បទល្មើសក្នុងព្រៃការពារខេត្តមណ្ឌលគិរី ត្រូវបានអង្កការ WWF សហការជាមួយរដ្ឋ បាលព្រៃឈើ បើកយុទ្ធនាការ បង្ក្រាប
ខេត្តមណ្ឌលគិរី៖ ការកាប់រុករានព្រៃឈើ និង ដាក់ អន្ទាក់ សត្វព្រៃ យកទៅ ជួញដូរ នៅក្នុង តំបន់ ព្រៃការ ពារមណ្ឌលគិរី ស្ថិតក្នុង ទឹកដី ស្រុកកោះ ញែក និងស្រុក ពេជ្រាដា ត្រូវបាន អង្កការ WWF ប្រចាំនៅកម្ពុជា សហការណ៍ ជាមួយ មន្ត្រីជំនាញរដ្ឋ បាលព្រៃឈើចំ នួន៥៥នាក់ បើកយុទ្ធនាការ ចុះទប់ស្កាត់ និងបង្ក្រាប រយៈពេល ១០ថ្ងៃ ចាប់ពី ថ្ងៃទី ២៧ខែ មេសា ដល់ថ្ងៃ ទី៦ ខែឧសភានេះ។
លោក សៀ រ៉ា អនុប្រធានរដ្ឋបាលព្រៃឈើបានមានប្រសាសន៍ឲ្យដឹងថា តំបន់ព្រៃការពារមណ្ឌលគិរីនេះ ប្រភេទព្រៃល្បោះ ពាក់កណ្តាល ព្រៃស្រោងដែលមាន លក្ខណះដ៏សមស្របបំផុតសម្រាប់ការរស់នៅរបស់ ពពួកសត្វព្រៃគ្រប់ប្រភេទ ក្នុងនោះមានថនិកសត្វ ប្រមាណ៨០ប្រភេទរស់នៅ មានសត្វស្លាបប្រមាណ ៣៧ប្រភេទ និងឧរង្គសត្វប្រមា ណ ៥០ប្រភេទ ក្នុងនោះក៏មានប្រភេទ សត្វជិតផុតពូជប្រមាណ១៨ ប្រភេទផងដែរ។ ម្យ៉ាងវិញទៀតតំបន់ព្រៃការ ពារមណ្ឌលគិរី ជាតំបន់អភិរក្ស ដ៏មានសក្តានុពល មួយក្នុងចំណោម តំបន់សំខាន់ៗ ទាំង២០០នៅ លើពិភពលោក និងជាតំបន់ដែល មានព្រៃល្បោះធំជាងគេ បង្អស់នៅតំបន់ អាស៊ីភាគអាគ្នេយ៍។
លោកអនុប្រធានរដ្ឋបាល ព្រៃឈើបន្តទៀតថា ដោយមើលឃើញ បញ្ហានេះ លោក ឆេង គឹមស៊ុន ប្រតិភូរាជរដ្ឋាភិបាលទទួល បន្ទុកប្រធានរដ្ឋបាល ព្រៃឈើ បានប្រមូលផ្តុំមន្ត្រីដោយ ប្រើប្រាស់កម្លាំងសរុបចំនួន៥៥ នាក់មកពីគ្រប់ អធិការដ្ឋានរដ្ឋបាល ព្រៃឈើទាំងបួនដែល ដឹកនាំក្នុងការចុះ ប្រតិបត្តិការតំបន់ ព្រៃការពារមណ្ឌលគិរីនេះ។ គួបផ្សំនឹងអង្កការ WWF បានរៀបចំវគ្គបណ្តុះ បណ្តាលលើការចុះអនុវត្តន៍ ជាក់ស្តែងលើការ ដើរល្បាត.ស្រាវជ្រាវ. និងទប់ស្កាត់បទល្មើសព្រៃឈើ សត្វព្រៃក្នុង តំបន់ព្រៃការពារ មណ្ឌលគិរីនេះផងដែរ។គោលបំណងការសហការណ៍ ជាមួយអង្កការក្នុងវគ្គបណ្តុះ បណ្តាល និងចុះប្រតិបត្តិការពេល នេះគឺ ១.ដើម្បី ពង្រឹងការអនុវត្តច្បាប់ ព្រៃឈើនិងលិខិតបទដ្ឋាន គតិយុត្តិពាក់ព័ន្ធ ២.ពង្រឹងចំណេះដឹងដល់ មន្ត្រីរដ្ឋបាលព្រៃឈើលើការងារអភិរក្ស និងការបង្ក្រាបបទល្មើស ឲ្យមានប្រសិទ្ធភាព ៣,ចលនា និងផ្សព្វផ្សាយ ដល់ប្រជាពលរដ្ឋ និងអាជ្ញាធរគ្រប់ លំដាប់ថ្នាក់ ចូលរួមក្នុងកាការពារ ព្រៃឈើនិងសត្វព្រៃ។
កន្លងមកនេះ មន្ត្រីអភិរក្ស សត្វព្រៃបានទប់ស្កាត់ និងបង្ក្រាបបទល្មើស ព្រៃឈើ ក្នុងតំបន់ព្រៃការពារមណ្ឌលគិរី បានរឹបអូសរណាយន្ត ចំនួន១២៨គ្រឿង ត្រាក់ទ័រចំនួន៥គ្រឿង និងដោះអន្ទាក់បាន ចំនួន១៥០០ខ្សែ ចាប់ឃាត់ខ្លួនជនល្មើសបាន៨នាក់ បញ្ជូនទៅតុលាការដើម្បីចាត់ ការតាមច្បាប់។ ទោះបីយ៉ាងនេះក្តីនៅ តំបន់នោះនៅមានបញ្ហាលំបាក និងស្មុកស្មាញមួយចំនួន ក្នុងការអភិរក្សព្រៃឈើ និងសត្វព្រៃដូចជាករណីចលនា កាប់រុករានដីព្រៃក្នុងតំបន់ ព្រៃការពារ ការពង្រីកដីស្រែ និងចំការមានការកើនឡើង គួឲ្យព្រួយបារម្ភ។ ការបបាញ់និងដាក់ អន្ទាក់សំរាប់ ចាប់ សត្វព្រៃមានរាប់រយខ្សែ ក្នុងតំបន់ព្រៃការពារនេះ ហើយការ ដាក់អន្ទាក់នេះមិនត្រឹមតែបង្កឲ្យសត្វព្រៃស្លាប់ ប៉ុណ្ណោះទេ ប៉ុន្តែវាក៏អាចបង្កគ្រោះ ថ្នាក់ដល់មនុស្សយើង ផងដែរ ៕ ដោយ ឦសាន២
http://ift.tt/1JNfcc6
