រថយន្តកុងតៃន័រ២គ្រឿងសណ្តោងគ្នា ឡើងវ៉ារថយន្តក្រុងចតស្ងៀមមិនផុត បណ្តាលឲ្យបុកគូថរថយន្តក្រុង លាន់ស្នូរដូចរន្ទះបាញ់ អ្នកដំណើរភ័យផ្អែមមាត់ទាំងព្រលឹងចុងសក់
ខេត្តកំពង់ឆ្នាំង៖ អ្នកធ្វើដំណើរលើរថយន្តក្រុងភ័យព្រលឹងចុងសក់ស្រែកភា្លត់សម្លេងគ្រប់គ្នា នៅពេល ដែល រថយន្តកុងតៃន័រសណ្តោងគ្នាមួយគ្រឿងបាន ទៅបុកគូថរថយន្តក្រុងពីក្រោយពេញទំហឹង ផ្អើល ឈួឆរពេលកំពុងឈប់ដាក់អ្នកដំណើរ។ គ្រោះថ្នាក់នេះបានកើតឡើងនៅម៉ោង ១និង៣០នាទី រសៀល ថ្ងៃទី៣១ ខែឧសភា ឆ្នាំ២០១៥លើផ្លូវជាតិលេខ៥ ស្ថិតក្នុងព្រុំប្រទល់ភូមិទ្រាជើង ឃុំស្រែថ្មី ស្រុករលាប្អៀរ និងភូមិទទី៨ សង្កាត់ខ្សាម ក្រុងកំពង់ឆ្នាំង ។
សមត្កកិច្ចនគរបាលចរាចរណ៍ផ្លូវគោកខេត្តបានអោយដឹងថា៖ មុនពេលកើតហេតុមានរថយន្តក្រុងដឹក អ្នកដំណើរ មួយគ្រឿងរបស់ក្រុមហ៊ុន ថោង ស៊ីង ពាក់ស្លាកលេខ ភ្នំពេញ 3C-7287 បានធ្វើដំណើរតាមបណ្តោយផ្លូវជាតិលេខ៥ ក្នុងដំណើរពីជើង ទៅត្បូងលុះមកដល់ចំណុចកើតហេតុ ក៏បានឈប់អែបខាងដើម្បីដាក់អ្នកដំណើរចុះ។ ខណៈនោះមានរថយន្តកុងតៃន័រសណ្តោងគ្នាចំនួន២គ្រឿង ដែលរថយន្តខាងមុខពាក់ស្លាកលេខ ក្រចេះ 3A-0218 បានសណ្តោងរថយន្តមួយគ្រឿង ទៀតជាប្រភេទដូចគ្នា ( តែរថយន្តនេះបានដោះស្លាកលេខចេញ ក្រោយពេលកើតហេតុ ) ។
សមត្កកិច្ចនបន្តថា៖ លុះពេលមកដល់ចំណុចកើតហេតុ ក៏បានបើកជែងវ៉ា រថយន្ត ក្រុងដែលឈប់ស្ងៀម ប៉ុន្តែពេលរថយន្តខាងមុខបើកវ៉ាផុត ស្រាប់តែមានម៉ូតូមួយគ្រឿងផ្សេង ទៀតបានបើកមកពីមុខរថយន្តសណ្តោងខាងមុខ ធ្វើអោយរថយន្តសណ្តោងខាងមុខងៀកក្បាល មក ស្តាំវិញ ដូចទាញរថយន្តសណ្តោងខាងក្រោយ អោយទៅបុកគូថរថយន្តក្រុងពេញទំហឹងតែម្តង។ ធ្វើអោយរថយន្តសណ្តោងខាងក្រោយខូចខ្ទេចមួយកំណាត់មុខ រួចហួសក្រឡាប់ធ្លាក់ចូលក្នុងប្រឡាយ ខាងឆ្វេងដៃ ចំណែករថយន្តក្រុងបានរងការខូចខាតខាងក្រោយខ្ទេចមួយជំហៀង ធ្វើអ្នកដំណើរលើរថយន្តកបានភ័យតក់ស្លុតគ្រប់គ្នាព្រោះតែការបុកមានកម្លាំងរំជួយខ្លាំង។
ក្រោយពេលកើតហេតុ អ្នកបើកបររថយន្តទាំង៣គ្រឿងបានរត់គេចខ្លួនបាត់អស់ បន្សល់ទុកតែតំណាង ក្រុមហ៊ុនរៀងខ្លួន ចូលមកជួបសមត្ថកិច្ចនគរបាល ដើម្បីរករថយន្តស្ទួច មកស្ទូចរថយន្តដែលក្រឡាប់ និងយករថយន្ត៣គ្រឿង មករក្សាទុកនៅក្នុងស្នងការដ្ឋាននគរបាលខេត្ត កសាងសំណុំ រឿងដោះ ស្រាយតាមនិតិវិធីច្បាប់៕ ដោយ រិទ្ធិ ជ័យ
http://ift.tt/1Qkh2QQ
