កម្មករស៊ីឈ្នួលអូសរទេះដឹកទំនិញគេចពន្ធឲ្យមេឈ្មួញជាង១០០នាក់ ផ្ទុះកុបកម្ម ឈានដល់បំផ្លាញទីតាំងអគារគយនៅច្រកទ្វារក្រុងប៉ោយប៉ែត សមត្ថកិច្ចកំពុងស្វែងរកអ្នកនៅពីក្រោយការញួសញង់នោះ
ខេត្តបន្ទាយមានជ័យ៖ ការផ្ទុះការតវ៉ាហិង្សាពីសំណាក់ក្រុមកម្មករស៊ីឈ្នួលអូសរទេះទំនិញ នៅច្រកព្រំដែនអន្តរជាតិប៉ោយប៉ែត ដែលមានគ្នាជាង ១០០នាក់ ដែលថៅកែទំនិញនាំចូលពីប្រទេសថៃទាំងនោះនៅពីក្រោយខ្នងនៃអំពើហិង្សាយ៉ាងកម្រោលនោះ ជាដំបូងពួកគេបាននាំគ្នាលើកបដាប្រឆាំងតវ៉ាថាមន្ត្រីគយមាត់ច្រកថា គាបសង្កត់ពួកគេ ខណៈមានការត្រួតពិនិត្យទំនិញដោយមេឈ្មួញនាំទំនិញបង្កប់ក្នុងរទេះឲ្យកម្មករអូរចូលទឹកដីកម្ពុជាបំរ៉ុងគេចវេសការបង់ពន្ធនោះ។ ករណីចាប់ទំនិញនេះពុំមែនចាប់ទំនិញកម្មករនោះទេគឺចាប់ទំនិញរបស់ពួកឈ្មួញនាំទំនិញពីប្រទេសថៃ តែត្រូវពួកមេឈ្មួញនោះបានខ្ចីដៃកម្មករអូសរទេះដោយញួសញង់ឲ្យប្រឆាំងនឹងសមត្ថកិច្ចគយ ដាក់រទេះបិទផ្លូវ អុកឡុកពេញទំហឹងដើម្បីផ្គាប់ចិត្តមេឈ្មួញកំហូច ហើយឈានដល់វាយកំទេចរបង ទ្វារ គប់ដំថ្មដំថ្មដាក់អគារ និងរថយន្តបណ្តាលឲ្យខូចខាតយ៉ាងធ្ងន់ធ្ងរកាលពីវេលាថ្ងៃត្រង់ទី២៥ ខែឧសភានេះ។
ការតវ៉ារហូតដល់ថ្ងៃត្រង់ទី២៥ ខែឧសភានេះ បានធ្វើឲ្យក្រុមកម្មករកាន់តែតានតឹងខណៈឈ្មួញកំហូចនៅពីក្រោយរឿងនេះសប្បាយចិត្តនឹងកម្លាំងតវ៉ាដ៏ស្រួចស្រាវរបស់កម្មករពួកគេ ដែលផ្តើមពីការត្រួតពិនិត្តចាប់ទំនិញគេចពន្ធនោះថាជាការគាបសង្កត់ធ្វើទុក្ខបិកម្នេញកម្មរអូសរទេះទៅវិញ។ដោយក្រុមកម្មករបានស្រែកទាមទារឲ្យ លោក ឈួន ហៃ ប្រធានសាខាគយ និងរដ្ឋាករ ចេញមុខមកដោះស្រាយ ការតវ៉ារបស់ពួកគេហាក់ដូចជាក្នុងគោលបំណងជួយការពារឲ្យថៅកែជាមេឈ្មួញឲ្យរក្សាឱកាសនាំទំនិញគេចពន្ធតាមទំនើងចិត្តបញ្ចៀសការត្រួតពិនិត្យ ចាប់ពិន័យពន្ធនោះ។ កាតវ៉ានៅច្រកព្រំដែនប៉ោយប៉ែតនោះបន្ទាប់ពីផ្ទុះ ហឹង្សា សមត្ថកិច្ចបានធ្វើការបំបែកក្រុមកម្មករទាំងនោះ ដោយសារពួកគេបានបិទផ្លូវលើកំណាត់ផ្លូវជាតិលេខ៥ មិនឲ្យធ្វើចរាចរណ៍ ដែលជាការឆ្លើយតបការត្រួតពិនិត្យ និងចាប់ទំនិញមេឈ្មួញដែលពួកគេស៊ីឈ្នួលដឹកអូសឲ្យនោះ។
ការប្រើកម្លាំងបំបែករបស់កម្លាំងសមត្ថកិច្ចចម្រុះបានបណ្តាលឲ្យបុរសម្នាក់ដែលជាអ្នកតវ៉ាក្នុងនោះទទួលរងរបួសធ្ងន់ បញ្ជូនទៅកាន់មនី្ទរពេទ្យបង្អែកក្រុងប៉ោយប៉ែតភ្លាមៗ។ ក្រោយមកក៏បានលេចឮព័ត៌មានថា បុរសម្នាក់ នោះបានស្លាប់នៅមន្ទីរពេទ្យ ទើបធ្វើឲ្យកម្មករអូសរទេះកំពុងតវ៉ានោះ ឆេះកំហឹងឈានទៅដល់ការគប់ និងវាយបំផ្លាញអគារការិយាល័យគយ និងរដ្ឋាករ ក្រុងប៉ោយប៉ែត រហូតដល់ខូចខាតរថយន្តអស់ចំនួន ៦គ្រឿង និងសម្ភារៈផ្សេងៗផងដែរ។ ដែលសកម្មភាពហិង្សារបស់កម្មករនោះមានភាពសាហាវ ជាការគម្រាមកំហែងដល់សត្តិសុខសង្គម ដែលប្រែរូបភាពទៅជាកម្លាំងអនាធិបតេយ្យ បំរើផលប្រយោជន៍ឲ្យថៅកែជាឈ្មួញយ៉ាងគួរឲ្យសោកស្តាយ។
នៅក្នុងហេតុការណ៍ផ្ទុះកំហឹងរបស់កម្មករនោះ កម្លាំងសមត្ថកិច្ចក៏បានផ្ទុះអាវុធទៅលើមេឃជាង១០គ្រាប់ផងដែរ ដើម្បីបាញ់គំរាម និងបំបែកឲ្យកម្មករទាំងនោះដក ថយកុំឲ្យសម្រុកចូលទៅកាន់អគារគយ និងរដ្ឋាករបន្ថែមទៀតដែលអាចពួកគេចូលកាន់កាប់ទីចាត់ការគយ។ គិតម៉ោង ៥ និង៣០នាទីល្ងាចថ្ងៃទី២៥ ខែឧសភានេះ ស្ថានភាពបានបញ្ចប់ កម្លាំងសមត្ថកិច្ចបានចុះទៅពិនិត្យ ស្ថានភាពជនរងគ្រោះ នៅឯមនី្ទរពេទ្យបង្អែកក្រុងប៉ោយប៉ែត និងចុះពិនិត្យមើលស្ថានភាពនៅកន្លែងកើតហេតុ ព្រម ទាំងតាមរកមុខអ្នកញុះញង់ឲ្យបះបោរផងដែរដើម្បីចាប់ខ្លួនយកមកផ្តន្ទាទោសចាមច្បាប់៕ ដោយ វ៉ាន់ វត្ថា
http://ift.tt/1JTBWX4
