ជនសង្ស័យជួញដូរកញ្ឆាក្រៀមទម្ងន់៩គីឡូក្រាម ប៉ូលិសចាបខ្លួន
ខេត្តព្រះសីហនុ៖ យុវជន២នាក់ត្រូវបានសមត្ថកិច្ចប្រឆាំងគ្រឿងញៀនខេត្ត ព្រះសីហនុ ឃាត់ខ្លួន កាលពីយប់ថ្ងៃទី៣០ ខែឧសភា ឆ្នាំ២០១៥នៅចំណុចភូមិ៥ សង្កាត់លេខ០៤ ក្រុងព្រះសីហនុ។ ការឃាត់ខ្លួននោះរឹបអូសបានកញ្ឆាក្រៀមទម្ងន់ជិត០៩គីឡូក្រាម។
លោកវរសេនីយ៍ទោ តាក សារិទ្ឋ នាយការិយាល័យប្រឆាំងការជូញដូរគ្រឿងញៀនបានអោយដឹងថា ជនសង្ស័យដែលត្រូវបានចាប់ខ្លួន ទី១ឈ្មោះ អម វិទូ ភេទប្រុស អាយុ ២៣ឆ្នាំ មុខរបរជាងជួសជុលទូរស័ព្ទ មានស្រុកំណើត ភូមិជ្រោយ ឃុំព្រះបាទជាន់ជុំ ស្រុកគីរីវង្ស ខេត្តតាកែវ និងទី២ឈ្មោះ ឌិន ចន្ថន ភេទប្រុស អាយុ៣៣ឆ្នាំមុខរបរអ្នករត់រថយន្តឈ្នួល(តាក់ស៊ី)។ មានស្រុកកំណើតនៅឃុំគងជ័យ ស្រុកអូររាំងឪ ខេត្តកំពង់ចាម។ វត្ថុតាងដែលរឹបអូសរួមមានកញ្ឆាក្រៀមចំនួន២ស្បោង ទម្ងន់៩គីឡូក្រាម ទូរស័ព្ទដៃចំនួន៥គ្រឿង និងកាបូបដាក់លុយចំនួន២។
សូមបញ្ជាក់ផងដែរថាសំរាប់ឆ្នាំ២០១៥ គិតត្រឹមខែឧសភានេះគេសង្កេតឃើញថាការិយា ល័យ ប្រឆាំងការជួញដូរគ្រឿងញៀន នៃស្នងការដ្ឋាននគរបាលខេត្តព្រះសីហនុ បានធ្វើការ បង្ក្រាបការចែកចាយបានជាច្រើនទីតាំង ហើយនៅយប់ថ្ងៃទី៣០ ឧសភានេះ អាចចាត់ទុកថាជាករណីបង្ក្រាប់ក្នុងទ្រង់ទ្រាយធំប្រចាំឆ្នាំផងដែរ។ សូមបញ្ជាក់ផងដែរថាបច្ចុប្បន្នជន សង្ស័យ ទាំង២នាក់កំពុងត្រូវបានសមត្ថិច្ចជំនាញសាកសួរ និងកសាងសំណុំរឿងបញ្ជូនទៅ កាន់ សាលាដំបូងខេត្តព្រះសីហនុ៕ សមុទ្រខៀវ
http://ift.tt/1RJb0eU
