អ្នកចែកចាយ និងប្រើប្រាស់ថ្នាំញៀន៥នាក់ ជាមួយនឹងថ្នាំញៀន៤កញ្ចប់ ត្រូវនគរបាលខេត្តក្រសោប
ខេត្តកំពង់ឆ្នាំង៖ ជនសង្ស័យជាអ្នកចែកចាយ និងប្រើប្រាស់ថ្នាំញៀន ចំនួន៥នាក់ ត្រូវបានកម្លាំងសមត្ថ កិច្ចនគរបាលខេត្ត ស្រុក និងក្រុង សហការគ្នាចាប់បានជាបន្តរបន្ទាប់នៅពេលវេលា និងទីកន្លែងខុសៗ គ្នានិងបានដកហូតថ្នាំញៀនបាន៤កញ្ចប់តូច និងបញ្ជូនខ្លួនមកកាន់ស្នងការដ្ឋាននគរបាលខេត្ត នៅព្រឹកថ្ងៃទី០៩.០៦.២០១៥ ដើម្បីកសាងសំណុំរឿងបញ្ជូនទៅតុលាការខេត្ត។
តាមសេចក្តីរាយការណ៍ ពីសមត្ថកិច្ចនគរបាលស្រុកកំពង់ត្រឡាចបានប្រាប់អោយដឹងថា៖ ក្នុងករណី បង្ក្រាបគ្រឿងញៀននេះគឺឃាត់ខ្លួនបានមនុស្សចំនួន៣នាក់ មាន ១ឈ្មោះ ជិន នរិន អាយុ១៧ឆ្នាំ មាន ទីលំនៅ ភូមិសាលាលេខ៥ ឃុំអូរឬស្សី ២ឈ្មោះ តាន់ ចាន់នី អាយុ២១ ឆ្នាំ មានទីលំនៅភូមិស្ពាន ពោធិ ឃុំសេដ្ឋី ស្រុកសាមគ្គីមានជ័យ ។ ទាំង២នាក់បានឃាត់ខ្លួននៅវេលាម៉ោង ៣ និង១០នាទីរសៀលថ្ងៃទី៨ ខែមិថុនា ឆ្នាំ២០១៥ ដកហូតថ្នាំញៀនម៉ាទឹកកក១កញ្ចប់តូចនៅជាប់ខ្លួន ហើយសមត្ថកិច្ច បាននាំខ្លួនទៅឆែកឆេរក្នុផ្ទះឈ្មោះ ជិន នរិន រកឃើញគ្រឿងថ្នាំញៀន២កញ្ជប់តូចទៀត និងឧបករណ៍ជក់គ្រឿងញៀនមួយចំនួនទៀត។
ដោយឡែក អ្នកទី៣.ឈ្មោះ បឿ ចំរើន អាយុ២៣ឆ្នាំ មានទីលំនៅភូមិសាលាលេខ៥ ឈ្មោះនេះបាន ឃាត់ ខ្លួននៅវេលាម៉ោង៨និង២០នាទីព្រឹកថ្ងៃទី៩ ខែមិថុនា ឆ្នាំ២០១៥ ពេលរូបគេទូរស័ព្ទមកសុំទិញថ្នាំញៀនពីឈ្នោះ ជិន នរិណ ។ ជនសង្ស័យទាំង៣នាក់នេះត្រូវបាន សមត្ថកិច្ចបញ្ជូនខ្លួន និងថ្នាំញៀន ប្រភេទម៉ាទឹកកក ចំនួន៣កញ្ចប់ និងសម្ភារៈវេចខ្ចប់ថ្នាំញៀនមួយចំនួនទៀតមកកាន់ ស្នងការដ្ឋាន នគរបាលខេត្តនៅព្រឹកថ្ងៃទី០៩.០៦.២០១៥។
ចំណែកសមត្ថកិច្ចនគរបាលក្រុងកំពង់ឆ្នាំងវិញបានអោយដឹងថា ជនសង្ស័យដែលចាប់ឃាត់ខ្លួន បាន មាន ១ឈ្មោះ ម៉ៅ បេឡា អាយុ២២ឆ្នាំ មានទីលំនៅភូមិផ្សារឆ្នាំងសង្កាត់ផ្សារឆ្នាំង និង២ឈ្មោះ ឌិន យ៉ាំងសឺង ហៅ សាវ រដ្ឋា អាយុ២៤ឆ្នាំ ស្នាក់នៅអ្នកតាចិន ក្នុងភូមិផ្សារឆ្នាំង ។ជនសង្ស័យទាំង២នាក់ ឃាត់ខ្លួនជាមួយថ្នាំញៀន ១កញ្ចប់ នៅវេលាម៉ោង ២និងនិង២០នាទីរំលងអាធ្រាតុ ឈានចូលថ្ងៃទី៩ ខែមិថុនា នៅពេលសមត្ថកិច្ចកំពុងចេញល្បាតនៅតាមមូលដ្ឋាន ក្នុងក្រុងកំពង់ឆ្នាំង។
ដោយឡែកករណីមួយទៀត ជនសង្ស័យម្នាក់ទៀតដែលសមត្ថកិច្ចសុំមិនបញ្ចេញអត្តសញ្ញាណ និងមិន អោយថតយករួបភាព គឺមេជួញដូរគ្រឿងញៀនម្នាក់ ដែលបានចាប់ខ្លួន នៅយប់ថ្ងៃទី០៨ ខែមិថុនា គឺបាន រឹបអូសថ្នាំញៀនចមនួន៤៥កញ្ចប់តូច និងធំ ដែលគិតជាទឹកប្រាក់ប្រមាណ៤ពាន់ដុល្លារ ។ មូលហេតុគឺសមត្ថកិច្ចបានសុំលាក់សិននោះគឺដើម្បីស្រាវជ្រាវបក្ខពួកគេមួយចំនួនទៀត។ #ជនសង្ស័យទាំង៥នាក់ខាងលើនេះត្រូវបានកម្លាំងសមត្ថកិច្ចនគរបាលការិយាល័យប្រឆាំងគ្រឿងញៀនខេត្ត កសាងសំណុំរឿងបញ្ជូនទៅតុលាការចាត់ការតាមផ្លូវច្បាប់។
សូមបញ្ចាក់ថា តាមរបាយការណ៍របស់សមត្ថកិច្ច អោយដឹងថា៖ គ្រាន់តែរយៈពេលមួយសប្តាហ៍ គិតពីថ្ងៃទី០២ ដល់ថ្ងៃទី០៨ ខែមិថុនា ឆ្នាំ២០១៥សមត្ថកិច្ចនគរបាល ស្រុក ក្រុង និងខេត្ត បានបង្ក្រាបគ្រឿងញៀនបាន៦ករណីចាប់ខ្លួនមនុស្ស១៦នាក់ ក្នុងនោះស្រី២នាក់ រួមជាមួយវត្ថុតាងថ្នាំញៀនម៉ាទឹកកកចំនួន៣២កញ្ចប់ ស្មើនឹង១៤,០៣ក្រាម និងសម្ភារៈជាវត្ថុតាងមួយចំនួនទៀត ហើយជន សង្ស័យទាំងនេះតុលាការបានសម្រេចឃុំខ្លួនក្នុងពន្ធាគារខេត្តរួចហើយ ៕ ដោយ រិទ្ធិ ជ័យ
http://ift.tt/1Islk6R
