តុលាការខេត្តដោះលែងជនសង្ស័យម្នាក់ក្នុងបទអំពើហិង្សា ចាក់ប្រេងម៉ាស៊ូតទៅលើប្រពន្ធ ប៉ុនប៉ងដុតសម្លាប់ និងបទលាក់ទុកអាវុធកែឆ្នៃខុសច្បាប់២ដើម
ខេត្តកំពង់ឆ្នាំង៖ តុលាការខេត្តកំពង់ឆ្នាំង បានសម្រេចដោះលែងជនសង្ស័យម្នាក់ នៅព្រឹកថ្ងៃទី១០ ខែឧសភា ឆ្នាំ២០១៥ ក្រោយពីសមត្ថកិច្ចនគរបាលស្រុក និងខេត្តបានកសាងសំណុំរឿង បញ្ជូនចោទ ប្រកាន់ពីបទប្រើអំពើហិង្សា និងចាក់ប្រេងម៉ាស្យូត បំរុងដុតប្រពន្ឋ និងមួយករណីទៀតពីបទលាក់ទុកអាវុធកែឆ្នៃចំនួន២ដើម ( កាំភ្លើងខ្យល់អាចបាញ់មនុស្សស្លាប់ )ខុសច្បាប់ ដែលគេបានប្រព្រឹត្តកាលពី ថ្ងៃ០៩ ខែឧសភា ឆ្នាំ២០១៥ នៅក្នុងភូមិទឹកល្អក់ឃុំសែបស្រុកកំពង់ត្រឡាច។
សមត្ថកិច្ចនគរបាលស្រុកកំពង់ត្រឡាចដែលជាអ្នកកសាងសំណុំរឿងពីមូលដ្ឋានមកបានអោយដឹងថា៖ ជនសង្ស័យខាងលើមានឈ្មោះ សាតចាន់អាយុ២៣ឆ្នាំមានមុខរបរជាអ្នកស៊ីឈ្នួលដាំដំឡូងអោយគេ ចំណែកប្រពន្ឋមានឈ្មោះកែម រ័ត្ន អាយុ២៩ឆ្នាំ គ្រួសារនេះមានកូន២នាក់ និងមានទីលំនៅភូមិឃុំ កើតហេតខាងលើ ។
នៅមុនពេលកើតហេតុជនសង្ស័យឈ្មោះសាតចាន់ជាប្ដីបានឈ្លោះប្រកែកយ៉ាងខ្លាំងជាមួយប្រពន្ធរបស់ខ្លួនពីរឿង ប្តីវ៉ៃកូនរឿងលេងទ្វារប្រយ័ត្នកៀបដៃ ពេលនោះប្រពន្ឋខឹងបានវ៉ៃកូនថែមគឺវ៉ៃបញ្ឈឺ ហើយក៏បានទាស់សំដីគ្នា ដោយបុរសជាប្តីបានប្រើអំពើហិង្សាទៅលើប្រពន្ធនិងបានស្ទុះទៅយកប្រេងម៉ាស្យូត ចាក់ស្រោចលើប្រពន្ធក្នុងបំណងដុតសម្លាប់ទៀតតែនៅពេលនោះក៏មានអ្នកជិតខាងជួយទាន់។
ក្រោយពេលកើតហេតុស្ដ្រីរងគ្រោះដែលត្រូវជាប្រពន្ធបានមកប្ដឹងសមត្ថកិច្ចឱ្យជួយធ្វើអន្ដរាគម ក្នុងករណីប្ដីប្រើហឹង្សាមកលើខ្លួន។ក្នុងពេលនោះដែរសមត្ថកិច្ចចុះទៅដល់បានឃាត់ជនសង្ស័យរូបនោះហើយបានឆែកឆេររកឃើញអាវុធកែច្នៃខុសច្បាប់ចំនួន២ដើម ដែលជនសង្ស័យបានលាក់ទុកនៅក្នុងផ្ទះទៀតផង។
ក្រោយមកសមត្ថកិច្ចក៏បានកសាងសំណុំរឿងបញ្ជូនមកស្នងការដ្ឋាននគរបាលខេត្ត និងបានបញ្ជូន ខ្លួនជនសង្ស័យ ទៅកាន់តុលាការតាមនិតិវិធីនៅព្រឹកថ្ងៃទី១០ខែឧសភា ឆ្នាំ២០១៥ និងក្រោយពីសាក សួរចម្លើយមួយព្រឹកធំរួចមក ក៏ត្រូវបានតុលាការដែលមានលោកព្រះរាអាជ្ញារង និងលោកចៅក្រម សម្រេចអោយនៅក្រៅឃុំដោយដាក់អោយស្ថិតក្រោមការត្រួតពិនិត្យរបស់តុលាការ។ករណីនេះសមត្ថកិច្ចនិយាយថា បើគ្មានអីៗនោះទេក៏មិនអាចនៅក្រៅឃុំបានដោយងាយស្រួលដូច្នេះដែរ ដែលនេះជារឿង ធម្មតារបស់លោកតុលាការទៅហើយមិនបាច់ឆ្ងល់ឡើយ។
សូមបញ្ជាក់ថា៖ កាលពីរសៀលថ្ងៃទី០៣ ខែឧសភា ឆ្នាំ២០១៥ កន្លងមកថ្មីៗនេះ តុលាការខេត្តកំពង់ឆ្នាំងបានសម្រចឃុំខ្លួនយុវជនសង្ស័យចំនួន៣នាក់ដាក់ពន្ឋនាគារដោយចោទប្រកាន់ពីបទរក្សាទុកនិងចរាចរណ៍អាវុធខុសច្បាប់ គឺដាវសាម៉ូរ៉ៃតែមួយដើមប៉ុណ្ណោះដែលដាក់ជាប់ខ្លួនជិះម៉ូតូ តែពេលនេះ ជនសង្ស័យខាងលើប្រើអំពើហិង្សាទៅលើប្រពន្ធផង និងបានលាក់ទុកអាវុធកែឆ្នៃខុសច្បាប់ដល់ទៅ២ ដើម ទៀតផង( កាំភ្លើងខ្យល់អាចបាញ់មនុស្សស្លាប់ ) បែរជាមានសំណាងនៅក្រៅឃុំទៅវិញដែលនេះគឺជាឆន្ទា នុសិទ្ធរបស់តុលាការពិតជាមានឧត្តមគតិច្បាប់ដ៏ល្អរបស់គេមែនគួរតែជូនរង្វាន់អោយគាត់ផង៕ ដោយ រិទ្ធិ ជ័យ
http://ift.tt/1HcAzTx
