ប្រជាពលរដ្ឋភូមិអន្លុងកញ្ចុះ មកតវ៉ាសុំឲ្យដកប្រធានសហគមន៍ចេញ ដោយចោទថាបានគាប សង្កត់យកលុយពីពួកគាត់ក្នុងការដាក់សម្រាស់បន្តិចបន្តួចជាលក្ខណៈគ្រួសារ
ខេត្តកំពង់ឆ្នាំង៖ ប្រជាពលរដ្ឋប្រមាណជាង៥០នាក់មកពី ភូមិអន្លុងកញ្ចុះ ឃុំប្រឡាយមាស ស្រុកកំពង់ លែងបានឡើងមកតវ៉ា ចោទលោក សៀន ធឿន ជាប្រធានសហគមន៍ថា៖ ប្រព្រឹត្តអំពើពុករលួយ គាបសង្កត់ជម្រិតយកលុយពី ប្រជានេសាទ តែបានបើកដៃអោយមានអ្នកនេសាទពីខាងក្រៅប្រើឧបករណ៍ ល្មើសច្បាប់ចូលក្នុងតំបន់ពួកគាត់រស់នៅប្រកបមុខរបរមិនកើត ។
ការតវ៉ានេះបានកើតឡើងនៅព្រឹកថ្ងៃទី០៨ ខែមិថុនា ឆ្នាំ២០១៥ នៅមុខស្នាក់ការខណ្ឌរដ្ឋ បាលជល ផលកំពង់ឆ្នាំង ដោយតវ៉ា សុំអោយសមត្ថកិច្ច ខណ្ឌ័រដ្ឋបាលជលផលកំពង់ឆ្នាំង ជួយដោះស្រាយដក លោក ប្រធានសហគមន៍នសាទខាងលើចេញ។
ប្រជាពលរដ្ឋទាំងនោះបានលើកឡើងថា៖ ប្រធានសហគមន៍នេសាទអន្លុងកញ្ចុះ ឈ្មោះ សៀន ធឿន បានជម្រិតលុយពីប្រជាពលរដ្ឋដែលបានដាក់សម្រាស់លក្ខណៈគ្រួសារ ចាប់ពី១០០ទៅ៥០០ដុល្លារ តាមសម្រាស់តូចធំ ។ អ្នកខ្លះមួយរដូវទៅហើយមិនទាន់បានកៀរម្តងផង តែបានបង់លុយអោយសហគមន៍រួចហើយ ។ ពួកគាត់បានបញ្ជាក់ថាសហគមន៍បានកៀបសង្កត់ជម្រិតយកលុយពីពួកគាត់តែបាន បើកដៃអោយអ្នកនេសាទពីខាងក្រៅមាន វៀតណាម ខ្មែរឥស្លាម មកនេសាទដោយប្រើឧបករណ៍អូសអួន អូសជន មងបង្ក្រាប និងឧបករណ៍ឆៃរ៉ាជាដើម ។ ចាប់តាំងពីកើតសហគមន៍នេះនៅឆ្នាំ២០១២ មកដល់ពេលនេះរយៈពេលជាង៣ឆ្នាំហើយ គ្មានការរីកចំរើនអ្វីឡើយ ហេតុនេះគឺស្នើសុំអោយដក សហគមន៍ ចាស់នេះចេញទាំងអស់។
តំណាងប្រជាពលរដ្ឋដែលមកតវ៉ា មានឈ្មោះ ស៊ីវ សារិន បានសុំមិនលើកឡើងពីបញ្ហាប្រធាន សហគមន៍ជំរិតលុយពីប្រជាពលរដ្ឋដាក់សម្រាស់នោះទេ តែបានលើកឡើងថា សហគមន៍សព្វថ្ងៃដែល មានលោក សៀន ធឿន ជាប្រធានសហគមន៍ គឺអសមត្ថភាពក្នុងការដឹកនាំ បណ្តោយអោយអ្នកខាង ក្រោយចូលមកប្រើឧបករណ៍ខុសច្បាប់មកនេសាទ បំផ្លាញ មង សន្ទូច របស់ប្រជាពលរដ្ឋ ហេតុនេះ ក្នុងនាមលោកតំណាងអោយប្រជាពលរដ្ឋ សូមអោយសមត្ថកិច្ច និងខណ្ឌរដ្ឋបាលជលផលកំពង់ឆ្នាំង ដកលោកប្រធានសហគន៍សព្វថ្ងៃនេះចេញ ។
ចំណែក លោក សៀន ធឿន ប្រធានសហគមន៍នេសាទកន្លុងកញ្ចុះ បានឆ្លើយបដិសេធន៍ថា លោកមិន បានយកប្រាក់សូម្បី១រយលុយខ្មែរពីអ្នកណាម្នាក់ឡើយ ចំពោះបញ្ហាមានអ្នករត់ការដាក់សម្រាស់អី នោះ លោកមិនដឹងទេ ចំណែករឿងអ្នកនេសាទដែលប្រើឧបករណ៍ អូសអួន អូសជន ពេលចូលមកគឺលោក ដឹកនាំបង្ក្រាបរហូត ។ ពេលនេះបើពួកគាត់ចង់ដកលោកចេញលោកមិនបដិសេធន៍ឡើយ លោកនឹង ចេញ ភ្លាម ប៉ុន្តែលោកធ្វើការងារមានខ្យែបណ្តោយបើខ្យែបណ្តោយអោយលោកនៅធ្វើប្រធានសហគមន៍ គឺលោកនៅតែធ្វើដដែល។
លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង បានអោយដឹងថា៖ រឿងដកសហគមន៍ មិនមែនចេះតែដកតាមតែចិត្តនោះទេ លុះត្រាតែរកឃើញថាសហគមន៏មានកំហុសពិតមែន ទើបមាន ការកោះប្រជុំ ពិភាក្សារគ្នា និងបោះឆ្នោតជ្រើសរើសរកប្រធានថ្មីមកជំនួស ។ ចំណែករឿងប្រជាពលរដ្ឋ មកថ្ងៃនេះលោកបានអោយតំណាងប្រជាពលរដ្ឋចូលជួបនិងពន្យល់ប្រាប់គាត់ថា៖ មន្ត្រីជំនាញនឹងចុះសិក្សាស្រាវជ្រាវរឿងនេះ ហើយបើឃើញថាមានកំហុស នឹងបើកកិច្ចប្រជុំមួយជ្រើសរើសបេក្ខជនថ្មីអោយសមាជិកសហគមន៍ បោះឆ្នោតជ្រើសរើប្រធានថ្មីមកជំនួសវិញ ហេតុនេះសូមអោយពួកគាត់ វិលត្រឡប់ទៅមូលដ្ឋានវិញសិន រង់ចាំសមត្ថកិច្ចធ្វើការសិន៕ ដោយ រិទ្ធិ ជ័យ
http://ift.tt/1L1mjyu
