុយអេងចៅសង្កាត់ផ្សារឆ្នាំងបានបញ្ចាក់អោយដឹងថា៖ ដីមួយកន្លែងមានទំហំ ២០គុណ និង២៥ ម៉ែត្រ ជាប់នឹងសាលាសង្កាត់នេះគឺលោក លឹម ខុង មេឃុំចាស់ជាអ្នកអោយខ្ចីមានលិខិតសុំខ្ចីពីឈ្មោះ សុខ សោភា ចុះថ្ងៃទី០៣ ខែកក្កដា ឆ្នាំ២០០០ ប្តិតមេដៃត្រឹមត្រូវ។ នៅពេលឃុំត្រូវការដីនេះសាងសង់សាលាឃុំ លោក សុខ សោភា បានប្តិតមេដៃចុះថ្ងៃទី០៦ ខែសីហា ឆ្នាំ២០០៣ ថាព្រមរុះរើស្តង់ឈើខ្លួនចេញតែសុំពន្យាពេលមួយខែទៀត ប៉ុន្តែរហូតមកដល់ពេលនេះគេមិនព្រមចេញឡើយ ទើបលោកស្រីប្តឹងទៅតុលាការខេត្ត។
លោកស្រីចៅសង្កាត់ និងក្រុមប្រឹក្សាសង្កាត់ព្រមទាំងសាក្សីជាលោកមេភូមិ លោកអនុប្រធានភូមិនិងសាក្សី ជាង១០នាក់របស់ចៅសង្កាត់ផ្សារឆ្នាំង នៅព្រឹកថ្ងៃទី២៩ ខែមេសា ឆ្នាំ២០១៥ ត្រូវបានលោកស្រី គឹម លុយ ចៅក្រមតុលាការខេត្ត កោះអញ្ជើញអោយចូលសវនាការ និងទាញយកហេតុផលផ្ទាល់មាត់ ជាមួយចុងចោទក្នុងរឿងទំនា ស់ដីស្តង់ឈើខាងលើ។
នៅពេលចេញពីសវនាការវិញពួកគាត់បាននិយាយអោយដឹងថា៖ សាក្សីភាគីសង្កាត់ផ្សារឆ្នាំងបានឆ្លើយបំភ្លឺ លោកស្រីចៅក្រម សុទ្ធតែមានឯកសារទាំងអស់ទាក់ទងនិងឈ្មោះ សុខ សោភា បានធ្វើលិខិតខ្ចីដី និងឈ្មោះ សុខ សោភា បានប្តិតមេដៃសុខចិត្តរុះរើស្តង់ឈើចេញនៅថ្ងៃទី៣០ ខែធ្នូ ឆ្នាំ២០០៣។ប៉ុន្តែនៅក្នុងសវនាការចុង ចម្លើយបានឆ្លើយថា៖ ពីមុនមកដីនៅចំណុចនោះជាដីសមាគមន៏ដេប៉ូលក់ឈើ ក្រោយមកសង្កាត់បានមកទិញ ដីនៅ ចំណុចនេះមួយប្រឡោះដែលសាលាសង្កាត់កំពុងធ្វើការរាល់ថ្ងៃ។
សព្វថ្ងៃស្តង់ដីលក់ឈើរបស់លោកមាន ទំហំតែ១១គុណនិង២១ម៉ែត្រប៉ុណ្ណោះគាត់មិនមានដីដល់ទៅ២០ គុណ នឹង២៥ម៉ែត្រ ប្រគល់អោយសង្កាត់នោះឡើយ គឺដីនេះលោកបានទិញតៗគ្នាពីគេមក តែគ្មានឯកសារទិញ លក់ ដីបញ្ជាក់តុលាការឡើយ។ ចំណុចនេះ លោកស្រីចៅសង្កាត់បានឆ្លើយអោយដឹងថា៖ សង្កាត់មិនបានទិញដី ចំណុច នេះទេ ព្រោះដីនេះជាដីរបស់សង្កាត់ស្រាប់ តែសង្កាត់បានទិញស្តង់ឈើនៅចំណុចនេះដែលម្ចាស់ស្តង់ឈើ បាន ខ្ចីដីសង្កាត់ធ្វើស្តង់លក់ឈើ ពេលសង្កាត់សុំដីវិញគេព្រមអោយ តែស្តង់លក់ឈើគេសុំលក់ចែកសាលា សង្កាត់ប្រើ ប្រាស់សព្វថ្ងៃនេះ។
នៅក្នុងសវនាការនេះដែរក៏មានវត្តមានលោក ឯក ស៊ុនរស្មី ព្រះរាជអាជ្ញារង ក៏បានចូលរួមប្រឹក្សាយោបល់ផងដែរ បន្ទាប់មកលោកស្រីក្រម គឹម លុយ ប្រកាសលើកយកទៅសវនាការទៅថ្ងៃក្រោយដោយ កំណត់អោយភាគី ដើម ចោទ និងចុងចម្លើយត្រូវរកឯកសារ សាក្សី និងភ័ស្តុតាងបន្ថែមទៀត និងបានកំណត់អោយ ប្រធានការិយាល័យភូមិបាលក្រុងកំពង់ឆ្នាំង និងភាគីពាក់ព័ន្ធទាំងអស់ ចុះវាស់វែងដីទំនាស់ជាក់ស្តែង នៅវេលាម៉ោង៨និ៣០នាទីព្រឹកថ្ងៃទី០៥ ខែឧសភា ឆ្នាំ២០១៥ ដើម្បីដាក់ជូនតុលាការក្នុងពេលសវនាការជុំនំជំរះពេលក្រោយ៕ ដោយ រិទ្ធិ ជ័យ
http://ift.tt/1zd1lID