ក្រុមការងារចម្រុះចុះត្រួតពិនិត្យ និងដោះស្រាយផលប៉ះពាល់ដីស្រែលិចទឹកតំបន់២និង៣ នៅស្រុកជលគីរី
ខេត្តកំពង់ឆ្នាំង ៖ ក្រោយបានទទួលព័ត៌មានពីប្រជាពលរដ្ឋនិងសំណើរបស់អាជ្ញាធរដែនដី ដោយមានការ យកចិត្តទុកដាក់ដោះស្រាយបញ្ហាប្រឈមនិងផលប្រយោជន៍ជូនប្រជាពលរដ្ឋអោយស្របតាមច្បាប់ លោក ឈួរ ច័ន្ទឌឿន អភិបាលខេត្តកំពង់ឆ្នាំង នៅព្រឹកថ្ងៃទី២១ ខែឧសភា ឆ្នាំ២០១៥ បានចាត់ក្រុមចម្រុះ មួយក្រុម ដឹកនាំដោយលោក ងិន ហ៊ុន ប្រធានមន្ទីរកសិកម្មខេត្ត រួមដំណើរដោយលោក អ៊ឹង លាងហ៊ួរ សមាជិកក្រុមប្រឹក្សាខេត្ត លោកសោមសុជាតាប្រធានមន្ទីរអធិការកិច្ចខេត្តកំពង់ឆ្នាំង តំណាងអង្គភាពពាក់ព័ន្ធ និងអាជ្ញាធរដែនដី និងមានការចូលរួមពីប្រជាពលរដ្ឋដែលបានសំណើ លោកអភិបាលជួយដោះស្រាយបានចូលរួមយ៉ាងច្រើនកុះករ។
មុនចុះពិនិត្យដីជាក់ស្តែងលោក ងិន ហ៊ុន តំណាងអោយលោកប្រធានក្រុមការងារ បានមានប្រសាសន៍ ទៅកាន់ប្រជាពលរដ្ឋថា៖ គោលបំណងសំខាន់របស់ក្រុមការងារ និងចុះពិនិត្យមើលជាក់ស្តែងនៅដីតំបន់ ២ និងតំបន់៣ ដែលពាក់ព័ន្ធនិងការស្នើសុំ របស់ប្រជាពលរដ្ឋសុំភ្ជួរ និងពង្រាបដី ដើម្បីធ្វើការងារបង្ក បង្កើនផលអោយបានមុនរដូវទឹកឡើងហើយក្រុមការងារនិងចុះពិនិត្យជាក់ស្តែងនៅតាមតំបន់នីមួយៗដើម្បីយកលទ្ធផលបានពិនិត្យថៃ្ងនេះរាយការណ៍ជូនលោកអភិបាលខេត្តពិនិត្យនិងដោះស្រាយអោយបានទាន់ពេលវេលាស្របតាមច្បាប់ និងអាចអោយប្រជាពលរដ្ឋទទទួលយកបានទាំងអស់គ្នា។
បន្ទាប់មកក្រុមកាងារបានចុះពិនិត្យជាក់ស្តែងនៅចំណុចព្រែកប្រណាកដែលមាននិយាមកាលេខ០៤៨២៥៦៣,១៣៥៣០២១ ចំណុចខ្វែងឆ្លុះដែលមាននិយាមកា០៤៨៣០៩៥,១៣៥២៤៧៨ នំណុចក្រ ពើកំបុត និយាមកា០៤៨៣៦០៧,១៣៥១២៣៣ចំណុចតាព្រហ្ម និយាមកា០៤៨៣៧៣៣,១៣៥០៨៣៦ចំណុចស្នំ ស្ថិតក្នុង(តំបន់៣)និយាមកា០៤៨៤៣៣៧,១៣៤៩៧៩៥(តំបន់២)។
នៅពេលពិនិត្យជាក់ស្តែង និងការសាកសួរព័ត៌មានពីអាជ្ញាធរដែនដី និងប្រជាពលរដ្ឋជាម្ចាស់ដី នៅតំបន់ នោះគឺជាដីវាលស្រែមានគល់កញ្ជាំង ជាក់ស្តែងពិតប្រាកដមែន ហើយគាត់បានអាស្រ័យផល តាំងពីឆ្នាំ២០០៥មកម្លេះមិនមានព្រៃលិចទឹកនោះទេមានតែដើមត្រែងនិងបន្លាយួនតែប៉ុណ្ណោះ។ បន្ទាប់មកក្រុមការងារបានឯកភាពគ្នានៅចំណុចមួយចំនួនដូចជា៖ ត្រាក់ទ័រអោយភ្ជួរបានប៉ុន្តែហាមភ្ជាប់ប៉ែលរុញពង្រាប,ហាមឈួសលុបថ្លុកត្រពាំងបឹងធម្មជាតិប្រឡាយដែលមានជាប់ និងស្រែ,ហាមកាប់កាប់រានព្រៃលិចទឹកនៅជាប់និងព្រំក្បាលដី។
ក្រោយពីបានចុះពិនិត្យសិក្សាស្រាវជ្រាវជាក់ស្តែង និងពិភាក្សាជាមួយក្រុមចំរុះរួចមក លោក ងិន ហ៊ុន តំណាងអោយលោកប្រធានក្រុមការងារបានសុំអោយប្រជាពលរដ្ឋដែលបានចូលរួមផ្អាកការភ្ជួរ និងឈួសពង្រាបដីស្រែមួយរយៈសិន និងសំណូមពរអោយលោកយិនសាវ៉េនអភិបាលស្រុកជលគីរី ធ្វើសំណើស្នើសុំដាក់ជូនឯកឧត្តមអភិបាលខេត្តពិនិត្យ និងសមម្រេចជាមុនសិន ហើយពេលមានការ សម្រេចពីឯកឧត្តមអភិបាលខេត្ត ត្រូវផ្សព្វផ្សាយជូនប្រជាពលរដ្ឋអោយបានទាន់ពេលវាលាដើម្បីគាត់ធ្វើការងារភ្ជួររាស់អោយបានមុនពេលទឹកឡើងមកដល់។
លោកក៏បានសំណូមពរដល់លោកអភិបាលស្រុកបន្ថែមទៀតថាជៀសវាងក្រុមការងារចុះពិនិត្យរួចហើយអាជ្ញាធរធ្វើអោយមានការយឺតយូរនាំអោយមានការថ្នាក់ថ្នាក់ពីប្រជាពលរដ្ឋព្រោះនៅពេលនេះប្រជាពលរដ្ឋសំណូមពរភ្ជួរពង្រាបដីទាំងនេះ ទុកសំរាប់ធ្វើស្រែអាស្រ័យផលនៅពេលរដូវទឹកស្រកវិញក៏បានដែរ អោយតែអាជ្ញាធរខេត្តអនុញ្ញាត។ ក្នុងឱកាសនោះដែរលោក ងិន ហ៊ុន បានស្នើសុំ និងសំណូមពរដល់ ប្រជាពលរដ្ឋទាំងអស់ធ្វើយ៉ាងណាត្រូវចូលរួមគោរពតាមច្បាប់ ព្រោះថាលោក អភិបាលខេត្តលោក និងដោះស្រាយ និងសម្រេចជូនបងប្អូនទាន់ពេលវាលា និងទទួលយកបានទាំអអស់គ្នាស្រប តាមគោលការណ៍ នៃច្បាប់បានកំណត់៕ ដោយ រិទ្ធិ ជ័យ
http://ift.tt/1FL0MZs
