យុវជន២នាក់ប្រកបមុខរបរលក់ថ្នាំញៀន នគរបាលឆ្មក់ចាប់បាន
ខេត្តបន្ទាយមានជ័យ៖ មុខសញ្ញាទិញលក់ចែកចាយប្រើប្រាស់ថ្នាំញៀន ចំនួន២នាក់ រួម ទាំងវត្ថុតាង ប្រភេទមេតំហ្វេតាមីនអាយ ចំនួន១១ថងតូច ត្រូវកម្លាំងនគរបាលប៉ុស្តិ៍សង្កាត់ប៉ោយប៉ែតល្បាតនៅចំណុច ចុងស្រល់ ភូមិសាមគ្គីមានជ័យ សង្កាត់-ក្រុងប៉ោយប៉ែត ខេត្តបន្ទាយមានជ័យ បានប្រទះឃើញ និងចាប់ខ្លួនកាលពីវេលាម៉ោង១ និង៥នាទីយប់ ឈានចូថ្ងៃទី២៧ ខែឧសភា ឆ្នាំ២០១៥ ។
លោក អ៊ុំ សុផល អធិការក្រុងប៉ោយប៉ែត បានប្រាប់អោយដឹងថា ជនសង្ស័យទាំង២នាក់ ទី១ឈ្មោះសុខ បញ្ញារិត ភេទប្រុស អាយុ២៤ឆ្នាំ រស់នៅឯខណ្ឌទួលគោក រាជធានីភ្នំពេញ និងទី២ឈ្មោះ ទុយ វណ្ណា ភេទប្រុស អាយុ២១ឆ្នាំ រស់នៅភូមិអូរជ្រៅ សង្កាត់-ក្រុងប៉ោយប៉ែត ខេត្តបន្ទាយមានជ័យ ។ លោកបន្ថែមថា ខណៈសមត្ថកិច្ចបង្ក្រាប ជនសង្ស័យបានព្យាយាមបើកម៉ូតូរត់គេច តែកម្លាំងនគរបាលដេញ រហូតចាប់បានសម្រេច តែពួកគេកំពុងជិះម៉ូតូរត់គេចខ្លួននោះបានបោះថ្នាំញៀនចោលចំនួន១១ថង់តូច ទូរស័ព្ទដៃ១គ្រឿង ក្នុងគោលបំណងបំបាត់ភស្តុតាង។
ជនសង្ស័យបានឆ្លើយសារភាពថា៖ ពួកគេពិតជាបានធ្វើសកម្មភាពចែកចាយថ្នាំញៀនខុសច្បាប់ ពិតប្រា កដមែន ហើយសមត្ថកិច្ចបានសាងសំណំរឿងបញ្ជូនជនសង្ស័យទៅកាន់សាលាដំបូងខេត្ត ៕ ដោយ វ៉ាន់ វត្ថា
http://ift.tt/1AAjgtn
