យុវជនម្នាក់ចាប់រំលោភកុមារីអាយុ៦ឆ្នាំដោយម្រាមដៃ ត្រូវសមត្ថកិច្ចចាប់វ៉ៃខ្នោះ
ខេត្តកំពង់ឆ្នាំង៖ យុវជនទំនើងអសីលធម៌ម្នាក់ ត្រូវបានសមតកិច្ចចាប់ខ្លួនបន្ទាប់ពីរូបគេ បានចាប់រំលោភកុមារី អាយុ៦ឆ្នាំម្នាក់ដោយប្រើម្រាមដៃទាំងកំរោល ធ្វើអោយកុមារីរងគ្រោះរបួសធ្លាក់ឈាមយ៉ាងច្រើនត្រូវបានជីដូនដឹកមកសង្គ្រោះនៅក្នុងមន្ទីរពេទ្យខេត្ត។ ករណីចាប់រំលោភខាងលើនេះបានកើតឡើងនៅម៉ោង៥ និង៤៥នាទីល្ងាច ថ្ងៃទី០៣ ខែមិថុនា ឆ្នាំ២០១៥ នៅក្នុងភូមិដូនវៀត ឃុំកំពង់ហៅ ស្រុកកំពង់លែង។
លោក ឌុច ចំរើន នាយការិយាល័យនគរបាលព្រហ្មទណ្ឌកំរិតធ្ងន់ខេត្តបានអោយដឹងថា៖ ជនល្មើសក្នុងករណីនេះ មានឈ្មោះ ញឹក វ៉ាន់ ហៅតឿង អាយុ១៩ឆ្នាំ រស់នៅក្នុងភូមិឃុំកើតហេតុខាងលើ ឯកុមារីរងគ្រោះមានអាយុ៦ឆ្នាំ រស់នៅក្នុងភូមិជាមួយគ្នា។ នៅក្នុងកំណត់ហេតុរបស់សមត្ថកិច្ចនគរបាលមូលដ្ឋានបានអោយដឹងថា៖ មុនពេលកើតហេតុ កុមារីរងគ្រោះនិង មិត្តភ័ក្រនាងចំនួន៤នាក់ទៀតបាននាំគ្នាបេះផ្លែសាវម៉ាវព្រៃនៅក្នុងព្រៃក្រោយផ្ទះបុរសម្នាក់នៅក្នុងភូមិ នៅពេល នោះជនសង្ស័យបានដើរមកដល់ ក៏បានហៅកុមារីរងគ្រោះអោយមកជិត ហើយចាប់រំលោភនាងដោយប្រើម្រាមដៃទាំងកំរោលរុកក្នុងប្រដាប់ភេទ ពេលកុមារីស្រែកយំទាំងក្តីឈឺចាប់ រូបគេក៏បានគេចខ្លួនចេញទៅ។
នៅក្នុងពេលនោះដែរ កុមារីជាមិត្តភ័ក្រកុមារីរងគ្រោះ ក៏បាននាំគ្នារត់ទៅប្រាប់ជីដូនកុមារីរងគ្រោះដែលមានផ្ទះ នៅជិតនោះ។ នៅពេលជីដូនទៅដល់ក៏បានឃើញចៅស្រី មានឈាមធ្លាក់ពីប្រដាប់ភេទ ក៏បានដឹកចៅស្រីទៅ កានមណ្ឌលសុខភាពស្រុក បន្ទាប់មកក៏បានដឹកចៅស្រីមកសង្គ្រោះបន្តនៅមន្ទីរពេទ្យខេត្តកំពង់ឆ្នាំង។
ចំណែកជនល្មើសត្រូវសមត្ថកិច្ចនគរបាលមូលដ្ឋានចាប់ខ្លួនបានទាំងយប់ថ្ងៃទី០៣ខែមិថុនា ឆ្នាំ២០១៥ ហើយនៅ ល្ងាចថ្ងៃទី០៤ ខែមិថុនា ឆ្នាំ២០១៥ ក៏បានបញ្ជូនខ្លួនមកកាន់ការិយាល័យនគរបាលព្រហ្មទ័ណ្ឌកម្រិតធ្ងន់ នៃស្នងការដ្ឋាននគរបាលខេត្តកំពង់ឆ្នាំង។ លោក ឌុច ចំរើន បានអោយដឹងថា៖ជនសង្ស័យត្រូវកសាងសំណុំរឿងតាម និតិវិធី បញ្ជូនខ្លួនទៅកាន់តុលាការខេត្ត នៅល្ងាចថ្ងៃទី០៥ ខែមិថុនា ឆ្នាំ២០១៥នេះ ដើម្បីចោទប្រកាន់ និងផ្តន្ទា ទោសតាមបញ្ញាត្តិច្បាប់។
នៅក្នុងមន្ទីរពេទ្យខេត្តនាព្រឹកថ្ងៃទី០៥ ខែមិថុនានេះ កុមារីរងគ្រោះ បន្ទាប់ពីគ្រូពេទ្យកុមារខេត្តបានយក ចិត្តទុក ដាក់សង្គ្រោះ ព្យាបាលរយៈពេល២ថ្ងៃរួចមក នាងបានធូរស្បើយបន្តិចហើយ ជីដូននាងអោយដឹងថា ពេលនាង នោមមកមានការស្រែកយំដោយការឈឺផ្សារនៅឡើយ។ លោកប្រធានមន្ទីរពេទ្យខេត្តអោយដឹងថា៖ ពេលនាង មកដល់ដំបូងគឺ មានរបួសរលាកតម្រងនោម ធ្លាក់ឈាម និងស្ទះទឹកនោម ដែលនាងរងគ្រោះដោយការ រំលោភ ដ៏អសីលធម៌បំផុតនោះ៕ ដោយ រិទ្ធិ ជ័យ
http://ift.tt/1Go4Vmt
