យាយ និងចៅស្រីម្នាក់ ត្រូវបានរថយន្តបុកចំដាច់ខ្លួនជាពីរកំណាត់ និងអូសជាង១០០ម៉ែត្រស្លាប់យ៉ាងរន្ធត់
ខេត្តបន្ទាយមានជ័យ៖ លោកយាយម្នាក់បានដឹកដៃចៅស្រីម្នាក់ ដើរតាមចិញ្ចើមផ្លូវត្រូវបាន រថយន្តយន្តលុច្សស៊ីស៤៧០ មួយគ្រឿងបានរេចង្កូតទៅបុកពេញទំហឹងដាច់ជា២ កំណាត់ និង អូសជាង១០០ម៉ែត្រ ស្លាប់នៅកន្លែងកើតហេតុយ៉ាងអាណោជអាធ័ម ។ ហេតុការណ៍គ្រោះថ្នាក់ចរាចរណ៍ដ៏កម្រោលនេះបានកើតនៅវេលាម៉ោង៧ព្រឹក ថ្ងៃទី១ មិថុនា ឆ្នាំ២០១៥ ស្ថិតនៅភូមិវត្តថ្មី ឃុំភ្នំព្រឹក ស្រុកមង្គលបូរី ខេត្តបន្ទាយមានជ័យ។
បើតាមប្រភពីសាក្សីបានអោយដឹងថា៖ មុនពេលកើតហេតុ គេឃើញ ជីដូន និងចៅស្រីបានដឹកដៃគ្នាដើរតាមចិញ្ចើមផ្លូវ ភ្លាមនោះក៏មានរថយន្តលុច្សស៊ីស៤៧០ ពាក់ស្លាកលេខ2L -7689 មួយបើកបរពីជើងទៅត្បូងក្នុងល្បឿនលឿន បានរ៉េចង្កូតទៅបុកយ៉ាងពេញ ទំហឹងបណ្តាលឲ្យយាយ និងចៅស្លាប់ភ្លាមៗ បន្ទាប់ពីអូសជាង១០០ម៉ែត្រ បានធ្លាក់ចូលប្រឡាយទើបរថយន្តទៅមុខរួច ។ តែភ្លាមនោះប្រជាពលរដ្ឋ ឃាត់បានតៃកុងរថយន្តប្រគល់ឲ្យសមត្ថកិច្ចជំនាញ ចាត់ចែង។
លោកស៊ី ឌីអធិការនគរបាលស្រុកមង្គលបូរី បានប្រាប់ថា ក្រោយពីកើតហេតុសមត្ថកិច្ចយើងបានចុះទៅ អន្តរាគមន៍ តែម្តង ។ លោកបន្តថាភ្លាមនោះ ប្រជាពលរដ្ឋ បានប្រគលតៃកុងរថយន្តម្នាក់ មានឈ្មោះ ប៊ុន រតនា ភេទប្រុស អាយុ៣១ឆ្នាំ មានទីលំនៅ ភូមិ២ ឃុំរកា ស្រុកក្រូចឆ្មា ខេត្តកំពុងចាម។ ចំណែក ស្ត្រីចំណាស់រងគ្រោះឈ្មោះ ហម ឡាប អាយុ៦៧ឆ្នាំ និងចៅស្រីឈ្មោះសាល នីតាអាយុ៥ឆ្នាំ រស់នៅក្នុងភូមិកើតហេតុខាងលើនេះ។
ក្រោយពីសមត្ថកិច្ចយើងបានវាស់វែង និងអន្តរាគមន៍រួចរាល់ បានប្រគល់ សាកសពជនរងគ្រោះ ទៅឲ្យក្រុមគ្រួសារសពយកទៅបុណ្យ។ ចំណែករថយន្តបង្ក និងតៃកុងរថយន្តសមត្ថកិច្ចបានឃាត់ខ្លួនបណ្តុះ អាសន្ននៅអធិការដ្ឋាន នគរបាស្រុកមង្គលបូរី ដើម្បីរងចាំការដោះស្រាយតាមច្បាប់៕ ដោយ វ៉ាន់ វត្ថា
http://ift.tt/1M36kNY
