មាតាបង្កើតលោក ឈួរ ច័ន្ទឌឿន អភិបាលខេត្តកំពង់ឆ្នាំងទទួលមរណភាព
ខេត្តកំពង់ឆ្នាំង៖ សម្តេចចៅហ្វាវាំងគង់សំអុលឧបនាយករដ្ឋមន្ត្រីរដ្ឋមន្ត្រីព្រះបរមរាជវាំងរួមដំណើរដោយ លោក គុយសុផលទេសរដ្ឋមន្ត្រី និង ថ្នាក់ដឹកនាំក្រសួងព្រះបរមរាជវាំងជាច្រើនរូបទៀត កាលពីរសៀ លថៃ្ងទី១០ ខែឧសភា ឆ្នាំ២០១៥នេះ បានអញ្ជើញចូលរួមបុណ្យសព គោរពវិញ្ញាណក្ខ័ន្ធលោកយាយ ឧបាសិកា ពុត យ៉ុន ត្រូវជាមាតាបង្កើតលោក ឈួរច័ន្ទឌឿនអភិបាលខេត្តកំពង់ឆ្នាំង នៅគេហដ្ឋានលោក ស្ថិតក្នុងភូមិដំណាក់ពពូលសង្កាត់កំពង់ឆ្នាំងក្រុងកំពង់ឆ្នាំង។
សម្តេចចៅហ្វាវាំង គង់ សំអុលបានពាំនាំនូវ ប្រសាសន៍ផ្តាំផ្ញើពី សម្តេចទាំងបី ជាប្រមុខដឹកនាំព្រឹទ្ធសភា រដ្ឋសភា រាជរដ្ឋាភិបាល និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា និងក្នុងនាមសម្តេចផ្ទាល់ សូមចូលរួមរំលែកមរណទុក្ខដ៏ ក្រៀមក្រំ និងសោកស្តាយជាមួយលោក ឈួរ ច័ន្ទឌឿន និង ក្រុមគ្រួសារដែលបានបាត់បង់លោកយាយឧបាសិកា ពុតយ៉ុន ជាមាតា មាតាក្មេក និងជា ជីដូន ប្រកបដោយព្រហ្មវិហាធ៌ចំពោះ កូន កូនប្រសារ និងចៅ និងសូមបួងសួងអោយវិញ្ញាណក្ខ័ន្ធ លោក យាយឧបាសិកា ពុត យ៉ុន បានបដិសន្ឋានក្នុងទីដ៏ស្ងប់កុំបីឃ្លាង ឃ្លាតឡើយ។
គណៈកម្មការបុណ្យបានអោយដឹងថា៖ លោកយាយឧបាសិកា ពុត យ៉ុន បានទទួលមរណភាព កាលពីវេលាម៉ោង ២ និង២០នាទីរសៀលថៃ្ងទី០៩ ខែឧសភា ឆ្នាំ២០១៥ ដោយជម្ងឺ ។ តាមកម្មវិធីបុណ្យ សព លោក យាយ ពុធ យ៉ុន នឹងត្រូវដង្ហែរយកទៅធ្វើពិធីបញ្ចុះសព នៅវត្តព្រះទ្វារ ស្ថិតក្នុងភូមិត្រពាំងធំ ឃុំពង្រ ស្រុករលាប្អៀរ នៅថ្ងៃអង្គារ ទី១២ ខែឧសភា ឆ្នាំ២០១៥ ស្អែកនេះហើយ ហេតុនេះសូមមន្ត្រី រាជការ ប្រជាពលរដ្ឋ និងញាតិ មិត្ត អញ្ជើញចូលបុណ្យសព ដើម្បីអនុមោទនា យកផល្លា និសង្ឃតាម សទ្ធាជ្រះថ្លា (សូមអរគុណ)៕ ដោយ រិទ្ធិ ជ័យ
http://ift.tt/1FflZdE
