មន្ត្រីក្រសួងវប្បធម៌ និងវិចិត្រសិល្បៈបើកក្នុងល្បឿនលឿនដល់ផ្លូវបត់កោងមិនបង្អង់ រថយន្តបានហោះចេញពីផ្លូវក្រឡាប់ជាច្រើនត្រឡប់របួសធ្ងន់ស្រាល៣នាក់
ខេត្តកំពង់ឆ្នាំង៖ មនុស្សប្រុស ស្រីចំនួន៣នាក់ ក្នុងនោះម្នាក់ជាកុមារ ដែលជាមន្ត្រីក្រសួងវប្បធម៌ និងវិចិត្រសិល្បៈបានរងរបួសធ្ងន់ និងស្រាល ដោយសារតែរថយន្តទំនើបមួយគ្រឿងបានក្រឡាប់ ជាច្រើនត្រឡប់ព្រោះតែបើកបរក្នុងល្បឿនលឿនមិនព្រមបង្អង់ពេលទៅដល់ផ្លូវកោងបត់តែជាន់ហ្វ្រាំងទាំងបង្ខំបណ្តាលអោយក្រឡាប់ចូលភូមិដ្ឋានប្រជាពលរដ្ឋតែម្តង។ ហេតុការណ៍នេះបានកើតឡើងនៅវេលម៉ោង ៩និង១០នាទីយប់ថ្ងៃទី០៧ ខែមិថុនា ឆ្នាំ២០១៥ នៅចំណុចផ្លូវកោង ក្នុងភូមិខ្វិត ឃុំពង្រ ស្រុករលាប្អៀរ ។
សមត្ថកិច្ចនគរបាលស្រុករលាប្អៀរបានអោយដឹថា៖ រថយន្តក្រឡាប់ជាច្រើនត្រឡប់ខាងលើម៉ាក តូយូតា អាវ៉ាន់ហ្សា ពណ៌ស ពាក់ស្លាកលេខ ភ្នំពេញ 2AC- 9486 ជារថយន្តថ្មីសន្លាង មានកុងទ័រទើបតែជាង ១ពាន់ គីឡូម៉ែត្រប៉ុណ្ណោះ ដែលបើកបរដោយបុរសមិនស្គាល់ឈ្មោះ ប៉ុន្តែបានដឹងថា៖ ជាមន្ត្រីធ្វើការនៅក្រសួងវប្បធម៌ និងវិចិត្រសិល្បៈ ។
ប្រភពដដែលបានអោយដឹងទៀតថា៖ រថយន្តខាងលើបានធ្វើដំណើរក្នុងទិសដៅពីខេត្តបាត់ដំបង ទៅភ្នំពេញ លើផ្លូវជាតិលេខ៥ ក្នុងដំណើរពីជើងទៅត្បូង លុះមកដល់ចំណុចកើតហេតុ ជាផ្លូវកោងបត់ឆ្វេង បន្តែដោយសាររថយន្តមានល្បឿនលឿនពេក រថយន្តមិនអាចបត់បាននិងដោយសារអ្នកបើកបរជាន់ហ្វ្រាំងបង្ខំផង ក៏បានបណ្តាលអោយក្រឡាប់មកខាងស្តាំដៃជាច្រើនត្រឡប់ចូលទៅក្នុងភូមិដា្ឋនប្រជាពលរដ្ឋដែលនៅក្បែរនោះ។
ក្រោយពេលកើតហេតុ គេឃើញជនរងគ្រោះជិះក្នុងរថយន្តមានចំនួន៣នាក់មានប្រុសម្នាក់ស្រីម្នាក់ និងកុមារម្នាក់ បានរងរបួសធ្ងន់ និងស្រាល ហើយត្រូវបានដឹកមកសង្គ្រោះនៅមន្ទីរពេទ្យខេត្ត តែ ដោយសារមានអ្នករងរបួសធ្ងន់ និងដោយសារគ្រួសារខាងលើមានទីលំនៅក្រុងភ្នំពេញផងនោះ ទើប បញ្ជូនជនរងគ្រោះទៅកាន់មន្ទីរពេទ្យក្រុងភ្នំពេញជាបន្តទៀត ។
ចំណែករថយន្តរងគ្រោះខាងលើត្រូវបានសមត្ថកិច្ច ស្ទូចយករក្សាទុកនៅការិយាល័យចរាចរណ៍ ផ្លូវគោកខេត្ត ដើម្បីរង់ចាំការដោះស្រាយតាមនិតិវិធី ជាមួយប្រជាពលរដ្ឋជាម្ចាស់ភូមិដ្ឋាន ដែលបានរងការខូចខាតទ្រព្យសម្បត្តិពួកគាត់មួយចំនួននោះ៕ ដោយ រិទ្ធិ ជ័យ
http://ift.tt/1BYI1L4
