បុរស២នាក់ ត្រូវសមត្ថកិច្ចចាប់ខ្លួន ដកហូតថ្នាំញៀន ម៉ាទឹកក១កញ្ចប់តូច និងដាវសាំម៉ូរ៉ៃ១ដើម
ខេត្តកំពង់ឆ្នាំង៖ អ្នកប្រើប្រាស់ និងចែកចាយថ្នាំញៀន២នាក់ រួមជាមួយគ្រឿងញៀនម៉ាទឹកកមួយកញ្ចប់តូច ដាវសាំម៉ូរ៉ៃ១ដើម ត្រូវបានសមត្ថកិច្ចនគរបាលក្រុងកំពង់ឆ្នាំង និងនគរបាលប្រឆាំងគ្រឿងញៀនខេត្ត ចាប់ខ្លួន និងដកហូតបាន។ ករណីបង្ក្រាបគ្រឿងញៀនខាងលើនេះ បង្ក្រាបបាននៅម៉ោង១០និង១៥នាទីនៅក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ដែលបានដឹកនាំដោយលោក ឯក ស៊ុនរស្មី ព្រះរាជអាជ្ញារងសាលាដំបូងខេត្ត។
សមត្ថកិច្ចបានអោយដឹងថា៖ ជនសង្ស័យទាំង២នាក់នេះមាន១.ឈ្មោះ សាត ភារៈ អាយុ១៨ឆ្នាំ រស់នៅក្នុងភូមិស្មែត ឃុំស្វាយជ្រុំ ស្រុករលាប្អៀរ ចាប់ខ្លួននៅក្នុងភូមិ ឃុំរបស់គេ បន្ទាប់មករូបគេបានចង្អុលបង្ហាញអោយសមត្ថកិច្ចចាប់ខ្លួន អ្នកទី២ឈ្មោះ ខៀន ញៀន អាយុ៣៩ឆ្នាំ រស់នៅភូមិកំពង់ប្រាសាទ ឃុំសែប ស្រុកកំពអ់ត្រឡាច តែគេមករកស៊ីនិងស្នាក់នៅផ្ទះជាមួយម្តាយនិងប្អូននៅភូមិត្រពាំងបី សង្កាត់ផ្សារឆ្នាំង ដែលរូបគេជាអ្នកចែកចាយ និងប្រើប្រាស់ថ្នាំញៀន។
សមត្ថកិច្ចចម្រុះមានលោក ឯក ស៊ុនរស្មី ព្រះរាជអាជ្ញារងសាលាដំបូងខេត្ត សមត្ថកិច្ចបានឆែកឆេរនៅលើផ្ទះម្តាយ និងផ្ទះរបស់ប្អូនរបស់ឈ្មោះ ខៀន ញៀន នៅក្នុងភូមិត្រពាំងបី បានរកឃើញ និងដកហូតថ្នាំញើនម៉ាទឹកកមួយកញ្ចប់តូច និងដាវសាំម៉ូរ៉ៃ១ដើមទៀត។ ជនសង្ស័យទាំង២នាក់រួមនិវត្ថុតាង ត្រូបានសមត្ថកិច្ចនគរបាលការិយាល័យប្រឆាំគ្រឿងញៀនខេត្ត កសាងសំណុំរឿងបញញជូនទៅតុលាការខេត្ត ធ្វើការផ្តន្ទាទោសពួកគេតាមផ្លូវច្បាប់៕ ដោយ រិទ្ធិ ជ័យ
http://ift.tt/1Qt7nr3
