អាជ្ញាធរខេត្តមណ្ឌលគិរី ប្រគល់អដ្ឋិធាតុកងទ័ពវៀតណាមដែលបានស្លាប់ក្នុងទឹកដីកម្ពុជាអំឡុងពេលដណ្តើមអំណាចពីរបបខ្មែរក្រហម
ខេត្តមណ្ឌលគិរី៖ នៅតំបន់ប្រតិបត្តិការសឹករងមណ្ឌលគិរី បានរៀបចំពិធីសូត្រមន្ត បង្សុកូលគោរពវិញ្ញាណក្ខន្ធ និងប្រគល់ទទួល អដ្ឋិធាតុកងទ័ពវៀតណាម ដែលបានស្លាប់ក្នុងទឹកដីកម្ពុជាអំឡុងពេលផ្តួលរំលំរបបប៉ុលពត ដើម្បីបញ្ចូនទៅធ្វើមាតុភូមិនិវត្តន៍ទៅកាន់ស្រុកកំណើតវិញកាលពីព្រឹកថ្ងៃទី២៦ ខែឧសភាឆ្នាំ២០១៥។
លោក អេង ប៊ុនហ៊ាង អភិបាលខេត្តបានបញ្ជាក់ថា ការប្រារព្វពិធីនាពេលនេះក៏បានបញ្ជាក់យ៉ាងច្បាស់អំពីការ ខិតខំប្រឹង ប្រែងអនុវត្តនូវ កិច្ចព្រមព្រៀងរបស់ខេត្តទាំងពីរមណ្ឌលគិរី-ដាក់ឡាក់ ដែលសហការអនុវត្តការងារបានល្អ ប្រសើរលើគ្រប់ វិស័យ ជាពិសេសលើការងារជំនាញជីកគាស់ និងរុករកអដ្ឋិធាតុកងទ័ព ស្មគ្រចិត្តវៀតណាម ដែលបានពលីជីវិតក្នុងសម័យសង្ក្រាម នៅក្នុងភូមិសាស្ត្រខេត្ត មណ្ឌលគិរី។
ហើយបើតាមរបាយការណ៍របស់រដ្ឋបាលខេត្ត ការរុករកអដ្ឋិធាតុនេះចាប់ តាំងពីឆ្នាំ២០០១ រហូតមកដល់ឆ្នាំ២០១៣នេះ បានចំនួន ៥៨២អដ្ឋិធាតុ ដោយឡែកនៅ ឆ្នាំ២០១៤-២០១៥ រកបានចំនួន ១៣អដ្ឋិធាតុទៀត។ អភិបាលខេត្ត លោក អេង ប៊ុនហ៊ាង បានជំនួសមុខឲ្យកងកម្លាំង ទាំងបី និងប្រជាពលរដ្ឋខេត្តមណ្ឌលគិរី សូមផ្តាំផ្ញើសួរសុខទុក្ខ និងចូលរួមរំលែកទុក្ខជា មួយក្រុមគ្រួសារសព ព្រមទាំងប្រជាជន និងរដ្ឋាភិបាលវៀតណាម តាមរយៈថ្នាក់ដឹកនាំ ខេត្តដាក់ឡាក់ និងក្រុមការងារ ជំនាញ(K51)។
លោកស្រី ម៉ៃហ័ង នាកាដាម បានសំណូមពរដល់អាជ្ញាធរខេត្តមណ្ឌលគិរី បន្ត សហការ និងផ្តល់ព័ត៌មាន ដើម្បីចុះរុករកអដ្ឋិធាតុឲ្យសពគ្រប់ និងប្រមូលយកទៅជូនក្រុម គ្រួសារសាច់ញាតិរបស់យុទ្ធមិត្តយើង ឲ្យគាត់បានស្ងប់ចិត្ត ស្ងប់អារម្មណ៍ និងមានការជឿ ទុកចិត្ត លើការដឹកនាំរបស់រដ្ឋាភិបាលវៀតណាម៕ ដោយ សែនមនោរម្យ
http://ift.tt/1J9f59k
