ជនបរទេសម្នាក់កំពុងតែអង្គុយ ផឹកស្រាបៀរក្នុងហាងស្រាប់តែដួលស្លាប់ភ្លាម
ខេត្តព្រះសីហនុ៖ ជនបរទេសម្នាក់ បានស្លាប់ភ្លាមនៅកន្លែងកើតហេតុ ខណៈ ពេលកំពុង អង្គុយ ផឹកស្រាបៀរនៅហាងក្នុងផ្ទះសំណាក់យីហោ អុល នេស្សិន ស្ថិតនៅ ក្រុម២៥ ភូមិ៣ សង្កាត់៣ ក្រុងខេត្តព្រះសីហនុ។ ហេតុការណ៍នេះបានបង្កឲ្យមានការភ្ញាក់ផ្អើល ឡើង និងម្ចាស់ទីតាំងបានរាយការណ៍ជូនសមត្ថកិច្ចភ្លាមៗនៅវេលាម៉ោង២១ថ្ងៃទី ២៦ ខែឧសភា ឆ្នាំ២០១៥ បន្ទាប់ពីដឹងថាជនរងគ្រោះស្លាប់ភ្លាមនោះ។
លោកវរសេនីយ៍ឯក កុល ផាលី ស្នងការរងទទួលបន្ទុកផែនព្រហ្មទណ្ឌបានឲ្យដឹងថា៖ នៅវេលាម៉ោង២១ ថ្ងៃខែឆ្នាំខាងលើ កម្លាំងជំនាញបច្ចេកទេសវិទ្យាសាស្ត្រ និងការិយាល័យពាក់ ព័ន្ធ ចុះទៅផ្ទះសំណាក់ អុលនេស្សិន ស្ថិតនៅ ក្រុម២៥ ភូមិ៣ សង្កាត់៣ ក្រុង-ខេត្តព្រះសីហនុ ដើម្បីពិនិត្យសាកសពជនបរទេសបន្ទាប់ពីទទួលព័ត៌មាន មានករណីស្លាប់មនុស្សនៅទីនោះ។
លោកបន្តឲ្យដឹថា៖ ជាលទ្ធផល សាកសពជនបរទេសឈ្មោះ RILEY PETER ភេទប្រុស ឆ្នាំកណើត១៩៩០ ជនជាតិ អង់គ្លេស មុខរបរទេសចរណ៍ កាន់លិខិតឆ្លងដែនលេខ: ៦២២២៨៣៣៦៤។ នៅលើសាកសព គ្មានស្លាកស្នាមទេ ឆ្លងតាមការធ្វើ កោ សល្យវិច្ឆ័យ និងលោកវិជ្ជៈបណ្ឌិត អនុប្រធាន ពេទ្យមន្ទីពេទ្យបង្អែកខេត្តព្រះសីហនុ សាកសព នេះស្លាប់ដោយសារ គាំងបេះដូង ។ បច្ចុប្បន្នសាកសពនេះ ត្រូវបានរក្សាទុកនៅមន្ទីរពេទ្យ បង្អែកខេត្តព្រះសីហនុ រង់ចាំស្ថានទូតមកទទួល ៕ ដោយ សមុទ្រខៀវ
http://ift.tt/1J37tVS
