ក្នុងហាងផឹកស៊ី ស្ទាវបង្ករឿង២នាក់ ដើរទៅបន្ទប់ទឹកបុកដៃគេកំពុងរាំ ឈរសម្លក់មិនអស់ចិត្ត បានទាញកាំបិត្តប៉័ងតោកាប់យុវជនមានគ្នា៤នាក់ចំ១កាំបិត តែពួកគេទាញកែវ ថូស្រាគប់ និងដណ្តើមបានកាំបិតកាប់សងវិញរបួសធ្ងន់១នាក់និងស្រាល១នាក់
ខេត្តព្រះសីហនុ៖ ក្មេងស្ទាវពីរក្រុម ផឹកស៊ីរាំរែក ដើរប៉ះដៃគ្នា រួចឈរសម្លក់គ្នាមិនអស់ចិត្ត ក្នុងនោះភាគីក្មេងស្ទាវដែលមានគ្នាចំនួន២នាក់ មានម្នាក់បានឡើងជិះម៉ូតូចេញទៅបាត់ទំនងទៅយកកាំបិតប៉័ងតោ លុះវិលត្រឡប់មកវិញបានហៅស្ត្រីថៅកែម្ចាស់ហាងគិតលុយ បន្ទាប់មកស្ទាវដែលមានគ្នា២នាក់នោះបានបញ្ចេញកាំបិតប៉័ងតោ ផ្តើមបើកឆាកប្រយុទ្ធដោយស្ទុះទៅកាប់ យុវជនម្នាក់ក្នុងចំណោម៤នាក់ ចំមួយកាំបិតដោយពួកគេទ័លច្រកបានព្យាយាមតដៃ ដោយព្រួតគ្នាយកកែវ និងថូស្រាគប់ និងស្ទុះចូលទៅដណ្តើមកាំបិតកាប់សងវិញលើស្ទាវបង្កបណ្តាលឲ្យ១នាក់ត្រូវ១កាំបិតហូរឈាមដូចគេអារកគោរបួសធ្ងន់ធ្ងរ និងម្នាក់ទៀតរបួសស្រាល។ ហេតុការណ៍កាប់ចាក់គ្នានេះ បានកើតឡើងកាលពីវេលាម៉ោង១០ និង៤០នាទីយប់ថ្ងៃទី២៣ ខែឧសភា ឆ្នាំ២០១៥ នៅក្នុងហាងខារ៉ាអូខេឈ្មោះវិបុលសំណាង ក្រុម៣ ភូមិ៤ សង្កាត់ទី៤ ក្រុង-ខេត្តព្រះសីហនុ។
លោកវរសេនីយ៍ត្រី ភុល ភ័ស្តា អធិការនគរបាលក្រុងព្រះសីហនុបានអោយដឹងថា៖ ក្មេងស្ទាវដែលដែលផឹកស៊ីហើយផ្ទុះជម្លោះវាយកាប់គ្នានោះភាគីទី១មានឈ្មោះ ទី១_ឈ្មោះ ធន វ៉ាន់នី ហៅ ភ័ត្តិ ភេទប្រុស អាយុ២១ឆ្នាំ មានមុខរបរជាងឡាននៅអូសំអាត ស្ថិតក្នុងភូមិ១សង្កាត់៣ ក្រុងព្រះសីហនុ, ទី២_ឈ្មោះវ៉ាន់ បញ្ជា ភេទប្រុស អាយុ២៤ឆ្នាំ មានមុខរបជាងដែក មានទីលំនៅអូរសំអាត ស្ថិតក្នុងភូមិ១ សង្កាត់លេខ៣ ក្រុងព្រះសីហនុ, ទី១៣_ឈ្មោះ ឌិម គឹមស្រន់ ភេទប្រុស អាយុ២០ឆ្នាំ មានមុខរបរជាងឡាននៅអូសំអាតស្ថិតក្នុងភូមិ១ សង្កាត់៣ ក្រុងព្រះសីហនុ, ទី៤_ឈ្មោះ យ៉ែម កៃហ៊ន ភេទប្រុស អាយុ២៣ឆ្នាំ ជាងឡាននៅអូសំអាត ស្ថិតក្នុងភូមិ១សង្កាត់៣ ក្រុងព្រះសីហនុ។ ចំណែកភាគីទី២គឺយុវជនរងរបួស មានឈ្មោះគង់ សំណាង ភេទប្រុស អាយុ២៥ឆ្នាំ (របួសធ្ងន់) និងឈ្មោះផាន់ តុលា ភេទប្រុស អាយុ២១ឆ្នាំ (របួសស្រាល) ជនរងគ្រោះទាំង២នាក់ស្នាក់នៅក្នុងខេត្តព្រះសីហនុ។
ប្រភពដ៍ដែលបានបន្តថា៖ ការបើកឆាកប្រយុទ្ធស៊ីសាច់ហុតឈាមរវាងយុវជនពីក្រុមនេះកើតឡើងដោយសារតែផឹកស៊ីក្នុងហាងយីហោ វិបុលសំណាង ហើយបានរាំប៉ះគ្នា និងសម្លឹងមុខគ្នា។ ពេលចប់ភ្លេងហើយខណៈពេលយុវជនរងគ្រោះទាំងពីរនាក់ ដើរទៅបន្ទប់ទឹក ទើបកើតជាទំនាស់ពាក្យសំដីរហូតឈានដល់យកកែប និងថូរស្រាបៀរ ព្រមទាំងកាំបិតប៉័ងតោកាប់ និងគប់គ្នាទៅវិញទៅមកយ៉ាងសាហាវ ប្រៀបដូចក្នុងឆាកឈុតជមអន្ធពាលប្រយុទ្ធគ្នាក្នុងខ្សែភាពយន្តដ៏ព្រឺព្រួចញាក់សាច់ ។ ក្រោយកើតហេតុបន្តិច ម្ចាស់ហាងផឹកស៊ីបានប្តឹងសមត្ថកិច្ចភ្លាម ហើយនគរបាលប៉ុស្តិ៍ កម្លាំងអធិការដ្ឋានដែលកំពុងល្បាតបានចុះអន្តរាគមន៍ដល់ កន្លែងកើតហេតុ នឹងឃាត់ខ្លួនយុវជនបង្ក បានចំនួន៤នាក់ រួចបញ្ជូនជនរងគ្រោះទៅកាន់ មន្ទីពេទ្យភ្លាមៗដែរដើម្បីជួយសង្គ្រោះជីវិត។
ដោយឡែកបើយោងតាមការអះអាងពីស្ត្រីម្ចាស់ហាងថា៖ ជម្លោះកាប់ចាក់នេះ ដើមឡើយបង្កឡើងដោយក្រុមយុវជនរងគ្រោះ ព្រោះមុនកើតហេតុខណៈពេលយុវជនមួយក្រុមដែលមានគ្នា៤នាក់ (ក្រុមជនបង្ករបួសស្នាម) បានឡើងរាំនៅកណ្តាលហាងក៏មានក្មេងស្ទាវ មួយក្រុមទៀតមានគ្នា២នាក់ (ក្រុមជនរងរបួស) ដើរសំដៅទៅបន្ទប់ទឹកក៏បានប៉ះដៃ ជាមួយក្រុមស្ទាវដែលកំពុងរាំ នៅពេលនោះយុវជនទាំងពីរបានឈរសំឡក់គ្នាផ្លៀកៗ ទៅក្រុមស្ទាវដែលកំពុងរាំ រួចដើរទៅបន្ទប់ទឹកហើយបានត្រឡប់មកវិញ ក្នុងនោះស្ទាវម្នាក់ បានឡើងជិះម៉ូតូចេញមួយសន្ទុះក៏ត្រឡប់វិញហើយហៅរូបគាត់គិតលុយ។
ស្ត្រីម្ចាស់ហាងបានបន្តថា៖ បន្ទាប់ពីគិតលុយរួចរាល់ហើយយុវជរងគ្រោះទាំងពីរនាក់បានស្ទុះទៅកាប់លើក្រុមយុវជនម្នាក់ក្នុងចំណោម៤នាក់ ត្រូវមួយកាំបិត។ ឃើញដូចនោះក្រុមយុវ ជនមានគ្នា៤នាក់ក៏បានទាញកែវ និងថូស្រាបៀរ គប់មកលើយុវជនទាំងពីរ និងហក់ទៅ ដណ្តើម កាំបិតកាប់សងវិញយ៉ាងសាហាវធ្វើឲ្យស្ទាវបង្កហេតុរបួសធ្ងន់ហូរឈាមដេកដួលដូចគេអារ ក ក្របី។ ជម្លោះនោះបានធ្វើអោយគាត់ម្ចាស់ហាងមានការតក់ស្លុតភិតភ័យ យ៉ាងខ្លាំងរត់ស្ទុះមកក្រៅហាងស្រែករកជំនួយនឹងបានប្តឹងសមត្ថកិច្ចឲ្យជួយអន្តរាគមន៍។ ជនជាប់ចោទចំនួន៤នាក់ ត្រូវបានចាប់ខ្លួន និងបញ្ជូនទៅស្នងការខេត្ត សាកសួរទាំងយប់នៅ អធិការដ្ឋាននគរបាលក្រុងព្រះសីហនុ។ ចំណែកយុវជនទាំងពីរនាក់កំពុងព្យាបាលនៅគ្លីនិកឯកជនរស្មីកំពង់សោម៕ ដោយ សមុទ្រខៀវ
http://ift.tt/1F8Uv4b
